ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ସିଓପି ୨୭ ରେ ଭାରତର ଜାତୀୟ ବିବୃତ୍ତି
Posted On:
15 NOV 2022 7:58PM by PIB Bhubaneshwar
କେନ୍ଦ୍ର ପରିବେଶ ଜଙ୍ଗଲ ଏବଂ ଜଳବାୟୁ ପରିବର୍ତ୍ତନ ମନ୍ତ୍ରୀ ଶ୍ରୀ ଭୁପେନ୍ଦର ଯାଦବ ଆଜି ସିଓପି ୨୭ ରେ ଭାରତର ଜାତୀୟ ବିବୃତ୍ତି ପ୍ରଦାନ କରିଛନ୍ତି ।
ମାନ୍ୟବର,
ସର୍ବ ପ୍ରଥମେ ଜୋରଦାର ଉଦ୍ୟମ ଏବଂ ସୁନ୍ଦର ଆତିଥେୟତା ପାଇଁ ଆମର ଆୟୋଜକ ଏବଂ ସିଓପି ୨୭ ର ସଭାପତି, ଆରବ ରିପବ୍ଲିକ୍ ଅଫ୍ ଇଜିପ୍ଟକୁ କୃତଜ୍ଞତା ଜଣାଉଛି ।
ଏକ ବର୍ଷ ପୂର୍ବେ, ଗ୍ଲାସଗୋରେ, ଆମେ ବିଜ୍ଞାନର ଆହ୍ୱାନକୁ ଗ୍ରହଣ କରିଥିଲୁ ଏବଂ ଗୁରୁତ୍ୱପୂର୍ଣ୍ଣ ପ୍ରତିଶ୍ରୁତି ଏବଂ ପ୍ରତିଜ୍ଞା ସହିତ ଆଗକୁ ଆସିଥିଲୁ ।
ଶର୍ମ-ଏଲ୍-ଶେଖରେ ଚଳିତ ବର୍ଷ ଆମ କାର୍ଯ୍ୟର ମୂହୂର୍ତ୍ତ ଅଟେ, ଏବଂ ଇଜିପ୍ଟର ପ୍ରେସିଡେନସି ଏହାକୁ ସଠିକ୍ ଭାବରେ କାର୍ଯ୍ୟକାରୀ କରିଛନ୍ତି ।
ମାନ୍ୟବର
ଆମର ମାନ୍ୟବର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ୨୦୭୦ ସୁଦ୍ଧା ଗ୍ଲାସଗୋରେ ନେଟ୍ ଜିରୋ ର୍ନିଗମନ ହାସଲ କରିବାର ଲକ୍ଷ୍ୟ ଘୋଷଣା କରିଛନ୍ତି । ଗୋଟିଏ ବର୍ଷ ମଧ୍ୟରେ ଭାରତ ଏହାର ଦୀର୍ଘକାଳୀନ ନିମ୍ନ ର୍ନିଗମନ ଅଭିବୃଦ୍ଧି ରଣନୀତି ଦାଖଲ କରିଛି ଯାହା ପ୍ରମୁଖ ଅର୍ଥନୈତିକ କ୍ଷେତ୍ରରେ ନିମ୍ନ ଅଙ୍ଗାରକାମ୍ଳ ପରିବର୍ତ୍ତନ ପଥକୁ ଦର୍ଶାଉଛି ।
ଆମର ୨୦୩୦ ଜଳବାୟୁ ଲକ୍ଷ୍ୟ ବୃଦ୍ଧି ପାଇଁ ଆହ୍ୱାନର ଜବାବ ଦେଇ, ଭାରତ ଅଗଷ୍ଟ ୨୦୨୨ ରେ ଏହାର ଜାତୀୟ ର୍ନିଦ୍ଧାରିତ ଅବଦାନକୁ ଅପଡେଟ୍ କରିଥିଲା । ଆମେ ବିକଳ୍ପ ଶକ୍ତି ଭାବେ ଅକ୍ଷୟ ଶକ୍ତି, ଇ-ମୋବିଲିଟି, ଇଥାନଲ ମିଶ୍ରିତ ଇନ୍ଧନ ଏବଂ ସବୁଜ ହାଇଡ୍ରୋଜେନ ରେ ଦୀର୍ଘକାଳୀନ ନୂତନ ପ୍ରୋତ୍ସାହନ ଆରମ୍ଭ କରିଛୁ ।
ଆନ୍ତର୍ଜାତୀୟ ସୌର ମଞ୍ଚ ଏବଂ ବିପର୍ଯ୍ୟୟ ସ୍ଥିରତା ଭିତ୍ତିଭୂମି ସମନ୍ୱୟ ସମିତି ପରି କାର୍ଯ୍ୟ ତଥା ସମାଧାନ-ଆଧାରିତ ମିଳିତ ମଞ୍ଚ ମାଧ୍ୟମରେ ଆମେ ଦୃଢ ଆନ୍ତର୍ଜାତୀୟ ସହଯୋଗ ବୃଦ୍ଧି କରିବାକୁ ଚେଷ୍ଟା କରୁଛୁ, ଉଭୟ ଭାରତ ଦ୍ୱାରା ଆରମ୍ଭ କରାଯାଇଥିଲା ଏବଂ ପ୍ରତିପାଳନ କରାଯାଇଥିଲା ।
ବିଶ୍ୱର ମଙ୍ଗଳ ପାଇଁ ଆମର ସାମୂହିକ କାର୍ଯ୍ୟର ନୈତିକତା ପାଇଁ ଏହା ଏକ ପ୍ରମାଣ
୧.୩ ବିଲିୟନ ଲୋକ ବାସ କରୁଥିବା ଘର, ଭାରତ ଏହି କଷ୍ଟଦାୟକ ପ୍ରୟାସ କରୁଛି, ବାସ୍ତବତା ସତ୍ୱେ ବିଶ୍ୱର ର୍ନିଗମନରେ ଆମର ଅବଦାନ ୪ ପ୍ରତିଶତରୁ କମ୍ ଏବଂ ମୁଣ୍ଡପିଛା ବାର୍ଷିକ ର୍ନିଗମନ ବିଶ୍ୱର ହାରାହାରି ଏକ ତୃତୀୟାଂଶ ଅଟେ ।
ଏକ ନିରାପଦ ଗ୍ରହରେ ଭାରତର ଦୂରଦୃଷ୍ଟିରେ ଏକ ଶବ୍ଦ ମନ୍ତ୍ର - ପରିବେଶ ପାଇଁ ଜୀବନଶୈଳୀ ଯାହା ପ୍ରଧାନମନ୍ତ୍ରୀ ମୋଦୀ ସିଓପି୨୬ ରେ ଆମର ଜାତୀୟ ବିବୃତ୍ତିରେ ଦର୍ଶାଇଛନ୍ତି । ଜାତିସଂଘର ସେକ୍ରେଟେରୀ ଜେନେରାଲ୍ ମାନ୍ୟବର ଆଣ୍ଟୋନିଓ ଗୁଟେରସଙ୍କ ଉପସ୍ଥିତିରେ ୨୦ ଅକ୍ଟୋବର ୨୦୨୨ ରେ ମିଶନ୍ ଲାଇଫ୍ ପ୍ରଧାନମନ୍ତ୍ରୀ ମୋଦୀଙ୍କ ଦ୍ୱାରା ଆରମ୍ଭ କରାଯାଇଥିଲା ।
ଚେତନାହୀନ ଏବଂ ବିନାଶକାରୀ ବ୍ୟବହାରରୁ ମନମୁଖୀ ଏବଂ ସୁଚିନ୍ତିତ ଉପଯୋଗକୁ ବିଶ୍ୱରେ ଏକ ଢାଞ୍ଚାଗତ ପରିବର୍ତ୍ତନ ଆବଶ୍ୟକ । ଆମେ ଏହି ଗ୍ରହ ପୃଥିବୀର ଟ୍ରଷ୍ଟି ଅଟୁ । ନିରନ୍ତର ଜୀବନଶୈଳୀ ମାଧ୍ୟମରେ ଆମେ ଏହାକୁ ପ୍ରତିପାଳନ କରିବା ଆବଶ୍ୟକ ଯାହା ଉତ୍ସର ବ୍ୟବହାରକୁ ଅନୁକୂଳ କରେ ଏବଂ ବର୍ଜ୍ୟବସ୍ତୁକୁ କମ୍ କରିଥାଏ ।
ବିଶ୍ୱର ବହୁଳ ଜନସଂଖ୍ୟା ବିଶିଷ୍ଟ ଗଣତନ୍ତ୍ର ଏବଂ ଏକ ଉଦୀୟମାନ ଅର୍ଥନୀତି ଭାବରେ ଭାରତ ଉଦାହରଣ ଦେଇ ନେତୃତ୍ୱ ନେବାକୁ ଚେଷ୍ଟା କରେ ଏବଂ ବ୍ୟକ୍ତିଗତ, ପରିବାର ଏବଂ ସମ୍ପ୍ରଦାୟ ଭିତ୍ତିକ କାର୍ଯ୍ୟ ପାଇଁ ମିଶନ୍ ଲାଇଫ୍ ର ଏକ ଅଂଶ ହେବାକୁ ବିଶ୍ୱ ସମୁଦାୟକୁ ଆମନ୍ତ୍ରଣ କରେ ।
ମାନ୍ୟବର
ଭାରତ ୨୦୨୩ ମସିହାରେ "ଗୋଟିଏ ପୃଥିବୀ, ଗୋଟିଏ ପରିବାର, ଗୋଟିଏ ଭବିଷ୍ୟତ” ଉଦ୍ଦେଶ୍ୟରେ ଜି -୨୦ ର ସଭାପତିତ୍ୱ ଗ୍ରହଣ କରୁଛି । ମାନବିକତା ପାଇଁ ସୁରକ୍ଷିତ ଗ୍ରହ ଆଡକୁ ଆମର ଯାତ୍ରା, ଗୋଟିଏ ଦେଶ ଯାହାକୁ କୌଣସି ଦେଶ ଏକାକୀ କରି ପାରିବେ ନାହିଁ । ଆମର ମାର୍ଗଦର୍ଶିକା ଭାବରେ ସମାନତା ଏବଂ ଜଳବାୟୁ ନ୍ୟାୟ ସହିତ ଏହା ଏକ ସାମୂହିକ ଯାତ୍ରା ।
ଆମେ ଆଶା କରୁଛୁ ଜଳବାୟୁ ପରିବର୍ତ୍ତନ ବିରୋଧରେ ଲଢେଇ ଏକ ପରିବାର ଭାବରେ ବିଶ୍ୱକୁ ଏକଜୁଟ କରିବ ।
HS
(Release ID: 1876245)
Visitor Counter : 148