অকোইবগী ফিভম অমসুং ঊমংগী মন্ত্রালয়
ভারতনা কোপ২৭তা লৈবাক্কী ৱারোল থমখ্রে
Posted On:
15 NOV 2022 4:11PM by PIB Imphal
ইনভাইরনমেন্ত, ফোরেস্ত অমসুং ক্লাইমেত চেঞ্জকী কেন্দ্র মন্ত্রী, শ্রী ভুপেন্দর য়াদবনা ঙসি কোপ২৭তা ভারত লৈবাক্কী ৱারোল থমখ্রে।
কেন্দ্র মন্ত্রী, শ্রী ভুপেন্দর য়াদবনা কোপ২৭তা লৈবাক্কী ৱারোল থম্বা
“এক্সেলেন্সীশিং,
ঐহাক্না খ্বাইদগী অহানবদা ঐখোয়গী য়ুম্বু অমসুং কোপ২৭কী প্রসিদেন্সী, অরব রিপব্লিক ওফ ইজিপ্তকী মফমদা মখোয়না কন্না হোৎনবা অমসুং পুম্নমকপু নুংঙাইনা থম্বীবগীদমক্তা থাগৎচরি।
চহি অমগী মমাংদা, গ্লাসগোদা ঐখোয়না সাইন্সকী খোল্লাওগী পাউখুম পীখি অমসুং মরু ওইবা ৱারেপ অমসুং খোঙফম চেৎপা কয়াগা লোয়ননা মাংজিল থানা থোকখি।
হন্দক্কী চহিদা, শর্ম-এল-শৈখ অসিদা ঐখোয়না থবক ওইনা পাংথোকপগী মতম ওইরে, অমসুং ইজিপ্তকী প্রসিদেন্সীনা থৌওং অসিবু কোপকী মখাদা পাংথোক্কদবা থবক হায়না মতিক চানা থম্বীরে।
কেন্দ্র মন্ত্রী, শ্রী ভুপেন্দর য়াদবনা কোপ২৭তা লৈবাক্কী ৱারোল থম্বা
Excellencies
এক্সেলেন্সীশিং,
ঐখোয়গী ইকায় খুম্ননীংঙাই ওইরবা প্রধান মন্ত্রী, শ্রী নরেন্দ্র মোদীনা ইং ২০৭০ ফাওবদা নেত জিরো ইমিসন ফংবনা ভারতকী পান্দম্নি হায়না গ্লাসগোদা লাউথোকপীখ্রে। মদুদগী চহি অমগী মনুংদা, ভারতনা শেন্মিৎলোনগী মরু ওইবা সেক্তরশিংদা লো কার্বন ত্রাঞ্জিসন পাথৱে লৈরে তাকপা মশাগী লোং-তর্ম লো ইমিসন গ্রোথ স্ত্রেতজী থাজিনখ্রে।
ঐখোয়গী ইং ২০৩০গী ক্লাইমেত তার্গেত্তা অহেনবা মিৎয়েং চঙলসি হায়বা খোল্লাওগী পাউখুম ওইনা, ভারতনা মশাগী নেস্নেল দিতর্মাইন্দ কন্ত্রিব্যুসনবু ওগস্ত ২০২২দা অপদেত তৌখ্রে। ঐখোয়না রিন্যুএবল ইনর্জী, ই-মোবিলিতী, ইথানোল য়াল্লবা ফুএল অমসুং গ্রীন হাইদ্রোজেনবু ইনর্জীগী অতোপ্পা সোর্স অমা ওইনা শিজিন্নবগী লমদা মিৎয়েং শানবা অনৌবা খোঙথাং কয়া থাংজিনবা হৌরে।
ঐখোয়না ইন্তর্নেস্নেল সোলর এল্লাইএন্স অমসুং কোলিএসন ওফ দিজাজতর রেজিলিএন্স ইনফ্রাস্ত্রকচরগুম্বা থবক ওইনা পাংথোকপা অমসুং ৱারোইশিন পুরক্নবা হোৎনবদা য়ুম্ফম ওইবা তেংবাংনবগী থৌওং কয়াদা মালেম্না থৱাই য়াওনা শরুক য়াদুনা তেংবাংমিন্নসি হায়বা ৱাফম থম্লি। মমাংদা পনখ্রিবা থৌওং অনিমক ভারতনা হৌদোক্তুনা চত্থবা ঙাক্তনি।
মসিদি মালেম পুনবগী অফবা ওইনবগীদমক্তা পুন্না হোৎনমিন্নবগী হীরমদা লৈবা ঐখোয়গী ৱাখল্লোনগী খুদম্নি।
মালেমগী অপুনবা ইমিসন্দা ওইরিবা ঐখোয়গী শরুক্না হৌজিক ফাওবদা ৪%তগী হেন্না তানা লৈরবা অমসুং ঐখোয়গী চহিগী পর কেপিতা ইমিসন্না মালেমগী চাংচৎকী চাউরাকপা শরুক অহুম থোকপগী অমা ওইজরবসু, মীওই বিলিয়ন ১.৩গী য়ুম ওইরিবা ভারতনা মসিগুম্বা অরুবা অমসুং অচৌবা খোঙথাং অসি পায়খৎলি।
তেক্ত-কায়দবা অমসুং নুংঙাই য়াইফবা গ্রহগী পান্দম অমা ভারতনা থম্লিবা অসিগী ময়োলদা ৱাহৈ অমগী মন্ত্রা লৈরি – লাইফস্তাইল ফোর ইনভাইরনমেন্ত, অমসুং মসিমক প্রধান মন্ত্রী মোদীনা কোপ২৭কী ঐখোয়গী লৈবাক্কী ৱারোলদসু পনখ্রবনি। মিসন লাইফ অসি প্রধান মন্ত্রী মোদীনা ওক্তোবর ২০, ২০২২দা য়ু.এন. সেক্রেতরী জেনেরেল, হিস এক্সেলেন্সী এন্তোনিও গুতেরেসকী মমাংদা হৌদোকখিবনি।
মালেম্না ৱাখল খন্থদনা অমসুং তৌগে মতাগুম রিসোর্স শিজিন্নবগী মতৌ অসি অথুবা মতমদা হোংদোকফম থোকই। ঐখোয় পুম্নমক ঐখোয়গী গ্রহ, পৃথিবীগী ত্রস্তী ঙাক্তনি। মালেমগী রিসোর্সশিং নীংথিনা শিজিন্নদুনা অমসুং ফত্ত-হৌদী পুথোকপা হন্থদুনা ঐখোয়না তুং কোইনা চৎকদবা পুন্সি মহিং অমগী খুত্থাংদা পৃথিবীবু ঙাক শেন্দুনা অমসুং শেন্নদুনা থমগদবনি।
মালেমগী মীশিং খ্বাইদগী য়াম্বা গনতন্ত্রা চৎপা লৈবাক অমা অমসুং খ্বাইদগী মতিক লৈনা চাউখৎলক্লিবা শেন্মিৎলোন অমা ওইনা, ভারতনা মীয়াম মাঙদা খুদম থমদুনা লুচিংবা পাম্লি, মশা-মশা, ইমুং-মনুং অমসুং খুন্নাইদা য়ুম্ফম ওইবা থৌদাং কয়াগীদমক্তা মালেমগী খুন্নাইবু মিসন লাইফকী শরুক ওইহনবা পাম্লি, পাউজেল পীরি।
এক্সেলেন্সীশিং,
ভারতনা ইং ২০২৩দা জি.২০গী প্রসিদেন্সীগী থৌদাং লৌগদৌরি অমসুং “পৃথিবী অমা, ইমুং অমা, তুংগী মতম অমা” হায়বনা ঐখোয়গী মোত্তো ওইগনি। মীওইবা খুন্নাইগীদমক্তা তেক্ত-কায়দবা গ্রহ অমা লৈহন্নবা মাইকৈদা চঙশিল্লিবা ঐখোয়গী খোঙচৎ অসিদি লৈবাক অমনা মথন্তনা পাংথোকপা ঙমগদবা নত্তে। মসিদি মান্নবা মিৎয়েং অমসুং ক্লাইমেত জস্তিসপু ঐখোয়বু লমজিংগদবা ৱাখল্লোন ওইহন্দুনা পুন্না চঙশিনমিন্নগদবা খঙচৎনি।
ক্লাইমেত চেঞ্জকী মাইয়োক্তা ঐখোয়না লান্থেংনরিবা অসিনা মালেম্বু ইমুং অমা ওইনা পুন্সিনগনি হায়বগী ঐখোয়না থাজবা থম্লি”।
****
(Release ID: 1876207)
Visitor Counter : 188