ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ଜି-୨୦ ଶିଖର ସମ୍ମିଳନୀରେ ଭାଗ ନେବା ପାଇଁ ପ୍ରଧାନମନ୍ତ୍ରୀଙ୍କ ଇଣ୍ଡୋନେସିଆ ଗସ୍ତ
Posted On:
10 NOV 2022 7:34PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଇଣ୍ଡୋନେସିଆର ରାଷ୍ଟ୍ରପତି ମହାମହିମ ଶ୍ରୀଯୁକ୍ତ ଜୋକୋ ୱିଦୋଦୋଙ୍କ ଆମନ୍ତ୍ରଣ କ୍ରମେ ୧୭ତମ ଜି ୨୦ ଶିଖର ସମ୍ମିଳନୀରେ ଭାଗ ନେବା ପାଇଁ ନଭେମ୍ବର ୧୪-୧୬ ପର୍ଯ୍ୟନ୍ତ ବାଲି, ଇଣ୍ଡୋନେସିଆ ଗସ୍ତ କରିବେ ।
ବାଲି ଶିଖର ସମ୍ମିଳନୀ ଅବସରରେ ଜି-୨୦ ନେତୃବୃନ୍ଦ ଶିଖର ସମ୍ମିଳନୀର ଶୀର୍ଷକ ମିଳିତ ପୁନରୁଦ୍ଧାର, ମଜବୁତ ପୁନରୁଦ୍ଧାର ଅନ୍ତର୍ଗତ ପ୍ରମୁଖ ବୈଶିକ ଆହ୍ୱାନ ସମ୍ପର୍କରେ ବିସ୍ତୃତ ଆଲୋଚନା କରିବେ । ଜି-୨୦ ଶିଖର ସମ୍ମିଳନୀ କାର୍ଯ୍ୟସୂଚୀର ଅଂଶବିଶେଷ ସ୍ୱରୂପ- ଖାଦ୍ୟ ଓ ଶକ୍ତି ସୁରକ୍ଷା, ସ୍ୱାସ୍ଥ୍ୟ ଓ ଡିଜିଟାଲ ପରିବର୍ତ୍ତନ ସମ୍ପର୍କିତ ତିନିଟି କାର୍ଯ୍ୟ ଅଧିବେଶନ ଆୟୋଜିତ ହେବ ।
ଶିଖର ସମ୍ମିଳନୀର ସମାପନୀ ଅଧିବେଶନରେ ରାଷ୍ଟ୍ରପତି ୱିଦୋଦୋ ସାଙ୍କେତିକ ଭାବେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କୁ ଜି-୨୦ ଅଧ୍ୟକ୍ଷ ଭାର ହସ୍ତାନ୍ତର କରିବେ । ଡିସେମ୍ବର ୧, ୨୦୨୨ରୁ ଭାରତ ଔପଚାରିକ ଭାବେ ଜି-୨୦ ଅଧ୍ୟକ୍ଷତା ଗ୍ରହଣ କରିବ ।
ଏହି ଶିଖର ସମ୍ମିଳନୀ ଅବସରରେ ବିଭିନ୍ନ ଦେଶର ପ୍ରତିପକ୍ଷଙ୍କ ସହ ପ୍ରଧାନମନ୍ତ୍ରୀ ଦ୍ୱିପାକ୍ଷିକ ବୈଠକ କରିବେ । ପ୍ରଧାନମନ୍ତ୍ରୀ ବାଲି ଠାରେ ଭାରତୀୟ ସମ୍ପ୍ରଦାୟଙ୍କୁ ସମ୍ବୋଧିତ କରିବା ସହ ଆଲୋଚନା ମଧ୍ୟ କରିବେ ।
SR
(Release ID: 1875607)
Visitor Counter : 89
Read this release in:
English
,
Urdu
,
Hindi
,
Marathi
,
Assamese
,
Manipuri
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam