சுற்றுச்சூழல், வனம் மற்றும் காலநிலை மாற்றத்திற்கான மத்திய அமைச்சர் திரு.பூபேந்தர் யாதவ், எகிப்தில் ஐநா பருவநிலை மாநாட்டின் ஒரு பகுதியாக   சதுப்புநில பாதுகாப்பு கூட்டணியை தொடங்கி வைத்து உரையாற்றினார்.

இந்நிகழ்ச்சியில் பேசிய பூபேந்தர் யாதவ் கூறியதாவது:

இந்த நிகழ்வை நடத்தியதற்காக ஐக்கிய அரபு அமீரகத்தின் (யுஏஇ) காலநிலை மாற்றம் மற்றும் சுற்றுச்சூழல் அமைச்சர் மாண்புமிகு மரியம் பின்ட் முகமது அல்மெய்ரி மற்றும் இந்தோனேசியாவின் வனத்துறை மற்றும் சுற்றுச்சூழல் அமைச்சர் மாண்புமிகு சிதி நூர்பயா பாக்கர் ஆகியோருக்கு நன்றி தெரிவிக்க விரும்புகிறேன்.

இயற்கை அன்னையின் அற்புதங்களில் ஒன்றான சதுப்புநிலங்களின் உலகளாவிய காரணத்தை முன்னெடுத்துச் செல்ல, உலகெங்கிலும் உள்ள நாடுகள் ஒரே கூரையின் கீழ் ஒன்றிணைகின்றன.

சதுப்புநிலங்கள் உலகின் அதிக உற்பத்தித் திறன் கொண்ட சுற்றுச்சூழல் அமைப்புகளில் ஒன்றாகும். இந்த காடு பல உயிரினங்களுக்கு நாற்றங்கால் நிலமாக செயல்படுகிறது, கடலோர அரிப்பைப் பாதுகாக்கிறது, கார்பனைப் பிரித்தெடுக்கிறது மற்றும் கோடான கோடி  மக்களுக்கு வாழ்வாதாரத்தை வழங்குகிறது.

சதுப்புநிலங்கள் உலகின் வெப்பமண்டல மற்றும் துணை வெப்பமண்டல பகுதிகளிலும்,  123  நாடுகளிலும்  காணப்படுகின்றன. சதுப்புநிலங்கள் பல வெப்பமண்டல கடலோரப் பகுதிகளின் பொருளாதார அடித்தளமாகும்.

நீலப் பொருளாதாரத்தைத் தக்கவைக்க, கடலோர வாழ்விடங்கள், குறிப்பாக வெப்பமண்டல நாடுகளுக்கான சதுப்புநிலங்கள், உள்ளூர், பிராந்திய மற்றும் சர்வதேச மட்டங்களில் ஸ்திரதன்மையை உறுதிப்படுத்துவது கட்டாயமாகும்.

குறிப்பிடத்தக்க தகவமைப்பு அம்சங்களுடன், சதுப்புநிலங்கள் வெப்பமண்டல மற்றும் துணை வெப்பமண்டல நாடுகளின் இயற்கையாகவே அமையப்பெற்ற ஆயுதப் படைகளாகும்.

கடல் மட்ட உயர்வு, சூறாவளி மற்றும் புயல் அலைகள் போன்ற இயற்கை பேரழிவுகளின் அதிர்வுகள்  அதிகரிப்பு போன்ற காலநிலை மாற்ற விளைவுகளுக்கு எதிராக போராட அவை சிறந்த வழி.

வரும் 2030 ஆம் ஆண்டிற்குள் கூடுதலான காடுகள் மற்றும் மரங்கள் மூலம் 2.5  முதல் 3 பில்லியன் டன்கள் கரியமில வாயுக்களை நீக்க இந்தியா உறுதியளித்துள்ளது.

நிலப்பரப்பு வெப்பமண்டல காடுகளை விட சதுப்புநில காடுகள் நான்கு முதல் ஐந்து மடங்கு அதிக கார்பன் உமிழ்வை உறிஞ்சும் என்று ஆய்வுகள் காட்டுகின்றன.

இயற்கை சுற்றுச்சூழல் அமைப்புகளைப் பாதுகாப்பதற்கும், மீட்டெடுப்பதற்கும் இந்தியா உறுதிபூண்டுள்ளது. மற்றும் சதுப்புநிலங்களைப் பாதுகாத்தல் மற்றும் நிர்வகிப்பதில் வலுவான அர்ப்பணிப்புகளைக் கொண்டுள்ளது.

உலகில் எஞ்சியிருக்கும் சதுப்புநிலங்களின் மிகப் பெரிய பகுதிகளில் ஒன்றான சுந்தரவனக் காடு, நிலப்பரப்பு மற்றும் கடல் சூழல்களில் விதிவிலக்கான பல்லுயிர்ப் பெருக்கத்தை ஆதரிக்கிறது, இதில் குறிப்பிடத்தக்க எண்ணிக்கையிலான தாவரங்கள் மற்றும் தாவர இனங்கள் உள்ளன. இந்தியாவில் அந்தமான் பகுதியில் சதுப்புநிலப் பரப்பில் குறிப்பிடத்தக்க அதிகரிப்பு காணப்படுகிறது.

***********

MSV/GS/IDS