ইনফোর্মেসন অমসুং ব্রোদকাস্তিং মন্ত্রালয়
ফিল্ম ১৫না আই.এফ.এফ.আই. ৫৩দা মীয়াম্না পাম্নরবা গোল্দন পীকোকতা মীৎয়েঙ থম্লি
আই.এফ.এফ.আই. ৫৩গী ইন্তরনেস্নেল সেগমেন্ততা মালেমগী ফিল্ম ১২ অমদি ভারতকী ফিল্ম ৩ য়াওরি
Posted On:
07 NOV 2022 10:37AM by PIB Imphal
#TheWorldOfFilms, নবেম্বর ৭, ২০২২
গোৱাদা নবেম্বর ২০দগী নবেম্বরর ২৮ ফাওবা পাঙথোক্কদৌরিবা ইন্তরনেস্নেল ফিল্ম ফেস্তিবেল ওফ ইন্দিয়াগী ৫৩শুবা তাঙ্কক্তা মীয়াম্না পাম্নরবা গোল্দম পীকোক্কীদমক ফিল্ম ১৫না মীৎয়েঙ থম্লি। মীৎফম হোংবা ঙম্লরোইদবা ফিল্মশিং অসিদা আর্তকী মতিক অমসুং রাজনিতিগী নৌনা মচিন তুমখৎলক্লিবা পরিং উৎলিবা ইন্তরনেস্নেল ফিল্ম ১২ অমদি ভারতকী ফিল্ম ৩ য়াওরি।
আই.এফ.এফ.আই.গী ৩শুবা ইদিসন্দা অহানবা গোল্দন পীকোক মনা লান্থোকখিবদগী হৌনা, মনা অসি এসিয়াদা খ্বাইদগী পাম্নবা ফিল্মগী মনা ওইদুনা লাক্লি। মকোক তারবা ফিল্ম খনবগী ওইথোকপদা ৱারগদবা থৌদাং য়াগদৌরিবা জুরীদা য়াওরিবশিংদি ইজ্রেলী অইবা অমদি ফিল্ম দাইরেক্তর নদাব লাপিদ, অমেরিকান প্রদ্যুসর জিনকো গোতোহ, ফ্রেঞ্চ ফিল্ম ইদিতর পাস্কেল চেবেন্স, ফ্রেঞ্চ দোকুমেন্তরী ফিল্ম মেকর, ফিল্ম ক্রিতিক অমসুং পাউমী জেবিয়র এঙ্গুলো বার্তুরেন অমসুং ভারত মশাগী ফিল্ম দাইরেক্তর সুদিপ্তো সেননি।
চহি অসিগী হিদান্নবা অসিগী ময়ায়দা লৈরিবশিংদি:
১. পর্ফেক্ত নম্বর (২০২২)
![](https://static.pib.gov.in/WriteReadData/userfiles/image/1KWUR.jpg)
পোলিস ফিল্মমেকর খৃস্থোফ জানুসিগী পর্ফেক্ত নম্বর অসি লমচৎ শাজৎ অমদি শিবা নাইবা মচত্তা ৱাখল খলহন্নবা পান্দম থম্লিবা দ্রামা অমনি। ইতলী অমদি ইজ্রেলনা পুন্না পুথোকমিন্নবা ফিল্ম অসিনা নহা ওইরিবা মেথমেতিক্সিয়ন অমগা মহাক্কী মচিন-মনাও থোকপা অমগগী মরীদা শাগত্তুনা অনি অদুনা তাঞ্জা চারুবা অমদগী থেংনরুবা মতমদা মালেমগী অঙকপনা থল্লবা মচৎ, পুন্সিগী ৱাহন্থোক অমসুং পুন্সিনা অসুম হৌখিবগী মরমদা পুক্নিং লুপ্তুনা হীরি কোনবগী ফীভমদা কমদৌনা পুরকপগে হায়বা উৎলি।
২. রেদ সুজ (২০২২)
![](https://static.pib.gov.in/WriteReadData/userfiles/image/2OR06.jpg)
মেক্সিকান ফিল্ম মেকর কার্লোস একলমেন কেজরনা মহাক্কী ফিল্ম রেদ সুজপু পুম্নমক্কী মথক্তা পুক্নিংগী ইহুলগী মমি অমনি হায়না শক্তাক্লি। দ্রামা অসি নাইতোম হিংবা লৌমী অমনা মহাক্কী মচানুপী লৈখিদবগী পাউ তাবগী ৱারীনি। ফিল্ম অসিনা লৌমী অদুনা শকখঙদবা অমদি মহাক্কী তাইবংগী ৱাংমগী মালেমদা লাক্তুনা মহাক্কী মচানুপীগী হকচাঙবু য়ুমদা পুরক্নবা হোৎনবা অমদি পুরকপগী ৱারীদা মখা চত্থরি। ফিল্ম অসিনা ফংলিবা য়াম্লবা মনাগী নোমিনেসনশিংগী মরক্তা ভেনিস ইন্তরনেস্নেল ফিল্ম ফেস্তিবেলদা ওদিএন্স এৱার্দ খন্নখি।
৩. এ মাইনর (২০২২)
![](https://static.pib.gov.in/WriteReadData/userfiles/image/361G0.jpg)
১৯৭০ মতমগী ইরানিয়ন নিউ ৱেবকী ফাউন্দিং মেম্বর অমা ওইরিমা দারিয়স মেহরজুই ইরানিয়ন সিনেমাগী খঙ-হৈরবশিংগী মরক্তা মমিং লৈবা মীওই অমনি। মেস্ত্রো অসি মহাক্কী খ্বাইদগী অনৌবা ফিল্ম, এ মাইনর পুদুনা আই.এফ.এফ.আই.দা অমুক হল্লক্লি। ফিল্ম অসি, নুপীমচা অমনা মহাক্কী মপানা য়ানিংদবা কয়া লৈরবসু ম্যুজিক্সিয়ন অমা ওইনবগী মঙলান মঙজবগী ৱারীনি। ইমুং অদুগী মীওইশিংগী মরক্তা লৈরিবা লুরবা মরী, মমা মপা অমদি অঙাংগী মরক্তা লৈরিবা খেন্নবা মঙলান অমদি ম্যুজিক্কী মিত্রংগুম্লবা ইথিল হায়রিবশিং অসি ফিল্ম অসিনা উৎলিবা থীম খরনি।
৪. নো এন্দ (২০২১)
![](https://static.pib.gov.in/WriteReadData/userfiles/image/4PQT9.jpg)
ইরানিয়ন দ্রামা, নো এন্দনা ইরানগী সেক্রেৎ পুলিসপু মানিপুলেৎ অমদি মেচিনেসন তৌবগী ফীভম উৎলি। মশাগী ফিরেপ লৈজবা মীওই অমনা, মহাক্কী ময়ুম কন্নবগী অরোয়বা পাম্বৈ অমা ওইনা সেক্রেৎ পুলিসকা মরী লৈননা ওইদবা অমদা শরুক য়াখি। অশেংবা সেক্রেৎ পুলিস য়াওশিল্লকপদগী ফীভম লুশিল্লকখি। জফার পনাসি কোলোবোরেতর নদের সৈবাংগী অনিসুবা ফীচর অসি বুসান ইন্তরনেস্নেল ফিল্ম ফেস্তিবেলদা নিউ করেন্ত এৱার্দকীদমক নোমিনেৎ তৌখি। জফার পনাহিবু পাউতাক্লোয় অমদি ইদিতর ওইনা মমিং পল্লি।
৫. মেদিতরেনিয়ন ফিবর (২০২২)
![](https://static.pib.gov.in/WriteReadData/userfiles/image/5JRYJ.jpg)
পেলেস্তিনিয়ন-ইজ্রেলী অইবা-দাইরেক্তর মহা হজকী মেদিতরেনিয়ন ফিবর মীয়ায় চল্লবা য়েক্ন-মরুপ অনিগী মতাংদা শান্নবা ব্লেক কোমেদী অমনি। কেন্নসকী অন সর্তেন রিগার্দ কম্পিতিসন্দা বেস্ত স্ক্রীনপ্লে মনা ফংখ্রবা ফিল্ম অসি অইবা অমা ওইবা পাম্বা মীওই অমগা গুন্দা মচা অমগগী মরক্তা শেম্লিবা পাক হেক ওইথোক্লোইদবা মরী অমগী অকোয়বদা শাগৎপনি।
৬. ৱেন দি ৱেব্স আর গোন (২০২২)
![](https://static.pib.gov.in/WriteReadData/userfiles/image/670HG.jpg)
ফিলিপিনো ফিল্ম মেকর লাব দিয়াজগী ৱেন দি ৱেব্স আর গোন মহাক্কী লমচৎকী লুরবা লম্ফৈ অমদা লেপ্লিবা ফিলিপিন্সকী ইনভেস্তিগেতর অমগী ৱারীনি। ফিল্ম অসিদা মহাক্না শাথিবা পুক্নিং চরাংনবা অমদি মরালগী পোৎলমদগী লান্থোরক্নবা হোৎনবগা লোয়ননা মহাক্কী হৌখিবা পুন্সিদা তৌখিবা অরানবা কয়ানা মহাক্কী পুন্সিদা লেপ্তনা তম্নরকপগী ৱারী উৎলি। সিনেমাতিক তাইমগী মহাক মশাগী ওইবা মওং শেমগৎচবগীদমক খঙনরিবা লাব দিয়াজনা (মহাক্কী ২০০৪গী ফিল্ম, ইভোলুসন ওফ এ ফিলিপিনো ফেমিলী, পুং ১১রোম শাংই) ফিল্ম অসিদি ৱারী নীংথিনা লিবদা পুং ৩ খরখক হেল্লগা য়ারগনি হায়না ফিরেপ লৌরি।
৭. আই হেব ইলেক্ত্রিক দ্রীম্স (২০২২)
![](https://static.pib.gov.in/WriteReadData/userfiles/image/7XLQZ.jpg)
কোস্তা রিকান ফিল্ম মেকর ভেলেন্তিনা মৌরেল মহাক্কী ফিল্ম আই হেব ইলেক্ত্রিক দ্রীম্সকীদমক ইং ২০২২গী লোকার্নো ইন্তরনেস্নেল ফিল্ম ফেস্তিবেলদা বেস্ত দাইরেক্তর এৱার্দ ফংখি। দ্রামা অসিনা মমা মপা খাইদোক্নখ্রবা মতুংদা মহাক্কী মপাবু য়ান্দুনা লৈরিবা চহি ১৬খক্তা ঙায়রিবা নুপীমচা ইভাগী ৱারী লিরি। মহাক্না মপাগা মরী অমুক হন্না শেমগৎনবা হোৎনবদা, মহাক্কী মপা অমদি মহা মশাগী ঙক্নিংঙাই ওইরবা মওং মতৌ মহাক্না থেংনরকখি। ফিল্ম অসিগী পর্ফোর্মেন্স অসিনা লোকার্নো ইন্তরনেস্নেল ফিল্ম ফেস্তিবেলদা রীনাল্দো অমীন্না বেস্ত এক্তর অদুগা দানিএলা মরিন নেবরোনা বেস্ত এক্ত্রেসগী মনা ফংখি।
৮. কোল্দ এস মার্বল (২০২২)
![](https://static.pib.gov.in/WriteReadData/userfiles/image/8GZML.png)
অজরবৈজন দাইরেক্তর অসিফ রুস্তমোবকী গোল্দ এস মার্বল মহাক্কী নুপী হাৎলুবগীদমক জেলদা লৈখ্রবা মপা অমনা থাজদনা হল্লকপগী ক্রাইম-দ্রাম/ সাইকো-থ্রিলর অমনি। ফিল্ম অসিনা মীৎয়েঙ থম্লিবসি দাইরেক্তরনা হোংলক্লিবা খুন্নাইগী এন্তি-হীরো অমনি হায়না শক্তাক্লিবা নহা অমদনি। সেন্সিতিব ওইবা লাইয়েকপা অমদি মংফমগী নুংবী হকপা প্রোতাগোনিস্ত অসি মহাক্কী মপানা করিগীদমক মহাক্কী মমাবু হাৎখিবনো হায়বা মমৈথঙদা খঙলকপা মতমদা মপুন্সিগী ওইনা অঙকপা ওইখি।
৯. দি লাইন (২০২২)
![](https://static.pib.gov.in/WriteReadData/userfiles/image/98W0X.png)
বর্লিন ফিল্ম ফেস্তিবেলদা গোল্দন বীতকীদমক নোমিনেত তৌখ্রবা উর্সুলা মৈয়রগী দি লাইন য়ানবা অমদি নৌরবা ইমুংগী মরীগী মরমদা থিজিনবা অমনি। ফ্রেঞ্চ-স্বিস ফিল্ম মেকর অসিগী ফিল্ম অসিনা মমা অমগা মচানুপীগা অনিগী মরক্তা লৈরিবা নোংলৈনা থল্লবা মরী উৎলি। স্বিতজরলেন্দদা নম্বা দ্রামা অসিনা মমা ওইবীগী পুন্সি অমদি হিংসাগী পুনশিন্নবা মতৌ উৎলি।
১০. সেভেন দোগ্স (২০২১)
![](https://static.pib.gov.in/WriteReadData/userfiles/image/10I03S.jpg)
কাইরো ইন্তরনেস্নেল ফিল্ম ফেস্তিবেলগী ৪৩শুবা ইদিসন্দা অহানবা ওইনা উৎখিবা সেভেন দোগ্স শেলথুম শাথিনা ৱাবা ৱাবা ফীভম মায়োক্নরবসু মহাক্কী হুই তরেৎ থাক্নবগীদমক নাইতোম তাবা নুপা অমনা থেংনরিবা অৱাবশিং উৎলি। ফিল্ম অসি অর্জেন্তিনিয়ন দাইরেক্তর রোদ্রিগো গুইরেরোগী মরিশুবা ফীচরনি। মিনৎ ৮০ হেন্না শাংবা ফিল্ম অসিনা নুপা অমগা মহাক্না য়োকচবা শাগা অনিগী মরক্তা লৈনরিবা মরী উৎলি।
১১. মারিয়া: দি ওসীন এঞ্জেল (২০২২)
![](https://static.pib.gov.in/WriteReadData/userfiles/image/11THDR.jpg)
স্রী লঙ্কান ফিল্ম মেকর অরুনা জয়ৱর্দনগী মারিয়া: দি ওসীন এঞ্জেল আই.এফ.এফ.আই. অহানবা ওইনা কম্পিতিতিব ফেস্তিবেল অমা ওইনা পাঙথোকপা মতমদা লেস্তর জেম্স পেরীগী গম্পেরালিয়ানা মনা অসি লৌখ্রবা মতুং গোল্দন পীকোক মনা ফংবা অনিসুবা স্রী লঙ্কান ফিল্ম ওইনবা পান্দম থম্লি। মারিয়া: দি ওসীন এঞ্জেল সমুদ্রদা সেক্স দোল অমা তাউদুনা লৈরম্বা থেংনরুরবা মতুংদা মখোয়গী পুন্সিদা কায়হল্লকখিবা ঙামী কাঙলুপ অমগী মতাঙদা উৎলিবা ফিল্ম অমনি। ফিল্ম দাইরেক্তর অসি মহাক্কী ২০১১গী ফিল্ম লগস্ত দ্রিজলগীদমক মমিং চৎলি।
১২. দি কাস্মির ফাইল্স (২০২২)
![](https://static.pib.gov.in/WriteReadData/userfiles/image/12HD06.jpg)
দি কাস্মির ফাইল্স ১৯৯০গী মতমদা কাস্মিরদগী কাস্মিরি পন্দিৎশিংনা লাঞ্জেন্নরকখিবগী ৱারীদা য়ুম্ফম ওইবা হিন্দী ফিল্ম অমনি। বিবেক অগ্নিহোত্রিনা লমজিং লমতাক্লিবা দি কাস্মিরি ফাইল্সকী ৱারী মহাক্কী মমা মপা মনুং মতম চাদনা লৈখিদবগী অশেংবা মরম থিননবগীদমক থোরকখিবা নহা ওইরিবা কলেজ মহৈরোয় কৃষ্ণ হায়রিবা প্রোতাগোনিস্ত অসিদা য়ুম্ফম ওইরগা শাগৎপনি।
১৩. নেজুহ (২০২২)
![](https://static.pib.gov.in/WriteReadData/userfiles/image/13B45W.jpg)
২০২২ ভেনিস ইন্তরনেস্নেল ফিল্ম ফেস্তিবেলদা ওদিএন্স এৱার্দ ফংখিবা, নেজুহ লান্না শোকহল্লবা সিরিয়াগী ইমুং অমগী মরমদা উৎলিবা দ্রামানি। দাইরেক্তর সৌদাদে কাদান্না মহাক্কী লৈকায়দা বোম্ব থাদরকপা মতমদা মহাক মশামক য়ুমদা লৈবা ফংদবগী পুন্সি মহিং থেংনরকখি হায়রি।
১৪. দি স্তোরীতেল্লর (২০২২)
![](https://static.pib.gov.in/WriteReadData/userfiles/image/14JRLX.jpg)
অনন্ত মহাদেবনগী দী স্তোরিতেল্লর মমিং লৈরবা সত্যজিৎ রেগী করেক্তর তারিনি খুরোদা য়ুম্ফম ওইবা ফিল্ম অমনি। ৱারী অসিনা তারিনি খুরোনা ৱারী লীবা মী অমা ওইনবগীদমক মহাক্কী থবক তোক্লবা মতুংদা থেংনরিবা ময়ামগা মান্নদবা ফীভম অমদা কমদৌনা লৈরকখিবগে হায়বা উৎলি। ফিল্ম অসি অহানবা ওইনা উৎখিবা ২০২২ বুসান ইন্তরনেস্নেল ফিল্ম ফেস্তিবেলদা কিম জি-সুক এৱার্দকীদমক নোমিনেৎ তৌখি।
১৫. কুরঙ্গু পেদল (২০২২)
![](https://static.pib.gov.in/WriteReadData/userfiles/image/16EXC3.png)
রাসি অলগপ্পনগী ৱারী মচা ‘সাইকল’দা য়ুম্ফম ওইনা দাইরেক্তর কমলাকন্ননকী কুরঙ্গু পেদল মহাক্কী মপানা তম্বিবা ঙমদ্রবসু সাইকল থৌবা তম্নিংলিবা মহৈরোয় নুপামচা অমগী ৱারীনি। খুঙ্গঙগী দ্রামা অসিনা ফিল্ম অসিগী ৱারী মাঙদা পুখত্তুনা চৎনবগীদমক অঙাং মঙাদা থাজবা থম্দুনা চৎলি। ফিল্ম দাইরেক্তর অসি মহাক্কী ২০১২গী ফিল্ম মধুবানকরাইগীদমক খ্বাইদগী হেন্না খঙনৈ।
******************
(Release ID: 1874291)
Visitor Counter : 200
Read this release in:
Kannada
,
Assamese
,
English
,
Marathi
,
Hindi
,
Punjabi
,
Tamil
,
Gujarati
,
Urdu
,
Bengali
,
Telugu
,
Malayalam