শ্রীমতী দ্রৌপদি মুরমু, ভারতকী রাস্ত্রপতীনা মহাক্কী মিজোরম খোঙচত্তা ঙসি আইজোলদা ইন্দিয়ন ইন্সতিত্যুৎ ওফ মাস কম্ম্যুনিকেসনগী পর্মেনেন্ত নোর্থ ইস্ত কেম্পস শঙ্গাখ্রে‍। কেম্পস অসিদা অতেনবা মতমগী মিদিয়া এন্দ কম্ম্যুনিকেসন কোর্সশিংগী মথক্তা ইংলিস জর্নেলিজম অমসুং দিজিতেল মিদিয়াগী পোস্ত গ্রেজুএৎ দিপ্লোমা কোর্সশিং হাংগন‍ি‍।

ইনফোর্মেসন এন্দ ব্রোদকাস্তিং মন্ত্রালয়, ভারত লৈঙাক্কী মখাদা মনীং তম্বা বোদী অমা ওইনা লৈরিবা ইন্দিয়ন ইন্সতিত্যুৎ ওফ মাস কম্ম্যুনিকেসন (আই.আই.এম.সি.) অসি লৈবাকসিগী জর্নেলিজমগী মকোক থোংবা ইন্সতিত্যুৎ অমনি‍। নই দিল্লিদা মেন কেম্পস লৈরিবা আই.আই.এম.সি.গী রিজনেল কেম্পস মঙা - ওরিসাগী ধেনকনলদা, মিজোরমগী আইজোলদা, জম্মু অমসুং কাস্মিরগী জম্মুদা, কেরলাগী কোত্তায়মদা অমদি মহারাস্ত্রগী অম্রাবতীদা লৈ‍। রিজনেল কেম্পসশিং অসি তোঙান তোঙানবা মফমশিংদা খুদোংচাবা ফংহন্নবা অমদি লৈবাক পুম্বগী ওইনা মিদিয়া এজুকেসনগী মথৌ তাবা ফংহন্নবগীদমক লিংখৎপনি‍। থৌরমদুদা ৱা ঙাঙলদুনা, রাস্ত্রপতীনা হায়খি “অৱাং নোংপোক লমদম পুম্বদা মিদিয়া অমসুং মাস কম্ম্যুনিকেসন তম্বদা চাউনা কান্নবা পীগদবা ইন্দিয়ন ইন্সতিত্যুৎ ওফ মাস কম্ম্যুনিকেসন, আইজোলগী পর্মেনেন্ত কেম্পস অসি শঙ্গাবদা ঐনা নুংঙাইবা ফোঙদোকচরি‍। আই.আই.এম. অসি অনৌবা ৱাখল্লোন, ক্রিএতিভিতী, থিজিন হুমজিনববু মখোঙ শোম্বিবা অমদি মিদিয়া অমসুং মাস কম্ম্যুনিকেসনগী লমদা লুচিংবা অমসুং ইনোভেতরশিং শেমগৎনবগী মতিং লৈবা তম্নবগী অমদি থবক তৌনবগী ফীভম অমা পীরিবা মমিং লৈরবা ইন্সতিত্যুসন অমনি‍।”

আই.আই.এম.সি. নোর্থ ইস্ত কেম্পস অসি মিজোরম য়ুনিভর্সিতীনা পীবা মতম খরখক্কী ওইবা বিল্দিং অমদা ২০১১দগী মথৌ তৌবা হৌরকখিবনি‍। কেম্পস অসি শেমগৎ শাগৎপগী থবক ২০১৫দা হৌখি অদুগা ২০১৯দা লোইশিনখি‍। মসি শাগৎপগী অপুনবা শেনফম লুপা করোর ২৫নি‍। মিজোরম য়ুনিভর্সিতীনা পীবা লম একর ৮দা শাগৎলিবা আই.আই.এম.সি.গী পর্মেনেন্ত কেম্পস অসিগী হোস্তেল অমদি স্তাফ ক্বার্তরগা লোয়ননা তোখাইবা এদমিনিস্ত্রেতিব অমসুং একাদমিক বিল্দিং লৈ‍।

হৌরকপদগী হৌনা, কেম্পস অসিনা ইংলিস জর্নেলিজমদা পি.জি. দিপ্লোমা কোর্স হাংদুনা লাক্লি অদুগা মসিগী মহৈরোয় অয়াম্বদি ভারতকী তোঙান তোঙানবা মফমশিং অমসুং অতৈ অৱাং নোংপোক স্তেত খরদগীনি‍। চহি অসিদা ইন্সতিত্যুৎ অসিনা আই.আই.এম.সি. কেম্পস পুম্বদা অনিরক শুবা ওইনা ইংলিস জর্নেলিজমদা মকোক তাবা মহৈরোয় পুথোক্তুনা চাউথোকচনিংঙাই ওইরি‍।

কেম্পস অসিনা মহৈরোয়শিংবু কেম্পস প্লেসমেন্ত অমদি মখোয় মশাগী ওইবা থৌওংনা লৈবাক শিনবা থুংবদা লৈরিবা মমিং লৈরবা মিদিয়া ওর্গনাইজেসনশিংদা থবকসু পীরি‍। চহি খুদিংগী মহৈরোয়শিংনা দুরদর্শন, ওল ইন্দিয়া রেদিও, পি.তি.আই.নচিংবা মমিং লৈরিবা মিদিয়া ওর্গনাইজেসন অমদি অতৈ মাঙজিল থাবা লনাই মিদিয়া ওর্গনাইজেসনশিংদা মখোয়গী ওইবা মফম কনবা ঙম্লি‍।

ইন্দিয়ন ইন্সতিত্যুৎ ওফ মাস কম্ম্যুনিকেসন (আই.আই.এম.সি.), নই দিল্লী লৈবাকসিগী অমদি অতৈ চাওখৎলক্লিবা লৈবাকশিংগী মিদিয়া প্রোফেস্নেলশিংদা ত্রেনিং পীবগীম থৌ তাবা ফংহন্নবগীদমক ১৯৬৫তা লিংখৎখিবনি‍। মদুদগী হৌনা মসিনা ইন্দিয়ন ইনফোর্মেসন সর্ভিসকী ত্রেনিং ইন্সতিত্যুৎ ওইনসু মথৌ তৌদুনা লাক্লি‍।

*****