য়োর এক্সিলেন্সী,

প্রধান মন্ত্রী ইর্না সোলবর্গ,

নোর্ৱেদগী ভারত্তা লেংবীরক্লিবা শক্নাইরবা মীথুংলেন পুম্নমক,

মরূপশিং,

মমাং চহি স্তোকহোল্মদা ঐহাক্না প্রধান মন্ত্রী সোলবর্গ উনখিবা মতম অদুদা, ঐহাক্না মফমদা ভারত্তা লেংবীরক্নবা বার্তন তৌখি অমদি ঐহাক নুংঙাইবা ফাওই মদুদি ঙসি মহাকপু ভারত্তা তরাম্না ওকচবগী তাঞ্জা অদু ঐহাক ফংজরে।

মসি নোর্ৱেগী প্রধান মন্ত্রী অমগী ভারত্তা অহানবা খোংচৎনি অমদি মসি অখন্নবা অমসু ওইরি মদুদি ঙসি মহাক্না রাইসিনা দাইলোগকী হৌদোকপগী সেসন্দা ৱা ঙাংগনি। মসিগীদমক মফমদা ঐহাক্না তৌবীমল খংবা উৎচরি।

মরূপশিং,

২০১৭তা জি২০ সম্মিতকা মরী লৈননা ঐহাক্না প্রধান মন্ত্রী সোলবর্গকা উনখিবা মতম অদুদা মহাক্না ইফমদা ফুতবোল অমা খুদোল তম্বীরকই। মসি খংজিনবীয়ু মদুদি মমাং চহীগী গোল্দন বোল অদু নোর্ৱেগী অদা হেগরবর্গতা লান্থোকখি অমদি মসিগীদমক ঐহোক্না নোর্ৱেবু নুংঙাইবা ফোংদোকচরি।

খোংচৎ অসিদা প্রধান মন্ত্রী সোলবর্গনা ভারত্তা নোর্ৱেগী অনৌবা গ্রীন এম্বেসীসু শঙ্গাখ্রে। মরম অসিনা প্রধান মন্ত্রী জীগী গ্লোবেল ইফর্তশিংগীদমক ঐহাক্না থাগৎলিবা মখৈ ৱাৎলগনি।

মরূপশিং,

ত্রেদ অমসুং ইনবেস্তমেন্ত অসি ভারত অমসুং নোর্ৱেগী মরক্তা লৈনরিবা মরীদা য়াম্না মরু ওই। নোর্ৱেগী গবর্নমেন্ত পেন্সন ফন্দ গ্লোবেলনা ভারত্তা দোলর বিলিয়ন ১২ ইনভেস্ত তৌরি। ঐহাক নুংঙাইবা ফাওই মদুদি নোর্ৱেদগী কম্পেনী ১০০ হেনবগী মীহুৎশিংনা প্রধান মন্ত্রীগা লোয়ননা ভারত্তা লাক্লি। ঙরাংগী ইন্দিয়া-নোর্ৱে বিজিনেস সম্মিত্তা মখোয়না ভারতকী বিজিনেস লুচিংবশিংগসু কানরবা মওংদা ৱারী শানখ্রে।

মরূপশিং,

ওসিন ইকোনোমী অসিসু মসিগা মরী লৈনবা হিরম অমনি। সেক্তর অসি ভারতকী দিবলপমেন্ত অমসুং প্রোসপেরিতীগীদমক য়াম্না মরু ওই। ভারতকী পোপুলেসনগী চাদা ১৫দি কোস্তেল দিস্ত্রিক্তশিংদা লৈরি। অমরোমদা মখোয়গী পুন্সী অসি ওসিন ইকোনোমীদা দাইরেক্ত ওইনা মরী লৈনৈ। ঐখোয়গী বাইলেতরেল ওসিন দাইলোগনা লম অসিদা মরী লৈনবা সেক্তর খুদিংদা ঐখোয়গী কোওপরেসন্দা দাইরেক্সন পীরগনি।

মরূপশিং,

ভারত অমসুং নোর্ৱেনা ইন্তরনেস্নেল ফোরমশিংদসু য়াম্না চেৎপা কোওপরেসন লৈরি। মফম অসিদা য়ু.এন.সেক্যুরিতী কাউন্সিল রিফোর্মস, মল্তি-লেতরেল এক্সপোর্ত কন্ত্রোল রেজিমস, অমসুং তেরোরিজমগুম্বা তোপিক কয়া অমা লৈরি, মদুদা ঐখোয় অনিমক্না য়াম্না নক্নবা কোওপরেসন অমসুং কোওর্দিনেসনগা লোয়ননা থবক তৌরি।

এক্সিলেন্সী,

ভারত্তা লাকপীনবা ঐহাক্কী বার্তনবু অদোম্না লৌবীরে, মদুগীদমক, ঐহাক্না অমুক হন্না তৌবীমল খংবা উৎচরি। ঙসি নুমিদাংৱাইরম রাংসিনা দাইলোগতা অদোমগী ৱারোল তাননবা ঐখোয়না খৌরাংনা ঙায়রি। ঐহাক্না অশা তৌই মদুদি ভারত্তা অদোমগী খোংচৎ অসি নুংঙাই য়াইফবা অমদি মায়পাকপা ওইগনি।

থাগৎচরি।

*********