রাস্ত্রপতি বোলসোনারো,

রাস্ত্রপতি পুতিন,

রাস্ত্রপতি জি অমসুং

রাস্ত্রপতি রামাফোসা

১১শুবা ব্রিক্স সম্মিতকীদমক মরূপ ওইরিবা লৈবাক ব্রাজিলগী ফজরবা কোনুং অসিদা লাকপদা ঐহাক নুংঙাইবা ফাওই। ঐহাক্কী মরূপ রাস্ত্রপতি বোলসোনারোবু গ্রান্দ রিসেপসন অমসুং সম্মিত অসিগীদমক থোইদোক হেন্দোকপা এরেঞ্জমেন্তকীদমক থাগৎচরি।  

এক্সেলেন্সীশিং,

সম্মিত অসিগী থীম – “ইকোনোমিক গ্রোথ ফোর এন ইনোভেতিব ফ্যুচর”, অসি য়াম্না এক্যুরেত ওই। ইনোভেসন অসি ঐখোয়গী দিবলপমেন্তকী কোর্নরস্তোন ওইরে। মরম অদুনা, ঐখোয়না ব্রিক্সকী মখাদা ইনোভেসনগীদমক কোওপরেসন হেনগৎহনবা মথৌ তাই।

এক্সেলেন্সীশিং,

ব্রিক্স অসি চহি ১০গী মমাং, ফাইনান্সিএল ক্রাইসিস অমসুং ইকোনোমিক প্রোব্লেম কয়া অমগী মতমদা হৌখি।  ২০০৯দা য়েকাতেরিনবর্গতগী হৌখিবা খোংচৎ অসি নোতেবল ওইবা স্তোপ কয়া অমা লানখ্রে। ব্রিক্স লৈবাকশিংনা চহি কয়াদগী গ্লোবেল ইকোনোমিক গ্রোথকী মরুওইবা ইঞ্জীন ওইরি। অমদি ঐখোয় হ্যুমেনিতী পুম্নমক্কী দিবলপমেন্তদা কন্ত্রিব্যুত তৌরি। মতম অসিমক্তদা, ঐখোয় শান্তী লৈবা, চাউখৎপা অমসুং মল্তি পোলর ৱার্ল্দ অমদা মরুওইবা ফেক্তর অমগুম শাফোংলক্লি।

এক্সিলেন্সীশিং,

হৌজিক ঐখোয় মথংগী চহি তরাদা ব্রিক্সকী মায়কৈ, অমদি ম্যুচেল কোওপরেসনবু হেন্না ইফেক্তিব ওইহন্নবা খন্নবা চুমগনি। লম কয়াদা মায় পাক্লবসু লম খরদদি হেন্না হোৎনবা মথৌ তারি। গ্লোবেল ইকোনোমীগী শিংনরকপশিং মায়োক্ননবগীদমক ঐখোয়না ব্রিক্স মেকানিজম অমসুং প্রোসেসশিংবু অহেনবা ইফিসিয়েন্ত অমদি আউতকম-দ্রাইভন ওইহনগদবনি।

এক্সিলেন্সীশিং,

ঐহাক নুংঙাইবা ফাওই মদুদি ব্রাজিলগী লীদরশিপ মখাদা ঐখোয়না সাইন্স অমসুং তেক্নোলোজী, ইনোভেসন অমসুং দিজিতেল ইকোনোমীদা পুক্নিং থৌগৎলি। ইনেসিএতিব কয়া অমা পায়খৎখ্রে, খুদম ওইনা আই-ব্রিক্স নেতৱার্ক, অনৌবা সাইন্স তেক্নোলোজী ইনোভেসন আর্কিতেকচর, হ্যুমেন মিল্ক বেঙ্ক অমসুং ব্রিক্স ইন্সতিত্যুত ওফ ফ্যুচর নেতৱার্কস অসিনচিংবা শেমগৎপনি।

এক্সিলেন্সীশিং,

ব্রিক্স ৱুমেন বিজিনেস এলাইন্স লিংখৎপদা ঐহাক্না মেম্বর পুম্নমকপু নুংঙাইবা ফোংদোকচরি। মসিগী ইনিসিএতিব অসিগীদমক ঐহাক্না অখন্ননা রাস্ত্রপতি পুতিনবু থাগৎচরি। ভারত্তা, হৌখিবা চহি মঙাদা সেক্তর খুদিংমক্তা নুপীনা শরুক য়াবা হেনগৎলক্লি। মমাংগী মীখলদা অহানবা ওইনা নুপী ভোতরশিংগী মশিং নুপী ভোতরশিংগী মশিংগা মান্নখি। নুপী কেন্দিদেতশিংগী খ্বাইদগী য়াম্বা মশিংসু মায় পাকখি।

এক্সিলেন্সীশিং,

ঐখোয়গী লৈবাকশিংনা ক্লাইমেত জোন খুদিংমক কভর তৌরি। ঐখোয়গী লৈবাকশিংদা ইচাও থোকপা মফমশিং নত্রগা ইকং থোকপা মফমশিং, উন্না কুপতুনা লৈবা মফমশিং নত্রগা মরুভুমীশিং, য়ুহা হাগনবা জোনশিং অসিনচিংবশিং লৈরি। অর্বান এরিয়াশিংদা সস্তেনেবল ৱাতর মেনেজমেন্ত অমসুং সেনিতেসন অসি মরুওইবা শিংনবশিংনি। ভারত্তা ব্রিক্স ৱাতর মিনিস্তরশিংগী অহানবা মীফম পাংথোক্নবা ঐহাক্না প্রপোজ তৌরি।

এক্সিলেন্সীশিং,

মলতি-লেতরেলিজম, ইন্তরনেস্নেল ত্রেদ, অমসুং রুলস-বেজ ৱর্ল্দ ওর্দর শাথিবা প্রোব্লেমশিং মায়োক্নরি। মমাং চহিদা ঐখওয়না মল্তিলেতরেলিজম রিফোর্ম তৌবদা অকনবা ৱাফম থমখি। ঐহাক নুংঙাইবা ফাওই মদুদি সম্মিত অসিগী জোইন্ত স্তেতমেন্তদা মসিগী মথৌ তাবা অসি রিকগনাজ তৌগনি। ঐখোয়না য়ু.এন., দবল্যু.তি.ও., ৱার্ল্দ বেঙ্ক অমসুং অতোপ্পা ইন্তরনেস্নেল ওর্গনাইজেসনশিং মপাঙ্গল কনখৎহন্নবা অমদি ফগৎহন্নবা কলেক্তিব স্ত্রেতেজী অমা শেমগদবনি।

এক্সিলেন্সীশিং,

ৱার্ল্দ ৱারগুম্বা থ্রেতশিংদগী হ্যুমেনিতী অসি লাপথোরক্লে। অদুবু তেরোরিজম অসি চাউখৎপা অমসুং শান্তিদা খ্বাইদগী চাউবা থ্রেৎ ওইরক্লি। চহি তরাদা, তেরোরিজমগী খুত্তা পুন্সী মিলিয়ন অনিমখায় মাংখ্রে অমদি সমাজদা চাউনা মাংহন তাকহনখ্রে। তোঙান তোঙানবা এস্তিমেতশিংগী মতুং ইন্নসু, মালেমগী ইকোনোমীদা দোলর ত্রিলিয়ন অমা হেন্না মাংখ্রে।

এক্সিলেন্সীশিং,

ঐখোয়গী মরক্তা পিপল-তু-পিপল রিলেসনশিপ হেনগৎপনা ঐখোয়গী পার্তনরশিপতা ইনর্জী পীরগনি। মসিগা মরী লৈননা ঐহাক করিগুম্বা খরা সজেস্ত তৌজগে। ব্রিক্স লৈবাকশিংনা য়ুথ সম্মিতশিং ওর্গনাইজ তৌগদবনি। মসিদা লৈবাক মঙাগী নহাশিংনা স্তার্তস-অপস, হেক্কাথোন, স্পোর্তস, ক্রিয়েতিবিতীগুম্বা এক্তিবিতীশিংদা শরুক য়াগদবনি। ব্রিক্স লৈবাকশিংগী মহৈরোইশিংনা ভারত্তা ব্রিক্সকা মরী লৈনবা হিরমশিং তম্বদা চহি খুদিংগী ইন্তর্নশিপ অমসুং ফেল্লোশিপশিং পীরগনি। ঐখোয়না ঐখোয়গী লৈবাকশিংগী ত্রেদিস্নেল স্পোর্তশিংসু প্রমোত তৌগদবনি। মসিগা মরী লৈননা ইন্সিএতিব লৌখৎপদা ভারতনা নুংঙাইবা ফাওগনি।

এক্সিলেন্সীশিং,

অরোইবদা, ঐহাক্না অমুক হন্না রাস্ত্রপতি বোলসোনারোবু থোইদোক হেন্দোকপা এরেঞ্জমেন্ত অমসুং ব্রিক্সকী ইমপ্রেসিব লীদরশিপকীদমক নুংঙাইবা ফোংদোকচরি। ঐহাক্না লাক্কদৌরিবা চহিগীদমক রসিয়াবু ব্রিক্সকী প্রসিদেন্তকীদমক নুংঙাইবা ফোংদোকচরি অমদি ভারতকী মায়কৈদগী মপুংফাবা সপোর্তকী থাজবা পীজরি। হায়নিংঙায় লৈতনা থাগৎচরি।

দিসক্লেমর: প্রধান মন্ত্রীগী ৱারোল অসি হিন্দীদা পীখিবনি। মসি ৱারোল অদুগী চাউরাকপা ৱাহন্থোকনি।

****