প্রধানমন্ত্রীগী লোইশঙ

য়ুনাইতেদ স্তেতস ওফ অমেরিকাগী রাস্ত্রপতিগী ভারত খোংচৎ মনুংদা পীখিবা প্রধান মন্ত্রীগী প্রেস স্তেতমেন্ত

Posted On: 25 FEB 2020 1:47PM by PIB Imphal

ঐহাক্কী মরূপ অমদি য়ু.এস.কী রাস্ত্রপতি দোনাল্দ ত্রম্প,

অমেরিকান দেলিগেসনগী ইকায় খুম্নরিবা মেম্বরশিং,

লেদিজ অমসুং জেন্তলমেনশিং,

নমস্তে

রাস্ত্রপতি ত্রম্প অমসুং মহাক্কী দেলিগেসনবু অমুক হন্না ভারত্তা তরাম্না ওকচরি। খোংচৎ অসিদা মহাক্না মহাক্কী ইমুং-মনুংগী মীওইশিংগা লাকপীবদা ঐহাক নুংঙাইবা ফাওই। হৌখিবা থা নিপালদা রাস্ত্রপতি ত্রম্প অমসুং ঐহাক্কী মরক্তা মসিনা মঙারক শুবা উনবনি। ঙরাং মোতেরাদা রাস্ত্রপতি ত্রম্পকী অনপ্রিসিদেন্তেদ অমসুং হিস্তোরিকেল ৱেলকম মতম পুম্নমক্তা নিংশিংদুনা লৈহৌরগনি। ঙরাং মসি অমুক হেন্না ময়েক শেংহল্লে মদুদি অমেরিকা অমসুং ভারতকী মরী অসি সরকার অনিগী মরক্তা লৈবা অদু খক্তা নত্তে, মসিদি পিপল দ্রাইবন, পিপল সেন্ত্রিকনি। মরী অসি ২১শুবা চহিচাগী খ্বাইদগী মরুওইবা পার্তনরশিপনি। মরম অদুনা ঙসি রাস্ত্রপতি ত্রম্প অমসুং ঐহাক্না ঐখোয়গী লৈনরিবা মরীশিংবু কম্প্রেহেন্সিব গ্লোবেল স্ত্রেতেজিক পার্তনরশিপকী থাক্তা পুখৎনবা ৱারেপ লৌরে। মরীশিং অসিবু থাক অসিদা পুরকপদা রাস্ত্রপতি ত্রম্পকী মমল নায়দ্রবা থৌদাং য়াওরি।

মরূপশিং,

ঙসি ঐখোয়গী খন্ন-নৈনখিবদা ঐখোয়না পার্তনরশিপ অসিগী মরুওইবা শক্লোন পুম্নমক্তা পোজিতিব ওইনা খন্ন্-নৈনরে – মদু দিফেন্স অমসুং সেক্যুরিতী ওইগেরা, ইনর্জী স্ত্রেতেজিক পার্তনরশিপ ওইগেরা, তেক্নোলোজী কোওপরেসন ওইগেরা, গ্লোবেল কনেক্তিবিতী ওইগেরা, ত্রেদ রিলেসন্স ওইগেরা নত্রগা পিপল তু পিপল তাইজ ওইগেরা।

মরূপশিং,

মতৌ অসুম্না ঐখোয়না ঐখোয়গী হোম-লেন্দ ঙাক্তুনা থম্বা অমসুং ইন্তরনেস্নেল ক্রাইম থেংননবসু তেংবাং হেনগৎহল্লে। ঙসি হোম-লেন্দ সেক্যুরিতীদা লৌখিবা ৱারেপনা কোওপরেসন অসি মখা তানা মপাঙ্গল কনখৎহল্লগনি। ঙসি ঐখোয়না দ্রগ ত্রাফিকিং, নার্কো-তেরোরিজম অমসুং ওর্গনাইজ ক্রাইমগুম্বা মরুওইবা সমস্যাশিংগী মরমদা অনৌবা মেকানিজম অমদসু য়ানবা পুরক্লে।

মরূপশিং,

ভারত অমসুং য়ুনাইতেদ স্তেতসনা ইকোনোমিক সেক্তরদা ওপননেস অমসুং ফেয়র অমদি বেলেন্স ত্রেদতা কমিত তৌখ্রে। ঐখোয়গী বাইলেতরেল ত্রেদ অসি হৌখিবা চহি অহুমদা দবল দিজিত গ্রোথ লাকখ্রে। ঐহাক্না থাজবা থম্লি মদুদি মসিগী ফিগর অসি লাক্কদৌরিবা চহিশিংদা হেনগৎলকখিগনি। অচৌবা ত্রেদ দিল অমগীদমক নেগোসিএসন হৌনবসু ঐখোয়না য়ানবা পুরকখ্রে। মসিনা ম্যুচেল ইন্তরেস্ততা অফবা মহৈ অমা পুরক্কনি হায়বা ঐখোয়না অশা তৌরি।

মরূপশিং,

ভারত অমসুং অমেরিকাগী গ্লোবেলগী ওইবা কোওপরেসন অসি ঐখোয়গী কমন দেমোক্রেতিক ভেল্যুশিং অমসুং ওবজেক্তিবশিংদা য়ুমফম ওই। মসিগী কোওপরেসন অসি পার্তিকুলর ওইনা রুল বেজ ইন্তরনেস্নেল ওর্দরগীদমক মরু ওই, অখন্ননা ইন্দো পেসিফিক অমসুং গ্লোবেল কমন্সতা।

মরূপশিং,

ভারত অমসুং অমেরিকাগী মরক্তা মসিগী অখন্নবা ফ্রেন্দশিপকী খ্বাইদগী মরুওইবা ফাউন্দেসন অসি ঐখোয়গী পিপল-তু-পিপল রিলেসন্নি। মদুনা প্রোফেস্নেল নত্রগা স্তুদেন্তস ওইগেরা, ইন্দিয়ন দাইস্পোরানা মসিদা অমেরিকাদা খ্বাইদগী চাউবা কন্ত্রিব্যুতর ওইরি।

মরূপশিং,

রাস্ত্রপতি ত্রম্পকী খোংচৎ অসিনা মসিগী মায়কৈ পুম্নমক অসিদা ঐখোয়গী রিলেসনশিপশিং মখা তানা চেৎশিনহনবদা পুৱারী ওইরবা থৌদাং অমা লৌরি। অমুক হন্না ঐহাক্না রাস্ত্রপতি ত্রম্পপু ভারত্তা লেংবীরকপা অমদি ভারত-অমেরিকা মরীবু অনৌবা অৱাংবা থাক অমদা পুখৎপগীদমক থমোয় শেংনা থাগৎচরি।

থাগৎচরি।  

দিসক্লেমর: প্রধান মন্ত্রীগী ৱারোল অসি হিন্দীদা পীখি। মসি ৱারোল অদুগী চাউরাকপা ৱাহন্থোকনি।
 

*****



(Release ID: 1872908) Visitor Counter : 73