പ്രധാനമന്ത്രിയുടെ ഓഫീസ്‌
ദീപാവലിയുടെ തലേന്ന് പ്രധാനമന്ത്രി ഒക്ടോബർ 23ന് അയോധ്യ സന്ദർശിക്കും
ശ്രീരാമജന്മഭൂമി തീർത്ഥക്ഷേത്ര സ്ഥലം പ്രധാനമന്ത്രി പരിശോധിക്കും
ഭഗവാൻ ശ്രീ രാംലാല വിരാജ്മാന്റെ ദർശനവും പൂജയും പ്രധാനമന്ത്രി നിർവഹിക്കും
പ്രതീകാത്മക ഭഗവാൻ ശ്രീരാമന്റെ രാജ്യാഭിഷേകം പ്രധാനമന്ത്രി നിർവഹിക്കും
മഹത്തായ ദീപോത്സവ ആഘോഷങ്ങൾക്ക് പ്രധാനമന്ത്രി തുടക്കം കുറിക്കും
സരയൂ നദിയിലെ ന്യൂഘട്ടിൽ ആരതിക്ക് സാക്ഷ്യം വഹിക്കാൻ പ്രധാനമന്ത്രി, 3-ഡി ഹോളോഗ്രാഫിക് പ്രൊജക്ഷൻ മാപ്പിംഗ് ഷോയും
Posted On:
21 OCT 2022 10:04AM by PIB Thiruvananthpuram
ദീപാവലിയുടെ തലേന്ന് പ്രധാനമന്ത്രി ശ്രീ നരേന്ദ്ര മോദി ഒക്ടോബർ 23ന് യുപിയിലെ അയോധ്യ സന്ദർശിക്കും. വൈകുന്നേരം 5 മണിക്ക് പ്രധാനമന്ത്രി ഭഗവാൻ ശ്രീ രാംലാല വിരാജ്മാന്റെ ദർശനവും പൂജയും നടത്തും, തുടർന്ന് ശ്രീരാമജന്മഭൂമി തീർത്ഥക്ഷേത്ര സ്ഥലം പരിശോധിക്കും. വൈകുന്നേരം 5:45 ന് അദ്ദേഹം പ്രതീകാത്മക ഭഗവാൻ ശ്രീരാമന്റെ രാജ്യാഭിഷേകം നടത്തും. വൈകുന്നേരം 6:30 ഓടെ, സരയൂ നദിയിലെ ന്യൂഘട്ടിലെ ആരതിക്ക് പ്രധാനമന്ത്രി സാക്ഷ്യം വഹിക്കും, തുടർന്ന് പ്രധാനമന്ത്രിയുടെ മഹത്തായ ദീപോത്സവ് ആഘോഷങ്ങളുൾക്ക് തുടക്കം കുറിക്കും.
ഈ വർഷം ദീപോത്സവത്തിന്റെ ആറാമത് പതിപ്പാണ് നടക്കുന്നത്, ആദ്യമായാണ് പ്രധാനമന്ത്രി ആഘോഷങ്ങളിൽ നേരിട്ട് പങ്കെടുക്കുന്നത്. ചടങ്ങിൽ 15 ലക്ഷത്തിലധികം ദീപങ്ങൾ തെളിക്കും. വിവിധ സംസ്ഥാനങ്ങളിൽ നിന്നുള്ള വ്യത്യസ്ത നൃത്തരൂപങ്ങളുള്ള അഞ്ച് ആനിമേറ്റഡ് ടാബ്‌ലോകളും പതിനൊന്ന് രാമലീല ടാബ്‌ലോകളും ദീപോത്സവത്തിൽ അവതരിപ്പിക്കും . ഗ്രാൻഡ് മ്യൂസിക്കൽ ലേസർ ഷോയ്‌ക്കൊപ്പം സരയൂ നദിയുടെ തീരത്തുള്ള രാം കി പൈഡിയിൽ നടക്കുന്ന 3-ഡി ഹോളോഗ്രാഫിക് പ്രൊജക്ഷൻ മാപ്പിംഗ് ഷോയ്ക്കും പ്രധാനമന്ത്രി സാക്ഷിയാകും.
--ND--
(Release ID: 1869824)
Visitor Counter : 176
Read this release in:
Marathi
,
English
,
Urdu
,
Hindi
,
Manipuri
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada