প্রধানমন্ত্রীগী লোইশঙ
পি.এম.না - ওক্তোবর ২২দা - পার্সোনেল লাখ ১০গী রেক্রইৎমেন্ত দ্রাইবগীদমক্তা - রোজগার মেলা হৌদোক্লগনি
অহানবা তাঙ্কক্তা নৌনা খল্লবা অনৌবা মীওই ৭৫,০০০ থবক হাপ্লগনি
নৌনা থবক খল্লবা মীওইশিং অদুদা এপোইন্তমেন্ত লেতরশিং অদু খুৎশিন্নরগনি
রেক্রইৎমেন্ত তৌবগী থৌওং অদুবু হেন্না য়াংশিনহন্নবগিদমক্তা খনবগী থৌওং অদু লাইথোকহল্লগনি অমসুং তেক্নোলোজীগী মতেং লৌরগনি
প্রোগ্রাম অসিনা নহাসিংগীদমক্তা অমসুং প্রজাশিংগী য়াইফনবগীদমক্তা থবক ফংহন্নবগী কুদোংচাবশিং পীনবগী মাইকৈদা সরকার অসিনা অচেৎপা ফিরেপ অমগা লেপ্পা লৈতনা হোৎনরকখিবা অদুবু উৎলি
Posted On:
20 OCT 2022 1:50PM by PIB Imphal
প্রধান মন্ত্রী, শ্রী নরেন্দ্র মোদীনা ভীদিও কনফরেন্সিংগী কুত্থাংদা ওক্তোবরগী ২২দা অয়ুক্কী পুং ১১ তাবা মতমদা- পার্সোনেল লাখ ১০গী রেক্রইমেন্ত দ্রাইবকীদমক্তা – রোজগার মেলা হৌদোক্লগনি। থৌরম অসিদা, এপোইন্তমেন্ত লেতরশিং অদু নৌনা থবক খল্লবা মীওই ৭৫,০০০ অদুদা খুৎশিন্নরগনি। প্রধনা মন্ত্রীনা থৌরম অসিদা নৌনা খল্লবা মীওইশিং অসিদসু ৱা ঙাংগনি।
মসিনা নহাশিং অমসুং প্রজাশিংগী য়াইফনবগীদমক্তা থবক ফংহন্নবগী কুদোংচাবাশিং পীনবগীদমক্তা প্রধান মন্ত্রীগী অচেৎপা ফিরেপ অদুবু নিংবা থুংহন্নবগী মাইকৈদা লৌবা য়াম্না মরু ওইবা খোংথাং অমা ওইগনি। প্রধান মন্ত্রীগী য়াথংগী মতুং ইন্না, মন্ত্রালয় অমসুং দিপার্তমেন্ত পুম্নমক্না সেঙ্কশন তৌখিবা পোস্তশিংদা লৈরিবা অহাংবা ফমশিং অদুবু মেনশিন্নবগী মাইকৈদা মিসন মোদতা থবক তৌরি।
লৈবাক শিনবা থুংনদগী খনগৎলবা, নৌনা থবক খল্লবশিং অদুনা ভারত সরকারগী মন্ত্রাল্ব/দিপার্তমেন্ত ৩৮দা থবক য়াওরগনি। থবক খল্লবশিং অদুনা গ্রুপ – এ., গ্রুপ – বি. (গাজেত্তেদ), গ্রুপ – বি. (নন গেজেত্তেদ) অমসুং গ্রুপ – সি. গী থাক কবা অমদা সরকারদা য়াওরগনি। অতোপ্পা কয়া অমগী মনুংদা থবক খল্লিবা পোস্তশিং অদুদা সেন্ত্রেল আর্মদ পার্সোনেল, সব ইনস্পেক্তর, কনস্তেবল, এল.দি.সি., স্তেনো, পি.এ., ইন্কম তেক্স ইনস্পেক্তরশিং, এম.তি.এস. য়াওরি।
মসিগী রেক্রইৎমেন্তশিং অসি মন্ত্রলয়শিং অমসুং দিপার্তমেন্তশিংনা মিসন মোদতা মশামক্না নত্রগা রেক্রইতিং এজেন্সীশিং খুদম ওইনা য়ু.পি.এস.সি., এস.এস.সি., রেলৱে রেক্রইৎমেন্ত বোর্দকী খুত্থাংদা পাংথোকই। য়াম্না য়াংনা রেক্রইৎমেন্ত তৌনবগীদমক্তা, খনবগী থৌওং অদু লাইথোকহনখি অমসুং মসিদা তেক্নোলোজীগী মতেং লৌখি।
***
(Release ID: 1869616)
Visitor Counter : 177
Read this release in:
Tamil
,
Telugu
,
Kannada
,
Malayalam
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia