খুরুমজরি!

ধন্তেরস অমসুং দিৱালী নকশিল্লক্লে। ধন্তেরস অমসুং দিপাৱলী মমাংদা গুজরাত্তা হকশেলগী অচৌবা কুহ্মৈ অমা পাঙথোক্লি। ঐখোয়না ধন্তেরসতা মফম অসিদা গবৱান ধনবন্তরিবু থৌনিজৈ। ভগৱান ধনবন্তরি অসি আয়ুর্বেদ হৌদোক্লম্বনি হায়না হায়নৈ অমসুং মহাক অসি ঈশ্বরশিংগী অনাববু ভগৱান ধনবন্তরিনা কোকহল্লি হায়না হায়নৈ। মরম অসিনা মহাক অসি হকশেলগীদমক ইথিল পীরিবা ঈশ্বরনি হায়বা য়াই। অমসুং হকশেলগী হেনবা লন, হকশেলদগী হেন্না অথোইবা করিবু লৈবগে? অমসুং ঐখোয়গী শাস্ত্রশিংংদা অসুম্না হায়-

আরোগ্যম পরম ভাগ্যম।

অমসুং মসি ঐখোয়গী ওইনা য়াম্না নুংঙাইবা ৱাফম অমনি মদুই মসি ঙসি ভুপেন্দ্রভাইগী লুচিং মখাদা থবক অসি পাইখৎলি, অসিগুম্বা থবক অসি কনাগুম্বা অমত্তা দিৱালিগী কুহ্মৈগী মতমদা পাঙথোক্কনি খল্লুদে। মীপুম খুদিংমক ছুতিগী ৱাখলদা লৈনৈ। অদুম ওইনমক ঙসি মফম অসিদা থৌরম অসি মপুং ফারবা মতমদা মসিগা লোয়ননা কেম্পেন অমনা অহিং ফাওবদা মীওই লাখ অমা মখাইদগী অনি ফাওবা য়ৌশিনবা ঙম্লগনি। অমসুং মীওই লাখ ৫০দা কার্দশিং পীবগী থবক চত্থরিবা অসিদা ঐখোয়গী মরুপশিং অমসুং সরকারগী মরুপশিংবু মরু ওইনা সরকারগী ওফিসিএলশিংবু দিৱালীগী মতমদা অসিগুম্বা অচৌবা থবক তৌবা অসিগীদমক ঐহাক্না থাগৎপা ফোঙদোকচরি। মসিগীদমক নখোয়না কন্না হোৎনখি। ‘সর্বে সন্তু নিরামায়া’ হায়বদি পুম্নমকপু লায়না লাইথুং চেন্দবা ওইরসনু হায়না মফম অসিদা হায়নবা লৈ, ঐখোয়গী ইপা-ইপুনা খঞ্জরম্বা, মীওই অমগী ইমুং-মনুং, খুন্নাইদা খ্বাইদগী চাউবা মন্ত্রগী ৱাখল্লোন অদুগী মন্ত্র অদু ঙসি আয়ুশ্মান স্কিমনা পুরক্লি। পুন্না কেম্পেন অমা চত্থদুনা ইমুং লাখ ৫০ য়ৌবা হায়বদি গুজরাতকী মীশিংগী শরুক তঙ্খাই য়ৌবা হাববা অসি অচৌবা থবক অমনি। জিলা, তলুকা নত্ত্রগা গ্রাম পঞ্চায়ত ওইরবসু মসিনা লেবেল পুম্নমক্তা বেনিফিসরীশিং থীদোক্লবা মতুংদা কার্দ ফংদবশিংদা কার্দ ফংহল্লগনি অমসুং মসিনা মরম ওইরগা অহল-লমনগী থৌজালশিং ফংলগনি। মালেমগী লৈবাক কয়াদা হেল্থ ইন্স্যুরেন্সকী মতাংদা ঐখোয়না তাদুনা লাক্লি অদুবু ভারতনা মদুগী ৱাংমদা চত্তুনা হেল্থ এস্যুরেন্স পীরি। অমসুং মঙলান অসি থুংহন্নবগীদমক নখোয়না মতেং পীরি।

ঙসিগী থৌরম অসি রাজনিতীদা তংদু লৈতাবা সরকার অমা লৈরবা মতমদা অফবা ফলশিং করম্নবা পুরকপগে অমসুং মাগী ৱার্ক কলচর অসি মপুং ফানা মীয়ামগী খঙবা অমসুং খুন্নাউগীদমক কত্থোকপা ওই হায়বগী খুদম অমা ওইরি অমসুং মসি লৈবাক অমসুং গুজরাতনা ঙসি উবা ফংলি।  মমাংঙৈদা কনাগুম্বা অমনা স্কিম অমা ইমপ্লিমেন্ত তৌই অদুগা অচৌবা ওদিতোরিয়মদা মৈরা চুখৎকনি, রিব্বন কক্কনি, নত্ত্রগা ফজবা স্পীচ অমা পীগনি অদুগা ৱাফম অদু লোইশিনখিগনি। অখঙবশিংনা স্কিমগী কান্নবা লৌরমখি, মীওই কয়াগী কান্নবশিং মিদলমেনশিংনা লৌখি অমসুং অসুম তৌদুনা স্কিম অসি লোইশিনখি। ঐখোয়না মসিগী চৎনবী অসি হোংদোকখি। শেল চাদিং তৌগদবনি অদুবু মসি কান্নবা ফংনবা মওংদা তৌগদবনি, স্কিম লোঞ্চ তৌগনি, মৈরা চুখৎকনি, রিব্বন কক্কনি অদুবু থবক্তি পাইখৎলোই, অদুবু সরকারনা য়ুম য়ুমদা চৎপা তাই, মখোয়গী মাংদা লৈরিবা লায়রবা মীওইশিং অদুদা য়ৌহনবা তাই অমসুং মখোয়গী সমস্যা কোকহনবা তাই। অসুম্না ঐখোয়না অচৌবা খোঙথাংশিং লৌখৎপা তাই। ঐখোয়না অচৌবা খোঙথাংশিং থাংদুনা মাংদা চংশিল্লি।

ঙসি থৌরাং তৌবা মতমদা মীচম প্রজানা অহানবদা করি মথৌ তাবগে, মসি করিগী মথৌ তারিবনো, তুং কোইগদবা করি অহোংবা পুরকপা তাই হায়না সরকারনা মপুং ফানা য়েংশিল্লি। লায়রবশিংগী পুন্সিদা করি অৱাবা মায়োক্নবগে, মিদল ক্লাসকী পুন্সিদা করি অৱাবা মায়োক্নবগে, মসি কোকহন্নবা থবক পাইখৎখি। অমসুং মসিগী কান্নবা অসি মসিনা পোলিসীবু য়াম্না ফগৎহল্লি, প্রেক্তিস তৌরবা মতুংদা পোলিসী শেমখি, মসিদা মীপুম খুদিংমক য়াওশিল্লি অমসুং পোলিসী অদু শেম্মি। ঙসিগী ঐখোয়গী ভুপেন্দ্র ভাইনা তৌরিবা অসুম্না করিগুম্বা অমা মথৌ তারকপদা মদু হাপচিল্লি। সরকারনা মখোয়গী স্কোপ হেনগৎহল্লি, বেনিফিসরীশিংগী মশিং হেনগৎহল্লি, মিদল ক্লাসকী মীওই কয়ানা মদুগী বেনিফিসরীশিং ওইরকই অমসুং সরকারনা স্কিমশিংগী কান্নবা অসি মীয়ামগী থোংজিলদা য়ৌহল্লি। ঐখোয়না মাইকৈ অসিদা চংশিল্লি।

মরুপশিং,

লৈবাক অসিগী মীয়ামদা শক্তি পীবা মতমদা মপাঙ্গল কল্লই, অমসুং অদোম্না খঙবিরিবা অদুনি অদোম শক্তি লৈরবা মতমদা মরক্তা করিগুম্বা অমত্তা লাকপা নত্তে, মরম অসিনা ঐখোয়না ভারতকী প্রজা পুম্নমকপু শক্তি পীনবা ৱারেপ লৌরে, মরু ওইনা ইমা অমসুং ইচে-ইচলশিং শক্তি পীবা। ঙসিদি লাইরবশিংদা লেম্না গ্যাস কনেক্সন ফংহনবনা মরম ওইদুনা, মৈখুগী মৈশা মরক্তা হিংলমখিবা, চাকশঙগী মৈখুনা থোকহনবা লায়না অদুদগী মখোয়বু কনবিবা ঙম্লে। ঐখোয়না লায়রবশিংদা পক্কা য়ুম অমা পীরি, পক্কাগী য়ুমথক ওইবা য়ুম পীরি, মসিনা মরম ওইদুনা মখোয়গী পুন্সিসু ফগত্হনখি, অপিকপা অৱাবা কয়া কোকহনবা ঙমগনি। তোতি ঈশিং ফংলবা মতমদা, অফবা থক্নবা ঈশিং ফংলবা মতমদা, তোইলেত শাবা মতমদা, হায়রিবা পুম্নমক অসি ফংলবা মতমদা অৱাবা পুম্নমক কোকহল্লি। খোয়না তঙাই ফদবা থবক পুম্নমক অসিদা পুক্নীং চংলি অমসুং হন্দক্তা অসিগুম্বা অচৌবা মালেমগী লাইচৎ অমা লাকখিবা মতমদা, ঐখোয়না লাইরবা য়ুমথোং অমত্তগী চাকশঙ মৈ মুৎহনখিদে। ঐখোয়না চহি অনিদগী অনি-মখাই ফাওবা মীওই করোর ৮০দা লেম্না চেং ফংহন্নবা হোৎনখি। মরমদি অসিগুম্বা চাউরবা লাইচৎ অসি লাকপদা চাকশঙ মৈ মুৎথনবা ঐহাক্না পামখিদে।

है। মসি খক্তা নত্তে, করিগুম্বা অঙাং অদু হকচাং ফনা লৈত্রবদি, লৈবাক অদু হকচাং ফনা লৈররোই, ঐখোয়না মচি ওইবা চিঞ্জাক ফংদবদগী সমস্যা অসি কোকহনবা তাই। অদুগা হৌজিক গুজরাতনা অচৌবা খোঙজং অমা হৌরে, ঐখোয়গী সি.আর. পাতিলনা মসিদগী মীপুম খুদিংমক কোকহনগদবনি হায়বা অচৌবা পান্দম অমগা লোয়ননা থবক হৌরে, মহাক্কী সরকারনা হোৎনবনা মরম ওইদুনা আয়ু্শ্মান ভারত য়োজনা, পি.এম.জে.এ.ৱাই., য়াম্না ফবা খুদম ওইরে, হিরম অমা ওইরে। ঐনা হায়খিবগুম্না ঐখোয়না দিৱালিগী মতম অসিদা আয়ুশ্মান কার্দ লাখ ৫০ পিবগী থবক পায়খৎলি। অদুগা মমাংদা মতম অমা লৈরম্মি, করিগুম্বা কনাগুম্বা অমনা য়ুমদা নাবা তারগদি, অমসুং মরু ওইনা ঐখোয়গী ইমা অমদি ইচে-ইচলশিং নাবা তারগদি, ফিভম অদু করম তৌরমখিবগে, মঙ্গলসুত্র বন্ধোপ থম্বা তাখি। অনাবা অদু লিশিং ৫ লিশিং ১০ পুদুনা লায়েংবা তাখি, অসিগুম্বা নুমিৎশিং অসি ঐখোয়না উবা ফংখি। ঙসি অদুগুম্বা অৱাবা পুম্নমক অদু লোইরে অমসুং ঙসিদি আয়ুশ্মান কার্দ অদু লৈরে। ঐনা পীখিবা আয়ুশ্মান কার্দ অসি সনা নত্তে, অহিংদা অদোমগীদমক কান্নগনি, করিগুম্বা অদোম্না কার্দ অদু পুরবদি, হোসপিতালগী থোং হাংগনি, অদোমবু খুদক্তা লায়েংবা হৌরগনি, সনাগুম্না থবক তৌই নত্রগা তৌদে? অমসুং মরম অসিনা ঐনা হায়রি মদুদি মসি লাখ ৫গী এ.তি.এম.নি, ঐখোয়না দরকার ওইবা মতমদা এ.তি.এম.শিংদগী শেল লৌথোকপগুম্না, নত্রগা মসিগা মান্ননা মওংদা অদোমদা মতেং পাংই। মসিগী কান্নবা অসি খুন্নাইগী মীওই কয়ানা ফংগদবনি অমসুং ঈশ্বরনা ঐখোয়দা থৌজাল পীবিরি। ঐখোয়না মীপুম খুদিংমক্কী পুন্সি অসি শাংদোকপা পাম্মি, ঐখোয়না ৱারেপ লৌরে মদুদি চহি ৩০ শুরবা মীওই অমনা ইমুং অদুগী অহল ওইরবা অমসুং মহাক্না আয়ুশ্মান কার্দ ফংলবদি অমসুং মহাক চহি ৭০ হিংলি হায়না লৌরসি, মদুগি মতুংদা মহাক্কী ইমুং মনুংদা অনাবগী মতাংদা করি থৌরাং লৈরিবগে। মসি খঙনরে মদুদি চহি খুদিংগী লুপা লাখ ৫ হায়বদি মতম অসিদা মখোয়না লুপা করোর ১.৫-২গী লায়েংবগী কান্নবা ফংগদৌরিবনি। করিগুম্বা লায়না অমা হেক্তা মহাক নত্ত্রগা মহাক্কী ইমুং-মনুংদা নারবদি, মদুগী মতুংদা সরকারনা মহাক্কী শেনফম অদু পীগনি। ঙসিদি করিগুম্বা মহাক্না লায়না কয়া নত্ত্রগা তোঙান-তোঙানবা লায়না কয়াগীদমক সর্জরি তৌবা তারবদি, মদুগী মতুংদা নোর্মেল ওইবা মীওই অমনা মহাক্কি থবক অদু তৎপা তাবনি। ঙসি মসিনা মরম ওইদুনা হকচাং ফনা লৈবা ঙম্লে, হৌজিক হৌজিক পিয়ুস ভাই উরে, হকচাং অসি কয়াদা হন্থরে, ঙসি খনবিয়ু, করিগুম্বা আয়ুশ্মান কার্দ অসি লৈরমদরবদি, নঙগী পিয়ুস ভাইগী পুন্সিদা করম তৌরমগনি। অদুনা স্কিম পুম্নমক্কী কান্নবা অসিনা তশেংনা খুন্নাইদা পাঙ্গল পীরি, মরম অদুনা আয়ুশ্মান অসি তশেংনা অদোমগী ইমুংগী খ্বাইদগী চাউবা কনবিবা, খ্বাইদগি চাউবা তর্বলসুতরনি।

ইচিল-ইনাওশিং,

ঙসি ফাওবদা ঐখোয়না লৈবাক অসিদা স্কিম কয়া অমা শেমখ্রে, হৌজিক ফাওবদা মীওই কোতি ৪না মসিগী কান্নবা লৌখ্রে। ঐখোয়গী গুজরাতদসু চাউরাক্না মীওই লাখ ৫০না মসিগী কান্নবা লৌখ্রে। অদুগা লায়েং পুম্নমক অসিনা মরম ওইদুনা ঙসি নুংঙাই-য়াইফবা পুন্সি অমা হিংবশিং অদু, অমসুং মখোয়গীদমক্ কয়া য়াম্না শেল থাদরিবনো। খন্দুনা য়েংবিয়ু, করিগুম্বা অদোম্না অমমমদা হংলবদি, কনাগুম্বা অমনা লাখ ৫ হায়গনি, কনাগুম্বনা লাখ ৮ হায়গনি, শেনফম অমত্তা চংখিদে হায়রক্কনি। হায়বদি ঐখোয়না থবক অসি পাংথোকখ্রে অমসুং ঐহাক্না নুংঙাইবা ফাওই মদুদি ঙসিদি মীওই কয়া অমনা আয়ুশ্মান ভারতকী কান্নবা লৌরি অমসুং কনাগুম্বা অমত্তনা অনাবা লৈররোই, অদুবু করিগুম্বা নারবদি মহাক্না কম্পলসন্দা হিংলোইদবনি মহাক্না লায়না অদু লায়েংগদবনি। অদুগা ঐনা হায়জনীংই মদুদি মমা-মপাশিংনা মসিদগী পাঙ্গল কয়া অমা ফংলে, অমসুং মফম অসিদা লৈরিবা ফীভম অসি করিনো হায়বা নখোয়না খঙলে, মমা-মপাশিংনা মখোয়গী ৱাখল ৱাবা হন্থহল্লি, মমা অমদা অনাবা অমা লাকই, অৱাবা কয়া মায়োক্নরি, অদুবু য়ুমদা কনাগুম্বা অমত্তদা খঙহনদে। থবক অদুমক তৌদুনা লৈ, মরমদি মহাক্কী ৱাখলদা ৱাখল অমখক্তমক লৈরি মদুদি য়ুমদা লৈরিবা মী খুদিংমক্না ঐঙোন্দা লায়না অমা লৈরি হায়বা খঙলগনি, অমসুং করিগুম্বা হিদাক্কী শেল তিংলবদি লোন লৌবা তাগনি। মরম অসিনা লায়না অদুনা মসিবু লোৎশিল্লি, অমসুং পুম্নমক থেংনৈ। হৌজিক ঙসি নখোয়না খল্লি মদুদি ইমাশিং অসিনা মতম কয়া কুইনা মসিবু খাংগনি, অমসুং মচানুপা অসিনা মমাশিং অদু অৱা-অনাদগী কোকহনগনি, নত্রবদি কনানা মখোয়বু মতেং পাংগনি, মরম্ অদুনা ঐখোয়না থৌরাং অসি পুথোক্লে মদুদি হৌজিক ঐখোয়গী ইমাশিংনা মখোয়গী অনাবা অদু লোৎশিল্লরোই অমসুং অঙাংশিংগদমক সরকারনা শেল পীগনি, নহাক্কী অনাবা অদু লোইশিন্নবা সরকারনা থৌদাং লৌগনি।

ঐহাক্না থাজৈ মদুদি ঐহাক্কী ইমাশিং অমসুং ইচে-ইচলশিং, মরুওইনা হৌজিক করিগুম্বা অৱাবা তারবদি, মদুগী মতুংদা শোইদনা আয়ুশ্মান কার্দ লৌবিয়ু অমসুং করিগুম্বা অনাবা লৈরবদি, নুমিৎ নিনি হোস্পিতালদা লৈবা তারবসু অঙাংশিংনা নুমিৎ নিনি য়ুমদা অৱাবা খাঙগনি, অদুবু তুংদা শান্তি লৈরগনি, অদুবু করিগুম্বা মতমদা মমা অমদি ইচে-ইচলশিংনা খল্লি, অঙাংশিংনা নুমিৎ নিনি অৱাবা মায়োক্নগনি, অদুবু নখোয়না অনাবা অদু ময়াম্না তেস্ত তৌগদবনি। অমসুং ঐহাক্না নীংশিংলি, ঐহাক্না গুজরাত্তা লৈরিঙৈদা ঐহাক্না চিরঞ্জিবী য়োজনা হৌদোকখিবনি, চিরঞ্জিবী য়োজনা অসিদা মমা নত্রগা অঙাং অদু পোকপা মতমদা শীবা থোক্লিবদি নত্রগা মমা অমসুং অঙাঙ্ অনিমক শীরবদি, ঐখোয়না চিরঞ্জিবীগী মখাদা থৌরাং অমা পুথোকখি। মহাকপু কনবিনবা অমসুং হোস্পিতালদা মীপুম খুদিংমকপু য়েংশিনবগী থবক পাইখৎখি। ঙসি গুজরাত্তা ময়ুমদা য়ৌহনগদবা এদমিসন মশিং য়াম্না লৈরগনি। মসিগী মওং অসিনা ঐখোয়না অঙাংশিং পোক্লবা মতুংদসু চাইল্দ কেয়র প্লান অসি পুরক্লে, মতৌ অসুম্না ঐখোয়না খিলাখাৎ স্কিম, চাইল্দ ফ্রেন্দ স্কিম হৌদোকখি, মসি পুম্নমক অসিনা মরম ওইদুনা মখোয়না মখোয়গী পুন্সিদা অচৌবা অহোংবা অমা পুরকখি। অমসুং মতম অদুদা গুজরাত্তা মুখ্য মন্ত্রিনা অমরুতম য়োজনা- মা য়োজনা হৌদোকখি অমসুং ঙসি পি.এম.জে.এ,ৱাই.-এম.এ,, স্কিম পুম্নমক হৌজিক অনৌবা ওইরে, মসিদা পি.এম.জয় য়োজনা অমসুং এম.এ. স্কিম অনিমক হাপচিল্লে, সরকারসু পাকথোক চাউথোকহল্লে। অমসুং ঐহাক্না থাজৈ মদুদি অদোম্না মসিগী কান্নবা পুম্নমক অসি মমাংদা ফংখ্রে, ঙসিসু ফংলি অমসুং কান্নবা অসিসু হেনগৎলক্লি, মসিনা মরম ওইদুনা অদোম্না অৱাবা মতমদা মসিবু পাকথোক চাউথোকহন্দুনা মসিগী কান্নবা লৌবা ঙমগনি। ঙসি ইমুং মনুংগী মীহুৎশিংনা লৈরিবা মফম খুদিংদা, মখোয়না মসিগী কান্নবসু লৌবা য়াই, ইমুং পুম্বনা মসিগী কান্নবা ফংই, মসি খক্তা নত্তনা, মপান্দগী রাজ্য অসিদা লাকপা মীওইশিংনা, মখোয়না রাজ্যঈ হোস্পিতালশিংদসু কান্নবা ফংগদবনি, হায়বদি ভারতকী প্রজাশিংনা ভারতকী মফম খুদিংদা হকশংলগী খুদোংচাবা ফংগদবনি, মখোয়না সনা অসি মখোয়গী খুত্তা লৈরি, কৈদৌঙৈদসু ৱাখল ৱাবা লৈরোইদবনি।

ঐহাক্না ঙসি নখোয়গা উন্নবা খুদোংচাবা অমা ফংজরি, ঐহাক্না য়াম্না নুংঙাইবা পোকই, নখোয়গী চাদিংসু হন্থরে, ময়ামবু ঐহাক্না য়াইফ-মঙ্গোল পীজরি, হন্না-হন্না থাগৎচরি।

খঙহঞ্জবা: প্রধান মন্ত্রীগী ৱারোল অসি গুজরারী মরোলদা পীখিবনি, মসি ৱারোল অদুবু হন্দোকচবনি।

*****