ওল ইন্দিয়া রেদিওনা ইলেক্সন কম্মিসন ওফ ইন্দিয়াগা খুৎশম্নরগা ভোতর এৱ্যারনেসকী মরমদা ‘মাতাদাতা জংসন’ কৌবা চয়োলগী ওইবা অনৌবা থৌরম অমা শন্দোকপা হৌখ্রে‍। “মাতাদাতা জংসন” থৌরমগী অনিসুবা তাঙ্কক ইরাই নুমিৎ, ওক্তোবর ১৪দা ১০০.১ এফ.এম. গোল্দ চেন্নেলদা নুমিদাং পুং ৭ও২৫দগী পুং ৭.৪০ ফাওবা দিল্লী, মুম্বাই, কোলকতা, চেন্নাই অমসুং হায়দরবাদতা শন্দোক্কনি‍। থৌরম অসিগী থীমদি দি পৱার ওফ ৱন ভোৎ নৎত্রগা ভোৎ অমগী মতিক হায়বনি‍।

মিনৎ ১৫ শাংবা থৌরম অসি চয়োল খুদিংগী ইরাই নুমিত্তা অসামিজ, বেঙ্গলি, ইংলিস, গুজরাতী, হিন্দী, কন্নারা, কাস্মিরী, কোনকনী, মলয়ালম, মনিপুরি, মরাথী, নেপালী, ওরিয়া, পঞ্জাবী, সংস্কৃৎ, সিন্ধী, তামিল, তেলুগু, উর্দু, বোরো, সন্থলী, মাইথিলী অমসুং দোগ্রী হায়রিবা লোল ২৩ অসিদা লৈবাক শিনবা থুংনা শন্দোকপনি‍।

থৌরম অসি নুমিদাং পুং ৭তগী ৯ ফাওবগী মনুংদা লৈবাক শিনবা থুংনা এফ.এম. রেনবো, বিবিধ ভারতী স্তেসনশিং অমসুং এ.আই.আর.গী প্রাইমীরী চেন্নেলশিংদা শন্দোক্কনি‍। মীয়াম্না থৌরম অসিবু ত্বীত্তরদা @airnewsalerts তা, নিউজ ওন এ.আই.আর. এপ অমসুং ওল ইন্দিয়া রেদিওগী য়ুত্যুব চেন্নেলশিংদসু তাবা ফংগনি‍।

চয়োলগী ওইনা শন্দোকপা থৌরম অসিনা ভোতর ইকোসিস্তেমগী হীরম পুম্নমক কোনশিল্লি‍। তাঙ্কক অমমম্না অকক্নবা ইলেক্তোরেল প্রোসেস অমদা য়ুম্ফম ওইবনি‍। থীম ৫২মক ভোৎ থাদবা য়ারবা মীপুম খুদিংমক, মরুওইনা নহা ওইরিবা অমদি অহানবা ওইনা ভোৎ থাদগদবা ভোতরশিংদা মীখল মতমদা অচুম্বা ফিরেপ লৌজবা ঙমনবা পুক্নিং থৌগৎপগী পান্দম থমদুনা শেম্বনি‍। তাঙ্কক খুদিংদা ৱাহং পাউহং, এক্সপর্তশিংগী ইন্তরভিউ, অমসুং ই.সি.আই.গী স্বীপ (সিস্তেমেতিক ভোতর্স এজুকেসন এন্দ ইলেক্তোরেল পার্তিসিপেসন) তীম্না পুথোকপা ঈশিংশিং য়াওগনি‍। থৌরম অসিদা মীওই অমা হেক্তনা মীখলগী হীরম অমা হেক্তদা ৱাহং হংবা নৎত্রগা সজেসন পীবা য়াবা সিতিজন্স কোর্নর অমা য়াওরি‍।

****