প্রধানমন্ত্রীগী লোইশঙ
নেস্নেল গেম্স ২০২২ লোইশিনখবদা পি.এম.না শান্নরোইশিংগী মফমদা য়াইফ-পাউজেল পীরক্লি
Posted On:
13 OCT 2022 8:54PM by PIB Imphal
প্রধান মন্ত্রী, শ্রী নরেন্দ্র মোদীনা নেস্নেল গেম্স ২০২২দা শরুক য়াখিবা শান্নরোই পুম্নমক্কী মফমদা য়াইফ-পাউজেল পীখ্রে, অমদি মেদল ফংখিবশিংবুসু থাগৎখ্রে। নেস্নেল গেম্স ২০২২ মায় পাক্না পাঙথোকখিববু পল্লদুনা, শান্ন-খোৎনবগী ইনফ্রাস্ত্রকচরশিং শান্নরোইশিংনা শিংথানখি, অমদি গেম্স অসি প্লাস্তিক ফত্ত-হৌদি রিসাইকল তৌবা, হন্থহনবা অমদি লু-নানবা হেনগৎহনবা য়াওনা সস্তেনেবিলিতীদা মীৎয়েঙ থমখিবগীদমক্তা নীংশিংনহৌরগনি হায়না প্রধান মন্ত্রীনা ফোঙদোকখি। গুজরাৎকী মীয়াম অমদি লৈঙাকপু মখোয়গী মীওক মীচানগীদমক প্রধান মন্ত্রীনা থাগৎখি।
ত্বীত পরিং অমদা, প্রধান মন্ত্রীনা ফোঙদোকখি;
“নেস্নেল গেম্স ২০২২ ঙরাং লোইশিনখ্রে। মসিদা শরুক য়াদুনা শান্নবগী মচৎকী ৱাখল্লোনবু মশক থোকহল্লিবা শান্নরোই খুদিংমকপু ঐনা ইকায়খুম্নজরি। গেম্স অসিদা মেদল ফংলকখিবশিংগী মফমদা নুংঙাইবা ফোঙদোকচরি। মখোয়গী মায় পাকপদা চাউথোকচবা ফাওই। শান্নরোইশিংগী মফমদা মখোয়গী তুংদা থেংনরক্কদবশিংগীদমক্তা ঐনা য়াইফ-পাউজেল পীজরি।”
“হন্দক চহিগী নেস্নেল গেম্স অসি তোঙান তোঙানবা মরমশিংগীদমক্তা অখন্নবা ওইখি। শান্ন-খোৎনবগী মচাক মথুমশিং শান্নরোইশিংনা শিংথানখি। ত্রেদিস্নেল ওইবা মশান্নশিংদা পাক্তক্ননা শরুক য়াখিবা অদুবু পনবা য়াবশিংগী মরক্তা অমনি।”
“২০২২গী নেস্নেল গেম্স অসি প্লাস্তিক ফত্ত-হৌদি রিসাইকল তৌবা, হন্থহনবা অমদি লু-নানবা হেনগৎহনবা য়াওনা সস্তেনেবিলিতীদা মীৎয়েঙ থমখিবগীদমক্তা নীংশিংনহৌরগনি। গুজরাৎকী মীয়াম অমদি লৈঙাকপু গেম্স মনুংদা মখোয়না উৎখিবা মীওক মীচানগীদমকসু ঐনা থাগৎচরি।”
*****
(Release ID: 1867628)
Visitor Counter : 132
Read this release in:
Bengali
,
Tamil
,
English
,
Urdu
,
Hindi
,
Marathi
,
Assamese
,
Punjabi
,
Gujarati
,
Odia
,
Telugu
,
Kannada
,
Malayalam