ইকাই খুম্নরবা প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা মখিবা কেবিনেৎ কম্মিতি ওফ ইকনোমিক এফিয়র্সনা পব্লিক প্রাইবেৎ পার্তনরশিপ (পি.পি.পি.) মোদকী মখাদা বিল্দ, ওপরেৎ এন্দ ত্রান্সফর (বি.ও.তি.) বেসিস্তা কান্দলাগী গল্ফ ওফ কচ্ছতা তুনা তেকরাগী মলতিপর্পজ কার্গো (কন্তেনর/লিক্বিদ নত্তনা) বর্থ শেমগৎনবা অয়াবা পীখ্রে। 

পুন্না চংগদবা শেনফম লুপা করোর ২,২৫০.৬৪ ওইগনি [লুপা করোর ১৭১৯.২২গী শেনফম অসি কনসেসনিয়র ফোর দিবেলপমেন্ত ওফ মলতিপর্পজ কার্গো বর্থনা পুথোক্কনি (বর্থকী নাকলদা দ্রেদজিংগী থবক তৌবা, সর্কল্স অমসুং এপ্রোচ চেনেল তর্নিং তৌবা য়াওনা অমসুং লুপা করোর ৫৩১.৪২ অসি কম্মন য়ুজর এক্সেস চেনেলগী কেপিতেল দ্রেদজিং অমসুং কম্মন য়ুজর রোদ শেম্বাগীদমক কনসেসনিং ওথোরিতী (দীনদয়াল পোর্ত ওথোরিতী)না পুথোক্কনি]।

প্রোজেক্ত অসি কম্মিসন তৌবনা মলতিপর্পজ কার্গো (কন্তেনর/লিক্বিদ নত্তনা) ত্রাফিক্তা তুংলমচৎকী শাহৌ লৈহনগনি। ২০২৬ ফাওবগী প্রোজেক্ত তৌরিবা ত্রাফিক গেপ অসি এম.এম.তি.পি.এ. ২.৮৫ ওইগনি অমসুং ২০৩০ ফাওবদা মসি এম.এম.তি.পি.এ. ২৭.৪৯ ওইগনি। কান্দলাগী গল্ফ ওফ কচ্ছতা তুনা তেকরাগী মলতিপর্পজ কার্গো (কন্তেনর/লিক্বিদ নত্তনা) বর্থ শেমগৎপা অসিনা স্ত্রেতেতিক ওইবা কান্নবা অমা পীরগনি মরমদি মসিনা ভারতকী অৱাং থংবা শরুক্কী (জম্মু অমসুং কাশ্মির, উত্তর প্রদেশ, মধ্য প্রদেশ অমসুং রাজস্থানগী রাজ্যশিং) চাউখ্রবা সমুদ্র নত্ত্রগা তুরেল তোর্বান্দগী লাপ্না লৈবা মফমশিংগী খ্বাইদগী নকপা কন্তেনর তর্মিনেল ওইরগনি। কান্দলাগী ললোন-ইতিক তৌবগী মতিক-ময়াই হেনগৎহনবগী মথক্তা প্রোজেক্ত অসিনা শেন্মীৎলোন শাহৌ পীরগনি অমসুং থবক ফংহল্লগনি।

প্রোজেক্ত অসি বি.ও.তি. বেসিস্তা খনগৎলবা কনসেসনিয়রনা শেমগৎকনি। অদুম ওইনমক দীনদয়াল পোর্ত ওথোরিতীনা কম্মন য়ুজর ফেসিলিতীশিং শেমগৎকনি

অকুপ্পা ৱারোল:

1. ইন্তর্নেস্নেল কম্পিতিতিব বিদ্দিং প্রোসেস অমগী খুত্থাংদা খনগৎকদবা প্রাইবেৎ দিবেলপর/বিল্দ ওপরেৎ এন্দ ত্রান্সফর (বি.ও.তি.) ওপরেতর অমনা বি.ও.তি. বেসিস্তা প্রোজেক্ত অসি দিবেলপ তৌগনি। চহি ১০গী মতমগী ওইনা মরী লৈনবা কার্গোশিংগী হেন্দল তৌনবা কনসেসনিয়র (প্রাইবেৎ দিবেলপর/বি.ও.তি. ওপরেতর) অমসুং কনসেসনিং ওথোরিতী (দীনদয়াল পোর্ত ওথোরিতী)না চত্থবা কনসেসন এগ্রীমেন্তগী মখাদা প্রোজেক্ত অসি দিজাইন, ইঞ্জিনীয়রিং, ফাইনান্সিং, প্রোক্যুর্মেন্ত, ইমপ্লিমেন্তেসন, কম্মসিন, ওপরেসন, মেনেজমেন্ত অমসুং মেন্তেনেন্সকী থৌদাং কনসেসনিয়রনা লৌগনি। কনসেসনিং ওথোরিতীনা কম্মন সপ্পোর্ত ইনফ্রাস্ত্রকচর মমিং ওইনা পল্লবদা কম্মন এক্সেস চেনেল অমসুং কম্মন য়ুজর রোদকী থৌদাং লৌগনি।

2. প্রোজেক্ত অসিদা  লুপা করোর ১,৭১৯.২২গী শেনফম চংনা এলাইদ ফেসিলিতীশিং য়াওবা মতম অমতদা ভেসেল মরি হেন্দল তৌনবা অমসুং চহিদা মিলিয়ন তন ১৮.৩৩গী কেপাসিতী হেন্দল তৌবা ঙম্বা ওফ-শোর বর্থিং স্ত্রকচর অমা শাবা য়াওরি।

3. অহানবদা প্রোজেক্ত অসিনা দেদৱেত তোন্নেজ (দি.দবল্যু.তি.) ১,০০,০০০গী মিতর ১৫গী দ্রাউত ভেসেলশিংদা কান্নবা পীরগনি অমসুং মসিগী মতুং ইন্না দ্রাউত মিতর ১৫ ওইবা কনসেসনিং ওথোরিতীনা চেনেল অসি দ্রেদজ অমসুং মেন্তেন তৌগনি। কনসেসনগী মতমগী মনুংদা কনসেসনিয়রনা বর্থ পোক্কেৎশিং অসি লুহন্দুনা অমসুং পাকথোক্তুনা অমসুং সর্কল তর্নিং তৌদুনা মিতর ১৮গী দ্রাউত ফাওবগী ভেসেলশিং হেন্দল তৌবগী হক লৈ অমসুং মসিগী মতুং ইন্না এক্সেস চেনেলগী দ্রাফ অসি দ্রাফতা হেনগৎহন্নবগীদমক প্রপোজেল পুখৎখিবা মতমদা লেমখিবা অসিগুম্বা কোস্ত সিয়রিং মেকানিজমশিংগা মরী লৈনবা কোস্ত সিয়রিং অমসুং  অতোপ্পা হীরমশিংদা কনসেসনিং ওথোরিতী অমসুং কনসেসনিয়রগী মরক্তা পীনখিবা য়ান্ন-ৱারোলদা য়ুম্ফম ওইরগা হেনগৎহনবা য়াই। কনসেসনিয়রদা ফংহল্লিবা এক্সেস চেনেলগী দ্রাফ অসি হায় তাইকী চাংচৎ ওইনা ৱাংখৎলকপগী মতুং ইন্না মেক্সিমম দ্রাফ ওইনা লৌগনি।

বেকগ্রাউন্দ:

দীনদয়াল পোর্ত অসি ভারতকী মরু ওইবা হীথাংফম তরানিথোইগী মনুংদা আমনি অমসুং মসি গুজরাতকী রাজ্যগী গল্ফ ওফ কচ্ছতা ভারতকী নোংচুপ থংবা তোর্বান্দা লৈ। মসিনা সমুদ্র লৈতবা জম্মু অমসুং কাশ্মির, উত্তর প্রদেশ, মধ্য প্রদেশ অমসুং রাজস্থানগুম্বা লম য়াওনা অৱাং থংবা ভারতকী মপুং ওইনা শেবা তৌরি।

*************