ৱিমেন অমসুং চাইল্দ দিভেলপমেন্ত মন্ত্রালয়না আয়ুশ মন্ত্রালয়গা পুন্না পায়খৎমিন্নবা থবকশিংগী মখাদা চাউরাকপা আঙ্গনৱারী লাখ ৪.৩৭না পোশন বাতিকা শেমগৎখ্রে। মসিগী অহেনবা ওইনা, রাজ্য ৬কী খনগৎলবা জিলাশিংদা মেদিসিনেল সেপ্লিং লাখ ১.১০সু হৌজিক ফাওবগী মনুংদা থাখ্রে।

হৌজিক চত্থরিবা পোশন মাহ ২০২২গী মখাদা লৈবাক শিনবা থুংবগী ওইনা বেকয়ার্দ পোলত্রী/ফিশরী য়ুনিৎ কয়াগা লোয়ননা ন্যুত্রি গার্দেন নত্ত্রগা রেত্রো-ফিত্তিং পোশন বাতিকা শেমগৎপগী থবক কয়া চাউনা পায়খৎলি।

হৌজিক ফাওবগী ওইনা, বেকয়ার্দ পোলত্রী অমসুং ফিশরী য়ুনিৎশিংগা লোয়নবা পোশন বাতিকা রেত্রোফিত্তিং তৌবগী থৌরম চাউরাক্না লাখ ১.৫ পাংথোকখ্রে হায়বগী পাউদম লাক্লি। মসিদা নত্তনা, মিল্লেত অমসুং বেকয়ার্দ গার্দেনশিং হেন্না খুমাং চাউশিলহন্নবগীদমক্তা সেনিতাইজেসন কেম্প লিশিং ৭৫ হেনবসু পাংথোকখ্রে।  য়াম্না নুংঙাইবা থৌওং অমা ওইনা, অনৌবা এ.দবল্যু.সি.দা নত্ত্রগা অকোয়বদা পোশন বাতিকাগী মোদেলশিংগী মতৌ তম্নবগীদমক্তা, ন্যুত্রি গার্দেন/পোশন বাতিকা শেমগৎনবগীমক্তা চাউরাকপা লম লিশিং ৪০ মশক খঙদোকপগী থবক থৌরমশিংসু পোশন মাহগী মখাদা হৌজিক ফাওবদা পাংথোকখ্রে।

ইকায় খুম্ননীংঙাই ওইরবা প্রধান মন্ত্রীনা মার্চ ৮, ২০১৮দা হৌদোকখিবা পোশন অভিয়ান্না অঙাং, ইনখৎলক্লিবা অঙাং, মীরোনবী অমসুং শঙ্গোম পীথক্লিবী মমাশিংগী ন্যুত্রিস্নেল আউতকম হেন্না ফগৎহনবগী পান্দম থম্লি। অভিয়ান অসি মিসন পোশন ২.০গী মরু ওইবা খোঙথাং অমনি অমসুং মসিনা ন্যুত্রিসন কন্তেন্ত অমসুং দেলিভরীগী থৌওংদা স্ত্রেতজিক ওইবা মওংদা অওনবা পুরকপা অমসুং হকশেল ফহনবা, ৱেলনেস অমসুং ইম্যুনিতী লৈহনবগী থবকশিং হেন্না ফগৎহন্নবগীদমক্তা অপুনবা ইকোসীস্তেম অমা শেম্বগী খুত্থাংদা অঙাং, ইনখৎলক্লিবী নুপীমচা, মীরোনবী অমসুং শঙ্গোম পীথক্লিবী মমাশিংনা থেংনরিবা মেলন্যুত্রিসনগী শিংনবশিংগী ৱারোইশিন পুরক্নবা হোৎনরি।

অফবা হকশেলগীদমক্তা তঙাই ফদবা মতিক চাবা চিঞ্জাক ফংহনবগী পান্দম অসিগী মরু ওইবা থৌওং অমদি উহৈ-ৱাহৈ, মনা-মশিং, মেদিসিনেল প্লান্ত অমসুং হর্ব লায়না ফংহন্নবগীদমক্তা পোশন বাতিকা নত্ত্রগা ন্যুত্রি গার্দেনশিং লৈবাক শিনবা থুংবদা পাক চাউনা শেমগৎলিবা অসিনি। ৱাখল্লোন অসি য়াম্না চম্বনি; আঙ্গনৱারী সেন্তর অমদগী হকথেংননা নত্ত্রগা মনাক নকপদা লৈবা ন্যুত্রি গার্দেন্দগী হকথেংননা পুথোকচবা অতেকপা উহৈ-ৱাহৈ, মনা-মশিং অমসুং মেদিসিনেল প্লান্তশিংবু নুপী অমসুং অঙাংশিংদা চাং নাইনা পীবা ঙম্বা হায়বসিনি।

পোশন বাতিকাশিংনা লোকেলগী উহৈ অমসুং মনা-মশিংগী খুত্থাংদা মরু ওইবা মেক্রোন্যুত্রিএন্তশিং পীদুনা তোঙানবা মখলগী চিঞ্জাক ফংহনবগী থৌওংবু হেন্না খুমাং চাউশিলহনবদা মরু ওইবা থৌদাং লৌবা য়াই। পোশন বাতিকাশিং অসি গ্রাউন্দদা পাংথোকপা থবকশিং অমত্তা ওইনা পুন্সিনবগী অফবা খুদম অমনি। লোকেলদা ফংবা মপুং ওইবা পোত্থোকশিং ফংবগী খুদোংচাবদগী হেন্দোক্লগা, মসিনা অতোপ্পা মফমগী পোত্থোক্তা মখা পোনবগী থৌওং হন্থহনগনি অমসুং খুন্নাইশিংবু ন্যুত্রিস্নেল সেক্যুরিতীগী মতাংদা আত্মানির্ভর ওইহনবসু ঙমগনি।

গুজরাত, পোশন মাহ, ২০২২

ছতিসগর, গুজরাত পোশন মাহ, ২০২২

গোৱা, পোশন মাহ, ২০২২

****