“থৌগল অমদি তেংবাং হায়বসি ঐখোয়গী চৎনবীগী শরুক্নি, অমদি মখোয়না ঐখোয়গী লীচৎকী থাদোক্নবা য়াদ্রবা শরুক ওইরি‍। মসিনা অমুকসু মথৌ তারকপা অমদি খুদোংথিবা তারকপা মতমদা মীওইবা খুন্নাইবু তেংবাংবগীদমক খঙনরিবা ইন্দিয়ন রেদ ক্রোস সোসাইতীকী খোল্লাউসু তাক্লিবনি‍‍।” ৱাফম অসি হকশেল অমসুং য়াইফ-য়ুম্বালগী কেন্দ্র মন্ত্রী অমদি আই.আর.সি.এস. চেয়রমেন দোক্তর মনসুখ মন্দাবিয়ানা ঙসি মফমসিদা পাঙথোকপা ইন্দিয়ন রেদ ক্রোস সোসাইতী (আই.আর.সি.এস.)কী স্তেত/য়ু.তি.শিংগী লুচিংবশিংগী মীফম হৌদোকপদা ফোঙদোকখিবনি‍। নুমিৎ নিনি চত্থগদবা চিন্তন সিবিরগী পান্দমদি আই.আর.সি.এস.কী থবক থৌওংশিং ফগৎহন্নবা লম্বী অমদি পাম্বৈশিং খন্নবনি‍। স্তেতশিংগী রেদ ক্রোস চেয়রমেনশিং, ভাইস-চেয়রমেনশিং, সেক্রেতরীশিং অমসুং আই.আর.সি.এস.কী অতৈ মীথুংশিং মীফম অসিদা শরুক য়ারি‍।

আই.আর.সি.এস.পু মখোয়গী শিংথানিংঙাই ওইরবা থবকশিংগীদমক থাগৎলদুনা, দোক্তর মনসুখ মন্দাবিয়ানা “রেদ ক্রোস অসি মীয়ামগী মঙলান অমসুং থাজবগা লোয়ননা শক্তাক্লি‍। মসিনা থাজববু থাক ৱাংনা থাঙ্গৎলি অমদি লেঙদনা লেপ্তুনা লৈবগী থাজবা পীরি,” হায়না ফোঙদোকখি‍। অমরোমদা, আই.আর.সি.এস.না হোংলক্লিবা মতমগী খোঙলৈ মতুং ইনবা ঙমদ্রবদি মসিগী মরুওইবা অমদি শক্তম মাঙখিবসু য়াই‍। “আই.আর.সি.এস.না মশাগী পাঙ্গল অমসুং অশোনবা মফমশিং খঙদোক্তুনা হোংলক্লিবা মতমগী শক্লোনশিংবু কোনশিন্দুনা চৎনবগীদমক মশানা মশাবু কমদৌনা শেমদোক শাদোক্কদগে হায়বসিদা পায়খৎকদবা থবকশিং য়াত্থোকপা মথৌ তাই‍। ফীভম অসি পুরক্নবগীদমক লৈরিবা লূপকী স্ত্রকচরদা হকচিন্না য়েংশিনবা, আই.আর.সি.এসো রিজনেল সেন্তরশিংগী থবক তৌবগী পরমদা মীৎয়েঙ চঙবা, মী হাপ্পদা লৌথুপ লৌকোই লৈহন্দবা, হেন্না ফবা ৱাকৎ তানবগী থৌওং, মীয়ামগী য়াইফ-থৌরাংশিংগীদমক দিজিতেল তেক্নোলোজীবু হেন্না ফবা মওংদা শীজিন্নবনচিংবা ৱাফমশিং মথৌ তাবা য়াই,” হায়না মহাক্না ফোঙদোকখি‍।

হন্দক্কী কোবিদ লাইচৎ মনুংদা উখ্রবা ভারতকী হেল্থকেয়র ফেসিলিতীগী খুমাঙ চাওশিল্লবা ফীভমগী মতাঙদা পল্লদুনা, “ঐখোয়না অতোপ্পা লৈবাকশিংগী হেল্থকেয়র ফেসিলিতীশিংদা পুক্নিং চিংশিন্নরম্মি অদুবু কোবিদনা ঐখোয়গী সিস্তেমগী মপাঙ্গলশিং উৎখি অমদি চাওখৎলবা লৈবাকশিংগী অশোনবশিংসু উত্থোকখি,” হায়না কেন্দ্র মন্ত্রীনা ফোঙদোকখি‍। ভারতনা কোবিদপু মায় পাক্লবা রিজনেল মোদেলনা লাকশিনবতা নত্তনা মালেমগী লৈবাক ময়াম অমদা ভেক্সিন মাইত্রিগী মখাদা হিদাক লাংথক অমসুং ভেক্সিন ফংহন্দুনা তেংবাংখি‍। ঐখোয়গী হিদাক লাংথকশিং ক্বালিতীদা হন্থখিদবা অমদি ফীভম অদুগী খুদোংচাবা লৌদুনা মমল হেন্না য়োনখিদবা অসি থাগৎনিংঙাইনি‍। মসিনা ঐখোয়গী বাসুদেব কুতুম্বকমগী ৱাখল্লোন ঙাক্না চৎপগী মওং উৎখি,” হায়না মহাক্না হায়খি‍।

তোপ তোপ্পা থৌওংশিং পায়খৎনবা অমদি আই.আর.সি.এস.নো কোনশিল্লিবা থবক থৌওংশিং পাকথোক চাউথোকহন্নবা সজেসনশিং শরুক য়ারিবশিংনা পীরক্নবা ৱাফম দোক্তর মন্দাবিয়ানা থমখি‍। শরুক য়াখিবশিংনা খ্বাইদগী ফবা থৌওংশিং অমসুং ইনোভেতিব ওইবা থৌওংশিংগী মরমদা ৱাখল্লোন কয়া অয়েৎ-অপন লৈতনা ফোঙদোক্নখি‍।

****