“সবকা সাথ সবকা বিকাস সবকা বিশ্বাস – প্রধান মন্ত্রীগী ৱারোল (মে ২০১৯ – মে ২০২০)”, প্রধান মন্ত্রী, শ্রী নরেন্দ্র মোদীগী খনগৎলবা ৱারোলশিংগী খোমজিনবা অমা ইনফোর্মেসন অমসুং ব্রোদকাস্তিং মন্ত্রালয়গী পব্লিকেসন দিবিজন্না শীন্দুনা সেপ্তেম্বর ২৩, ২০২২গী অয়ুক্কী পুং ১১ তাবা মতমদা নই দিল্লীগী আকাশবানী ভবনগী রং ভবন ওদিতোরিয়মদা পাংথোকপা থৌরম অমদা ফোঙগদৌরি।

থৌরম অসিদা কেরলাগী রাজ্যপাল, শ্রী আরিফ মোহম্মদ খান্না চীফ গেস্ত অসুং ভারতকী হান্নগী রাস্ত্রপতি, শ্রী ভেঙ্কয়া নাইদুনা গেস্ত ওফ ওনর ওইদুনা শরুক য়াগনি। ইনফোর্মেসন অমসুং ব্রোদকাস্তিং অমসুং য়ুথ এফিয়র্স অমসুং স্পোর্তকী কেন্দ্র মন্ত্রী, শ্রী অনুরাগ থাকুরনা থৌরম অসিগী য়ুম্বু ওইগনি। ইনফোর্মেসন অমসুং ব্রোদকাস্তিং মন্ত্রালয়গী সেক্রেতরী, শ্রী অপুর্ব চন্দ্র অমসুং মন্ত্রালয় অসিগী তোঙানবা মীদিয়া য়ুনিৎশিংগী অতোপ্পা সেনিয়র ওফিসরশিংসু থৌরম অসিদা শরুক য়াগনি।

প্রধান মন্ত্রী, শ্রী নরেন্দ্র মোদীগী খনগৎলবা ৱারোলশিংগী কম্পাইলেসন অসিনা অপুনবনা থাজবা থম্বা অমসুং পান্দম অসিবু ফংনবা লৌবা ৱারেপকী খুত্থাংদা ইনক্লুজিব দিভেলপমেন্ত অমা পুরক্নবগীদমক্তা ‘জন ভাগিদারী – পুম্নমক্কা লোয়ননা চৎমিন্নবা’ হায়বসিগী খুত্থাংদা অনৌবা ভারত অমা শেম্বদা ভারত মচা করোর ১৩০দা থাজবা পীবগী মৈরা অমা ওইগনি।

মসিনা প্রধান মন্ত্রীনা মে ২০১৯দগী মে ২০২০ ফাওবদা তোঙানবা হীরম কয়াদা থমখিবা ৱারোল ৮৬তা মিৎয়েং চঙলি। থীমেতিক এরিয়া ১০দা খায়দোক্তুনা, ৱারোলশিং অসিনা পি.এম.না অনৌবা ভারতকী পান্দম থম্লিবসিগী মমি তাই। মসিগী নীংথিনা খাইদোক্লবা সেক্সনশিং অদুদি – আত্মানির্ভর ভারতঃ শেন্মিৎলোন, মীয়াম্বু হান্না থম্বা লৈঙাকপা, কোবিদ-১৯গী মাইয়োক্তা লান্থেংনবা, নৌনা থোক্লক্লিবা ভারতঃ ফোরেন এফিয়র্স, জয় কিসান, তেক ইন্দিয়া – ন্যু ইন্দিয়া, গ্রীন ইন্দিয়া – রেজিলিএন্ত ইন্দিয়া-ক্লীন ইন্দিয়া, ফিত ইন্দিয়া-ইফিসিএন্ত ইন্দিয়া, ইতর্নেল ইন্দিয়া-মোদর্ন ইন্দিয়াঃ কলচরেল হেরিতেজ, অমসুং মন কী বাতনি।

লাইরিক অসিনা মরোমদোম লেপচবা, নীংহন্নবা নাইদবা অমসুং শিংনবশিংবু খুদোংচাবদা ওন্থোকপা ঙম্বা ভারত অমগী প্রধান মন্ত্রীগী মঙলান তাক্লি। প্রধান মন্ত্রীনা লীদর্শিপ, ভিজনরী থিঙ্কিং, অমসুং ফোর্সাইতকা মহাক্কী নীংথিরবা ৱা ঙাঙবগী মগুনগী খুত্থাংদা লৈবাক মীয়ামগা মরী লৈনবা ঙম্বগী মতৌশিং পুন্সিল্লি। হায়রিবা ৱাফম অসিমক লাইরিক অসিদা “ঐখোয়না ‘সবকা সাথ, সবকা বিকাস’কী মন্ত্রগা লোয়ননা হৌখিবনি; অদুবু চহি ৫ খোঙফম চেত্তুনা, মীয়াম্না মসিদা য়াম্না ফজবা ৱাহৈ , ‘সবকা বিশ্বাস’ অমুক হাপচিল্লে” হায়না পল্লিবা ৱাহৈশিংনা মমি তাহল্লি।

হিন্দি অমসুং ইংলিশ অনিমক্তা ফোঙগদৌরিবা লাইরিক অসি লৈবাক শিনবা থুংবগী পব্লিকেসন দিবিজনগী সেল্স আউতলেৎ অমসুং নই দিল্লীগী সি.জি.ও. কমপ্লেক্সতা লৈবা সুচনা ভবনগী বুক গেল্লরীদা ফংগনি। লাইরিক অসি পব্লিকেসন দিবিজনগী ৱেবসাইতকা লোয়ননা ভারতকোশ প্লেতফোর্মদা ওনলাইন্দগী লৈবসু য়াগনি। এমাজোন অমসুং গুগল প্লেদা মসিগী ই-বুকসু ফংগনি।

পব্লিকেসন দিবিজনগী মতাংদা ৱাফম খরা:

দাইরেক্তোরেত ওফ পব্লিকেসন দিবিজন অসি লৈবাক্কী মরু ওইবশিং অমসুং ভারতকী ইনাক খুল্লবা কলচরেল হেরিতেজ তাকপা লাইরিক অমসুং জর্নেল কয়াগী রিপোজিতরী অমনি। ইং ১৯৪১দা হৌদোকখিবা, পব্লিকেসন দিবিজন অসি ভারত সরকারগী খ্বাইদগী লেমজনীংঙাই ওইবা পব্লিশিং হাউস অমনি অমসুং মখোয়না তোঙানবা লোল কয়াদা লাইরিক অমসুং জর্নেল কয়া চাউখৎ-খোঙথাং, ভারতকী পুৱারী, কলচর, লিতরেচর, বাইওগ্রাফী, সাইন্স, তেক্নোলোজী, ইনভাইরনমেন্ত অমসুং ইমপ্লোয়মেন্তনচিংবা তোঙানবা হীরমশিংদা ফোঙলি। দিবিজন অসিবু মখোয়বু পারিবা অমসুং ফোঙলিবশিংনা য়াম্না থাজবা থম্মি অমসুং মখোয়গী কন্তেন্তকী ওথেন্তিক ওইবগীদমক্তা নীংথিনা শকখঙই।

দিবিজন অসিগী ফ্লেগশিপ পব্লিকেসনশিংগী মনুংদা য়োজনা কুরুক্ষেত্রা অমসুং আজকালগুম্বা থাগী জর্নেলগা লোয়ননা ‘ইমপ্লোয়মেন্ত ন্যুজ’ অমসুং ‘রোজগার সমাচার’ গুম্বা চয়োলগী চেফোঙশিং য়াওরি। মসিগীসু মথক্তা, পব্লিকেসন দিবিজন্না সরকারগী ইকায় খুম্ননীংঙাই ওইরবা রিফরেন্স এনুএল ‘ইন্দিয়া য়র বুক’ অসিসু ফোঙই।

***