দীলরশিংগী খুত্থাঙদা রেজিস্তর্দ তৌরবা ভারীশিং য়োনবা অমদি লৈবদা ইজ ওফ দুইং বিজিনেস অমসুং মনুং মপান ফাওনা উবা ফীভম য়োকখৎনবা দ্রাফ্ত নোতিফিকেসন জি.এস.আর. ৬৯৩(ই) অমা রোদ ত্রান্সপোর্ত এন্দ হায়ৱেজ মন্ত্রালয় (এম.ও.আর.তি.ঐচ.)না সেপ্তেম্বর ১২, ২০২২দা থোকখ্রে‍।

ভারত্তা শীজিন্নরবা গারীগী কৈথেল তপ্না তপ্না চাউখৎলক্লি‍। হৌখিবা চহি খরসিদা, শীজিন্নরবা গারী য়োনবা অমদি লৈবগী থৌওংদা শীজিন্নবা ওনলাইন মার্কেৎপ্লেস থোরকপদগী কৈথেল অসিদা অহেনবা ইনোৎ হাপকৎলক্লি‍।

হৌজিক্কী ইকোসিস্তেম অসিদা, ত্রান্সফরী মথং মথংদা গারী ত্রান্সফর তৌবদা, থর্দ পার্তী দেমেজ লাইএবিলিতিজকা মরী লৈনবা য়েৎনবা ৱাফম, দিফোল্তর খঙদোকপদা খুদোংচাদবনচিংবা ইসু কয়া থেংনরি‍।

শীজিন্নরবা গারীগী কৈথেলদা মপুং ফাবা রিগুলেতরী ইকোসিস্তেম অমা শেমগৎনবগীদমক এম.ও.আর.তি.ঐচ.না সেন্ত্রেল মোতোর ভেহিকল রুল্স, ১৯৮৯গী চেপ্তর ৩দা শেমদোক শেমজিন তৌনবা ৱাফম হৌদোরক্লি‍।

শেমদোক্নবা হৌদোক্লিবা চৎন-কাঙলোনশিংগী মরুওইবা ৱাফমশিংদি মখাদা পীরি:

১.      দীলরগী অশেংবা খঙনবা রেজিস্তর তৌরবা গারীশিংগী দীলরগী ওথোরাইজেসন সর্তিফিকেৎ অমা পুথোক্লে‍।

২.      মখা তানা, রেজিস্তর তৌরিবা মপু অমসুং দীলরগী মরক্তা গারী দেলিভরীগী পাউ পীবগী থৌওং হেন্না মচা খায়হল্লে‍।

৩.      রেজস্তর তৌরবা গারীশিং পায়রিবা দীলরগী মঙম অমসুং থৌদাংশিং মচা খায়না পীরে‍।

৪.      দীলরশিংদা মখোয়দা লৈবা গারীশিংগী রেজিস্ত্রেসন সর্তিফিকেৎ রিনিউ তৌনবা/ ফিৎনেস সর্তিফিকেৎ রিনিউ তৌনবা, দুপ্লিকেৎ রেজিস্ত্রেসন সর্তিফিকেৎ, এন.ও.সি. মপু ত্রান্সফর তৌনবগীদমক চে থানবা মঙম পীরে‍।

৫.      রিগুলেতরী থৌরাং অমা ওইনা, ত্রিপ পর্পজ, দ্রাইভর, মতম, মাইলেজনচিংবা শীজিন্নখ্রবা ত্রিপকী অকুপ্পা মরোলশিং য়াওরিবা ইলেক্ত্রোনিক ভেহিকল ত্রিপ রেজিস্তর শোয়দনা য়াওহনগদবনি‍।

পীরিবা চৎন-পথাপশিং অসি রেজিস্তর তৌরবা গারীশিংগী ইন্তরমেদিয়রিশিং/ দীলরশিং মশক খঙদোকপদা অমদি মপাঙ্গল কলহনবদা মতেং পাংবগা লোয়ননা অসিগুম্বা গারীশিং য়োনবা অমদি লৈবদা থেংনবা অরানবা থৌওংশিংদগী ঙাকথোক্নবা ৱাফম মরাং কায়না য়াওরি‍।

স্তেকহোল্দর পুম্নমক্তগী নুমিৎ কুন্থ্রানিগী মনুংদা কম্মেন্ত অমসুং সজেসন তৌরি‍।

গেজেত নোতিফিকেসনগীদমক মসিদা নম্বিয়ু

*********