ভারতনা চহি ১৭ মখাগী নুপীমচাগী ফিফা(ফেদেরেসন ইন্তরনেসনেল দে ফুতবোল এসোসিএসন)ৱার্ল্দ কপ ২০২২ য়ুম্বু ওইনবা গরেন্তিশিং খুৎয়েক পীবা প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে।

ফিফা অন্দর-১৭ ৱুমেন্স ৱার্ল্দ কপ ২০২২ অসি ওক্তোবর ১১-৩০, ২০২২ ফাওবা ভারত্তা পাংথোক্কদবনি। চহি অনি খুদিংগী পাংথোকপা ৭শুবা নহারোলগী তুর্নামেন্ত অসি ভারতনা অহানবা ওইনা য়ুম্বু ওইবা ফিফাগী নুপীগী কম্পিতিসন ওইরগনি। ফিফা অন্দর-১৭ মেন্স ৱার্ল্দ কপ ২০১৭ মাইপাক্না পাংথোকখিবগী মখা তারকপা ওইনা লৈবাক অসিনা নুপী ফুতবোলগী খ্বাইদগী ফরবা তাঞ্জা অমগী থৌরাং তৌরি অমসুং লেমজনিঙাই ওইরবা ত্রোফি লৌনবগীদমক মালেমগী লৈবাক কয়াগী নহা ওইরিবী ফুতবোল শান্নরোয় কয়ানা মখোয়গী হৈথোই-শিংথোইবা উৎকনি।

কাইথোক্কদবা শেনফম :

লম্পাক শেমজিন্নবা, স্তদিয়ম মৈ থান্নবা, মৈ পীনবা অমসুং কেবল তিংনবা, স্তদিয়ম অমসুং ত্রেনিং তৌফম ব্রান্দ শেমগৎনবা ওল ইন্দিয়া ফুতবোল ফেদেরেসন(এ আই এফ এফ)তা পীগদবা লুপা কোতি ১০গী মতেং অদু নেসনেল স্পোর্তস ফেদেরেসন(এন এস এফ)শিংদা মতেং পীবা স্কিমগী বজেতকী শেনফমদগী শীজিন্নগনি।

স্কিমগী পান্দমশিং:

• ফিফা অন্দর-১৭ ৱুমেন্স ৱার্ল্দ কপ ২০২২না লৈবাক অসিদা নুপী ফুতবোল চাউখৎহনবা ঙমগনি
• ফিফা অন্দর-১৭ মেন্স ৱার্ল্দ কপ ২০১৭ মাইপাক্না পাংথোকখিবগী মখা তারকপা ওইনা লৈবাক অসিনা নুপী ফুতবোলগী খ্বাইফগী ফরবা তাঞ্জা অমগী থৌরাং তৌরি অমসুং লেমজনিঙাই ওইরবা ত্রোফি লৌনবগীদমক মালেমগী লৈবাক কয়াগী নহা ওইরিবী ফুতবোল শান্নরোয় কয়ানা মখোয়গী হৈথোই-শিংথোইবা উৎকনি। অফবা তুংলমচৎ অমা লৈহৌনবগীদমক মখাগী পান্দমশিং অসি থম্লে:

• ফুতবোলগী লুচিংবা অমসুং ৱারেপ লৌনবা লুপশিংদা নুপী শরুক য়াবা হেনগৎহনবা
• ভারত্তা নুপীমচাশিং হেন্না ফুতবোল শান্নবা পুক্নিং থৌগৎপা
• চহি নৌরিঙৈদগী হৌনা নুপা-নুপী অনিমক শান্নবা য়াবা মশান্নগী ৱাখল্লোন্দা নুপীমচাশিং শরুক য়াহন্নবা হোৎনবা
• ভারত্তা নুপীগী ফুতবোলগী থাক হেনগৎহন্নবা খুদোংচাবা পীবা
• নুপীশিংগী গেমদা শেন তান্নবগী থাক হেনগৎহনবা

অচুম্বা ৱাফমশিং:

ফিফা অন্দর-১৭ ৱুমেন্স ৱার্ল্দ কপ অসি লেমজনিঙাই ওইরবা থৌরম অমনি অমসুং মসি অহানবা ওইনা ভারত্তা পাংথোক্কনি। মসিনা নহারোল কয়া শান্নবদা শরুক য়ানবা পুক্নিং থৌগৎকনি অমসুং ভারত্তা ফুতবোল চাউখৎহনবদা মতেং পাংগনি। থৌরম অসিনা ভারতকী নুপীমচাশিংগী মরক্তা ফুতবোল শান্ননিংবগী অপাম্বা পোকহনবা খক নত্তনা, তুংকোইনা অফবা তুংলমচৎ অমা লৈহন্দুনা লৈবাক অসিদা নুপীমচাশিং অমসুং নুপীশিং ফুতবোল অমসুং শান্ন-খোৎনবা পামহনগনি।  

নুঙগীৱারোল:

ফিফা অন্দর-১৭ ৱুমেন্স ৱার্ল্দ কপ অসি ফিফানা শীনবা চহি ১৭ মখা নত্ত্রগা চহি ১৭ ফাওবগী নুপী শান্নরোয়শিংগী ৱার্ল্দ চেম্পিয়নশিপনি। থৌরম অসি ২০০৮তা হৌখি অমসুং মসি মহৌশানা তুমা শুবা মশিং তাবা চহিশিংদা পাংথোকই। থৌরম অসিগী ৬শুবা ইদিসন নবেম্বর ১৩দগী দিশেম্বর  ১, ২০১৮দা উরুগুয়েদা পাংথোকখ্রে। হৌজিক স্পেন্না ফিফা অন্দর-১৭ ৱুমেন্স ৱার্ল্দ কপকী চেম্পিয়ন ওইরি। ফিফা অন্দর-১৭ ৱুমেন্স ৱার্ল্দ কপ ২০২২ অসি তুর্নামেন্ত অসিগী ৭শুবা ইদিসন্নি অমসুং মসিদা ভারত য়াওনা তিম ১৬ শরুক য়াগনি। এ.আই.এফ.এফনা মফম অহুমদা মেতচশিং পাংথোক্কনি, মফম অহুম অদুদি ভুবনেশ্বর, নবি মুম্বাই অমসুং গৱানি।  ভারতনা য়ুম্বু ওইদুনা ওক্তোবতর ৬-ওক্তোবর ২৮, ২০১৭দা লৈবাক অসিগী মফম ৬ হায়বদি নিউ দিল্লি, গুৱাহাতি, মুম্বাই, গৱা, কোচি অমসুং কোলকাতাদা মাইপাক্না ফিফা অন্দর-১৭ মেন্স ৱার্ল্দ কপ ২০১৭ পাংথোকখ্রে।

*****