প্রধান মন্ত্রী শ্রী নরেন্দ্র মোদীনা সেপ্তেম্বর ১০গী অয়ুক পুং ১০:৩০ তাবা মতমদা সেন্তর-স্তেত সাইন্স কনক্লেব ভিদিও কন্ফরেন্সিংগী খুত্থাঙদা হৌদোক্কদৌরি‍। প্রধান মন্ত্রীনা থৌরম অদুদা তিল্লিবা মীয়ামগী মফমদসু ৱা ঙাঙগনি‍।

লৈবাকসিদা ইনোভেসন অমসুং ওন্ত্রপ্রিন্যুরসিপ য়োকখৎনবগী প্রধান মন্ত্রীনা চোকথবা নাইদনা হোৎনরিবা অসিগী পরিংদা, অসিগুম্বা মখলগী অহানবা ওইগদৌরিবা কনক্লেব অসিনা কোওপরেতিব ফেদরেলিজমগী ৱাখল্লোন্দা লৈবাকসিদা অচৌবা সাইন্স, তেক্নোলোজী অমসুং ইনোভেসন (এস.তি.আই.)গী ইকোসিস্তেম অমা শেমগৎনবগীদমক কেন্দ্রগী স্তেতশিংগী খুৎশম্ননা চৎমিন্নবগী অমদি তেংবাংনবগী মেকানিজমবু মপাঙ্গল কনখৎহল্লগনি‍।

নুমিৎ নিনি চত্থগদবা কনক্লেব অসি সেপ্তেম্বর ১০-১১, ২০২২দা অহমদবাদকী সাইন্স সিতীদা পাঙথোক্কদবনি‍। মসিদা এস.তি.আই. ভিজন ২০৪৭; ফ্যুচর গ্রোথ পাথৱেজ এন্দ ভিজন ফোর এস.তি.আই. ইন স্তেত্স; হেল্থ – দিজিতেল হেল্থ কেয়র ফোর ওল; ২০৩০ ফাওবদা আর. এন্দ দি. সেক্তরদা প্রাইভেত সেক্তরগী ইনভেস্তমেন্ত শরুক অনি হেনগৎহনবা; লৌউ শিংউগী লমদা – লৌমীশিংগী শেন্থোক হেনগৎহন্নবা তেক্নোলোজীগী ইন্তরভেন্সন; ঈশিংগী লমদা – থক্নবা ঈশিং পুথোক্নবা ইনোভেসন; ইনর্জীগী লমদা – হায়দ্রোজেন মিসন্দা এস. অমসুং তি.গী শক্লোন য়াওনা ক্লীন ইনর্জী ফোর ওল; দীপ ওসীন মিসন অমসুং সমুদ্র খোঙবালগী স্তেত/য়ু.তি.শিংদা মসিগী মরু ওইবা লোয়ননা লৈবাকসিগী তুংগী শেন্মিৎলোন য়াওনা তোঙান তোঙানবা হীরমশিংদা পাঙথোকপা সেসনশিং লৈগনি‍।

অসিগুম্বা মখলগী অহানবা ওইগদৌরিবা কনক্লেব অসিদা গুজরাৎ সি.এম., য়ুনিয়ন এম.ও.এস. সাইন্স এন্দ তেক্নোলোজী (এস. এন্দ তি.), স্তেত অমসুং য়ুনিয়ন তেরিতরীশিংদগী সাইন্স অমসুং তেক্নোলোজীগী মন্ত্রীশিং অমসুং সেক্রেতরীশিং, ইন্দস্ত্রী লুচিংবা, ওন্ত্রপ্রিন্যুরশিং, এন.জি.ও.শিং, নহা ওইরিবা সাইন্তিস্তশিং অমসুং মহৈরোয়শিংনা শরুক য়াগদৌরি‍।

***