وزیراعظم کا دفتر
وزیر اعظم 10 ستمبر کو مرکز- ریاست سائنس اجلاس کا افتتاح کریں گے
تعاون پر مبنی وفاقیت کے جذبے کے تحت، اس اجلاس میں ملک بھر کے سائنس اور ٹکنالوجی کے وزرا اور سکریٹری صاحبان شرکت کریں گے
اپنی قسم کے اس اولین اجلاس کا مقصد سائنس اور ٹکنالوجی نیز جدت طرازی کا ایک مضبوط ایکو نظام وضع کرنا ہے
Posted On:
09 SEP 2022 12:25PM by PIB Delhi
وزیر اعظم جناب نریندر مودی 10 ستمبر کو صبح دس بج کر تیس منٹ پر ویڈیو کانفرنسنگ کے ذریعہ مرکز- ریاست سائنس اجلاس کا افتتاح کریں گے۔ وزیر اعظم اس موقع پر حاضرین سے خطاب بھی کریں گے۔
وزیر اعظم کی جانب سے ملک میں اختراع، جدت طرازی اور صنعت کاری میں سہولتیں فراہم کرنے کی غرض سے کی جانے والی انتھک کوششوں کے عین مطابق، اپنی نوعیت کے اس اولین اجلاس کی بدولت، تعاون پر مبنی وفاقیت کے جذبے کے تحت، مرکز- ریاست تال میل اور اشتراک مستحکم بنے گا، جس سے کہ ملک بھر میں سائنس اور ٹکنالوجی نیز اختراع (ایس ٹی آئی) کا ایک مضبوط ایکو نظام وضع کیا جاسکے گا۔
یہ دو روزہ اجلاس، دس اور گیارہ ستمبر 2022 کو احمد آباد کے سائنس سٹی میں منعقد کیا جائے گا۔ اس اجلاس میں مختلف موضوعاتی شعبوں کے بارے میں نشستیں بھی منعقد ہوگی۔ ان موضوعاتی شعبوں میں سائنس اور ٹکنالوجی نیز جدت طرازی ایس ٹی آئی وژن 2047 ،ریاستوں میں ایس ٹی آئی کیلئے مستقبل میں ترقی کی راہیں اور وژن، صحت- سبھی کے لئے ڈیجیٹل حفظان صحت، سال 2030 تک تحقیق وترقی کے شعبے میں نجی شعبے کی سرمایہ کاری کو دوگنا کرنا ، زراعت- کسانوں کی آمدنی کو بہتر بنانے کے لئے ٹکنالوجی سے متعلق اقدامات، پانی- پینے کے قابل پانی تیار کرنے کی غرض سے اختراعات، توانائی- ہائیڈروجن مشن میں ایس اینڈ ٹی کے کردار سمیت سبھی کے لئے آلودگی سے پاک صاف ستھری توانائی، گہرے سمندر سے متعلق مشن اور ملک کے مستقبل کی معیشت کے ساتھ ساتھ ساحلی ریاستوں اور مرکز کے زیر انتظام علاقوں کے لئے اس کی افادیت۔
اپنی نوعیت کے اس اولین اجلاس میں گجرات کے وزیر اعلیٰ، سائنس اور ٹکنالوجی (ایس اینڈ ٹی) کے مرکزی وزیر مملکت، ریاستوں او رمرکز کے زیر انتظام علاقوں کے سائنس اور ٹکنالوجی کے وزرا اور سکریٹری صاحبان، صنعت کے ممتاز سرکردہ افراد، صنعت کار، غیر سرکاری تنظیمیں این جی اوز، نوجوان سائنس داں اور طلبا شرکت کریں گے۔
**********
)ش ح ۔ ع م۔ ع ر)
U-10080
(Release ID: 1858005)
Visitor Counter : 135
Read this release in:
Marathi
,
Assamese
,
English
,
Hindi
,
Bengali
,
Manipuri
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam