ইকাই খুম্নরবা প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলনা এজুকেসনগী লমদা তেংবাং পীনবগী মতাংদা ভারত সরকারগী এজুকেসন মন্ত্রালয় অমসুং য়ুনাইতেদ অরব এমিরেতস সরকারগী এজুকেসন মন্ত্রালয়গী মরক্তা মেমোরেন্দম ওফ অন্দর্স্তেন্দিং খুৎয়েক পীনবদা অয়াবা পীখ্রে। এম.ও.য়ু. অসিগী পান্দমদি ভারত অমসুং য়ু.এ.ই.গী মরক্তা হৌজিক চত্থরিবা এজুকেস্নেল কোল্লাবোরেসন অসি হেন্না মপাঙ্গল কনখৎহনবনি অমসুং ঐখোয়গী থবক-থৌরমশিংগী হীরম হেন্না পাকথোক-চাউথোকহনবনি।

য়ু.এ.ই.গা লোয়ননা এজুকেসনগী লমদা ২০১৫দা এম.ও.য়ু. অমা খুৎয়েক পীনখি হায়রিবা অসি ২০১৮দা মতম লোইখি। ২০১৯দা লৈবাক অনিগী এজুকেসন মন্ত্রীশিংগী মরক্তা পাঙথোকপা মীফম অমদা য়ু.এ.ই.না অনৌবা এম.ও.য়ু. অমা খুৎয়েক পীননবগী অপাম্বা পুখৎখি। অনৌবা এন,ও.য়ু. অসিদা ভারতকী এজুকেসন ইকোসিস্তেমদা নেস্নেল এজুকেসন পোলিসী ২০২০না পুরকপা অহোংবশিং অদু ইনকোর্পোরেৎ তৌরি।

এম.ও.য়ু. অসিনা একচেঞ্জ ওফ ইনফোর্মেসন এজুকেসনম প্রমোৎ তৌনবা, তেক্নিকেল এন্দ ভোকেস্নেল এজুকেসন এন্দ ত্রেনিং (তি.ভি.ই.তি.)গী কেপাসিতী দিবেলপমেন্ত তৌনবা, ত্বিনিং, জোইন্ত দিগ্রী অমসুং দুএল দিগ্রী প্রোগ্রামশিং ওফর তৌনবা অমসুং অসিগুম্বা য়ান্নখিবা অতোপ্পা লমশিংদা লৈবাক অনিদা লৈরিবা হায়র এজুকেসন ইন্সতিত্যুসনশিংগী মরক্তা একাদেমিক কোল্লাবোরেসন তৌহন্নবা পান্দম থম্মি।

এম.ও.য়ু. অসিনা ক্বালিফিকেসনশিং অসিদা নাকল অনিমক্না শকখঙনবা ই-পাউ পীথোক-পীশিন তৌনবদা খুদোংচাহনবগী মথক্তা ভারত অমসুং য়ু.এ.ই.গী মরক্তা এজুকেস্নেল কোওপরেসন নৌহৌনা ইনোৎ হাপকনি অমসুং একাদেমিক মোবিলিতী হেনগৎহনগনি। মসিনা তি.ভি.ই.তি.দা কোওপরেসন পীনবসু কবর তৌগনি মরমদি য়ু.এ.ই. অসি ভারত মচাশিংগী ওইনা মরু ওইবা থবক তৌফম ওইরিবা লমথুংফম অমনি।

এম.ও.য়ু. অসি খুৎয়েক পীনখিবগী তাংদগী চহি মঙাগী মতম ফাওবা চৎনগনি অমসুং মসি নাকল অনিগী অয়াবা য়াওরগা ওতোমেতিক ওইনা রিন্যু তৌগনি। হেক খুৎয়েক পীনখিবগা এম.ও.য়ু. অসিনা ২০১৫দা য়ু.এ.ই.গা লোয়ননা মমাংদা খুৎয়েক পীনখিবা এম.ও.য়ু. অদু সুপর্সিদ তৌগনি, মসিগী মতুংদা হায়রিবা অসি চৎনবা লেপকনি।

******