কমর্স অমসুং ইন্দস্ত্রী মন্ত্রালয়
য়ু.এস.তা লৈরিবা ভারত মচাশিং ‘বসুদৈব কুতুম্বকম’ ৱাখল্লোনগী অশেংবা এম্বেসেদরশিংনিং – শ্রী গোয়ল
‘ইন্দিয়া-য়ু.এস. স্তার্তঅপ সেতু’না ভারত অমসুং অমেরিকাগী কম্পেনীশিংগী মরক্তা থোং ওইদুনা অওনবা পুরকপদা অমদি হৈ-শিংবা হেনগৎহনবদা ঙাক্লৌ পীগনি – শ্রী গোয়ল
ঐখোয়গী ফ্রী ত্রেদ এগ্রীমেন্ত অসি ভারতকী লৈবাক্কী ইন্তরেস্তা পায়খৎপনি – শ্রী গোয়ল
শ্রী গোয়লনা ভারত মচাশিংদা ও.দি.ও.পি. পোত্থোকশিংবু কুমহৈ ফিয়োংদা অমদি খুদোলপোৎ ওইনা পীবদা শীজিন্ননবা ৱাফম থমখ্রে
শ্রী গোয়লনা সান ফ্রান্সিকোদা পাঙথোকপা কম্ম্যুনিতীরিসেপ্সন্দা ৱা ঙাঙখি
Posted On:
07 SEP 2022 10:25AM by PIB Imphal
কম্মর্স এন্দ ইন্দস্ত্রী, কঞ্জ্যুমর এফ্যার্স, ফুদ এন্দ পব্লিক দিস্ত্রিব্যুসন অমসুং তেক্সতাইল্সকী কেন্দ্র মন্ত্রী, শ্রী পিয়ুস গোয়লনা য়ু.এস.তা লৈরিবা ভারত মচাশিং অসি ‘বসুদৈব কুতুম্বকম’ (মালেম অসি ইমুং অমত্তনি) ৱাখল্লোনগী অশেংবা এম্বেসেদরশিংনি হায়না ফোঙদোকখ্রে। মহাক্না মফমদুগী ভারত মচাশিংবু য়ু.এস.তা অঙকপা ফংনা ভেল্যু শেমগৎপা অমসুং খোঙবু ওইবা, অনৌবা তেক্নোলোজী অমসুং অনৌবা ৱাখল্লোনশিংগী খুত্থাঙদা থৌদাং লৌদুনা অমদি মতেং পাংদুনা ভারত্তা অমুক য়ৌহল্লকপগীদমক্তা মহাক্না থাগৎখি। ৱাফম অসি মহাক্না সান ফ্রান্সিস্কোদা পাঙথোকপা কম্ম্যুনিতী রিসেপ্সনগী থৌরম অমদা ফোঙদোকখিবনি।
মন্ত্রী মশামক্না সান ফ্রান্সিস্কোদা হৌদোকখিবা ‘ইন্দিয়া-য়ু.এস. স্তার্তঅপ সেতু (সপ্পোর্তিং ওন্ত্রপ্রিন্যুর্স ফোর ত্রান্সফোর্মেসন এন্দ অপস্কিল্লিং) থৌরাংগী মরমদা ৱা ঙাঙলদুনা, মসিনা ভারত অমসুং অমেরিকাগী কম্পেনীশিংগী মরক্তা থোং ওইদুনা য়ু.এস.তা লৈরিবা ভারত মচাশিংগী মায় পাকপবু শীজিন্নদুনা ওন্ত্রপ্রিন্যুরশিংদা অওনবা পুরক্নবা অমসুং হৈ-শিংবা হেনগৎহন্নবা তেংবাং পীগনি, হায়না শ্রী গোয়লনা হায়খি।। স্তার্তঅপশিংগী ফজবা ৱাখল্লোন খরদি তাকপি তম্বিবা, লমজিংবিবা, ফন্দ ৱাৎপনা থবক ওইনা পায়খৎপা ঙমদে। শরুক য়ারিবশিংগী মফমদা থৌরাং অসিদা শরুক য়াননবা ৱাফম থম্লদুনা, থৌরাং অসি য়ু.এস.তা লৈরিবা ভারত মচাশিংনা ভারত্তা ঙাক্লৌ অমসুং মতিং লৈবা মীওইশিং পীদুনা লমন শিংনবগী তাঞ্জা অমনি হায়না শ্রী গোয়লনা হায়খি।
প্রধান মন্ত্রী মোদীগী লমজিং মখাদা লৈবাক অসিনা মরোমদোম লেপচবা ঙম্নবা হোৎনবা য়াবা হোৎনরি হায়না শ্রী গোয়লনা ফোঙদোকখি। লৈঙাক অসিনা মপান্দা পোৎ থাদোকপদা ইনোৎ হাপ্লি, লৈঙাক মনুংদা হেন্না ফনা থবক তৌননবা মীৎয়েঙ চঙলি, ভারত্তা শেল থাদবা পুক্নিং থৌগৎনবা থৌরাং কয়ামরুম লৌখৎলি, অমদি লৈঙাক অসিনা পোৎ পুথোক পুশিনগী অনৌবা পাম্বৈশিং পুথোকপদা অমদি পেত্রোলদা ইথানোল য়ানশিন্নবগী থৌওংশিং পুক্নিং থৌগৎলি। সেমিকন্দক্তর পোলিসী, অচৌবা ফেক্তরীশিংবু মালেমগী থাক্তা থবক পায়খৎপা ঙমহন্নবগীদমক সেক্তর ১৩গী অচৌবা ফেক্তরীশিংগী প্রদক্নসন লিঙ্ক ইন্সেন্তিব স্কিমকী মতাঙদসু মহাক্না ৱাফম কয়া ফোঙদোকখি।
ভারত্তা শেল থাদনিংবা কম্পেনীশিংদা ভারতনা মতেং পীরি হায়না শ্রী গোয়লনা হায়খি। ভারত্তা চাউরবা কৈথেলগী মতিং অমা লৈবনা মফম অসিবু শেল থাদবশিংগী পুক্নিং চিংশিন্নিংঙাই ওইহল্লি হায়বা ৱাফমশিংগা লোয়ননা মফমসিদা শেন্মিৎলোন চাউখৎহনবগী অমদি হৈথোই শিংথোইরবা মীওই কয়া মরাং কায়না লৈ হায়না মহাক্না মখা তাখি।
মালেমগী ওইনা ভারতকা খুৎশম্ননা থবক তৌনিংবা কয়া লৈরে হায়বা ৱাফম থম্লদুনা, ঐখোয়গী মীৎয়েঙদি চাওখৎলবা মালেমগী শরুকশিংগা হেন্না ফবা লল্লোন ইতিক্কী ফীভম থম্বনি হায়না শ্রী গোয়লনা ফোঙদোকখি। ঐখোয়গী ফ্রী ত্রেদ এগ্রীমেন্ত অসি ভারতকী লৈবাক্কী ইন্তরেস্তা য়ুম্ফম ওইবনি হায়না মহাক্না ফোঙদোক্লদুনা এফ.তি.এ.গী মতাঙদা তোঙান তোঙানবা লৈবাকশিংগী ৱারী ৱাতায় শানবগী থবক চঙশিল্লি হায়না মখা তাখি।
মফমদুদা লৈরিবা ভারত মচাশিংনা ও.দি.ও.পি. (ৱন দিস্ত্রিক্ত ৱন প্রদক্ত) পোত্থোকশিংবু কুমহৈ ফিয়োং অমসুং অতৈ থৌরমশিংদা খুদোল ওইনা পীননবগীদমক্তা শীজিন্ননবা ৱাফম থম্লদুনা, অসুম্না তৌবা অসিনা ভারতকী ফিশাবী অমসুং খুৎহৈবা মিলিয়ন কয়াগী হিংননবগী লম্বী ওইগদৌরিবনি হায়না শ্রী গোয়লনা ফোঙদোকখি।
ভারত্তা হেন্না ফবা মায়কৈদা অহোংবা লাক্লি, ফীভম অসি হেন্না ঙসিদি হেন্না থাজনিংঙাই ওইরে, হেন্না ইরোমদোম লেপচবা ঙম্লে অমদি মসিদগী অহেনবা থাক তান্নবা হোৎনবা লেপত্রি হায়না শ্রী গোয়লনা হায়খি। লাক্কদৌরিবা চহি ২৫সিদা চাওখৎলবা লৈবাক অমা ওইননবা ভারতনা থাংজিল্লিবা খোঙথাং অসিদা মপান লৈবাকশিংদা লৈরিবা ভারত মচাশিংদগী তেংবাং অমসুং ঙাক্লৌ মহাক্না নিখি।
*****
(Release ID: 1857360)
Visitor Counter : 101