কমর্স অমসুং ইন্দস্ত্রী মন্ত্রালয়
শ্রী গোয়ালনা মালেম পুম্বদা লৈরিবা চারতর্দ একাউন্তেন্তশিংবু ব্রান্দ ইন্দিয়াগী এম্বসেদর ওইবীনবা পুক্নিং চিংশিল্লি
ভারত্তা লৈরিবা চারতর্দ একাউন্তেন্সী ফার্মশিংবু মালেমগী ওইবা মপাং অমা শেম্নবা অমসুং ইন্তর্নেসনেল ফার্মশিং ওইনবা হায়রি
চারতর্দ একাউন্তেন্তশিংবু মখোয়গী মমাংদা লৈরম্বশিংনা থম্লম্বা থাজবা, পুকচেল শেংবা অমসুং থাক ৱাংনা জস্তিস তৌনবা হায়রি
আই.সি.এ.আই.গা মালেম পুম্বদা ওফিস ১০০ হেন্না থম্নবগী মায়কৈদা ৱারী শানখ্রে
Posted On:
06 SEP 2022 9:36AM by PIB Imphal
কেন্দ্রগী কম্মর্স অমসুং ইন্দস্ত্রী, কঞ্জুমর এফিয়র্স, ফুদ অমসুং পব্লিক দিস্ত্রিব্যুসন অমসুং তেক্সতাইল মন্ত্রী, শ্রী পিয়ুশ গোয়ালনা ঙসি মালেম পুম্বদা লৈরিবা চারতর্দ একাউন্তেন্তশিংবু ব্রান্দ ইন্দিয়াগী এম্বসেদর ওইবীনবা পুক্নিং চিংশিল্লি। মহাক্না ঙসি য়ুনাইতেদ স্তেৎসকী মফম ৬তা ইন্সতিত্যুৎ ওব চারতর্দ একাউন্তেন্স ওব ইন্দিয়া (আই.সি.এ.আই.) হৌদোক্লবা মতুংদা সান ফ্রান্সিস্কোদা মীতিন অমদা ৱা ঙাংখি।
মন্ত্রী অসিনা আই.সি.এ.আই.গী থৌ পুরিবশিংগী মফমদা মখোয়না শিনফম অসিবু হেন্না খুমাং চাউশিন্নবা হোৎনরকখিবা অফবা থবক কয়াগীদমক থাগৎপা ফোংদোকখি।
মহাক্কী ৱারোলদা অদুদা আজাদী কা অমৃ মহোতসবকী য়াইফ-পাউজেল পীরদুনা শ্রী গোয়ালনা হায়খি মদুদি মথংগী চহি ২৫ অসি ভারতকী ওইনা হেন্না মপাঙ্গল লৈনবা অমসুং জিওপোলিতিকেল এরেনাদা মরুওইবা মফম অমা কনবা ঙম্নবগীদমক য়াম্না মরুওইবা মতম অমা ওইগনি। আই.সি.এ.আই.নসু ভারতকী অসিগুম্বা খোঙচৎ অসিদা য়াম্না মরুওইবা থৌদাং অমা য়ারি হায়রদুনা মহাক্না আই.সি.এ.আই.না ইন্তর্নেসনেল ওফিস চাম্মা হেন্না লৈরকপা মতমদু আসা তৌরি হায়না মখা তাখি।
মালেম পুম্বদা লৈরিবা চারতর্দ একাউন্তেন্তশিং অসিনা শেন্মিৎলোন চাউখৎপদা চাউনা থৌদাং য়ারি হায়রদুনা মন্ত্রী অসিনা হায়খি মদুদি চারতর্দ একাউন্তেন্ত প্রোফেসনেলশিং অসি অপুনবগী কস্তদিয়নশিংনি হায়খি।
সি.এ. অমগী খুৎয়েক হায়বসি অপুনবা অমসুং পুকচেল শেংবগী খুদম অমনি হায়রদুনা শ্রী গোয়ালনা হায়খি মদুদি হায়রিবা খুৎয়েক অসিগী মমল অসিনা সি.এ.গী থবকশিং অসিবু হেন্না হকচিনবা অমসুং লায়দবা অমা ওইহল্লি।
নবেম্বর ২০২২দা চহি ১১৮গী মতুংদা ইহান হানবা ওইনা মুম্বাইদা পাঙথোক্কদবা ২১শুবা ৱার্ল্দ কংগ্রেস ওব একাউন্তেন্তসকী মতাংদা পল্লদুনা শ্রী গোয়ালনা হায়খি মদুদি মসি ভারতনা জি ২০গী প্রেসিদেন্সীগী ফম পুগদবা মতম অদুদা পাঙথোক্লমগদবনি। মসিনা লৈবাক কয়ানা ভারতপু ইকাইখুম্নবগী খুদম অমনি হায়না মহাক্না মখা তাখি।
ভারত অসি মচোই তারবা মালেম অমদা তংদু লৈতাবগী ইথৎ ওইরম্মি হায়রদুনা মন্ত্রীনা হায়খি মদুদি ভারত ঙসিদি খ্বাইদগী য়াঙনা চাউখৎলক্লিবা লৈবাক অমা ওইরি। ভারতনা ইনফ্লেসন্দা লেপ্পা লৈতনা য়েংশিল্লি হায়রদুনা শ্রী গোয়ালনা হায়খি মদুদি ২০১৪দগী হৌদুনা লৈঙাক অসিনা ইনফ্লেস অসি আর.বি.আই.গী মরুওইবা মীৎয়েং চঙফম অমা ওইদুনা লাক্লি অমসুং ২০১৪দগীদি ভারতনা ৪.৫%গী চাংচৎতা ইনফ্লেসন লৈবা উরে, মসিনা নীংতম্লবা মতুংদা চহি নিপালগী মতমদা খ্বাইদগী নেম্বা ওইনা উরি। ঙসি মালেমদা লৈরিবা ইনফ্লেসনগী তম্বা ঙমদবা ফিভম অসিগী মতাংদা পল্লদুনা মন্ত্রীনা হায়খি মদুদি ভারত অসি খ্বাইদগী পাম্নবা ইনভেস্তমেন্তকী মফম অমা ওইরম্মি অমসুং ঙসিদি মালেমদা পাম্নরবা মপাং অমা ওইরি। মালেমগী লুচিংবশিংনা মখোয়গী এঙ্গেজমেন্ত অমসুং ত্রেদ ভারত্তা লৈবাক অনিগী মপাং ওইনবগী য়ানবগা লোইননা পাকথোক চাউথোকপা পাম্নরি। ঐখোয়না ওস্ত্রেলিয়া অমসুং য়ু.এ.ই.গা লোইননা মায় পাক্লবা এফ.তি.এ. অনি লৈখ্রে অমসুং য়ু.কে.গসু য়ানবগী তাংকক য়ৌরক্কদৌরে অমসুং মসিসু দিৱালি মমাংদা লোইশিন্নবা হোৎনরি হায়না মহাক্না হায়খি।
মন্ত্রী অসিনা ভারত্তা লৈরিবা অহোংবা পুরক্নিংঙাই ওইবা একনোমিক রিফোর্মশিং খদম ওইনা জি.এস.তি., আই.বি.সি., দিক্রিমিনেলাইজেসন, অমসুং লল্লোন ইতীক লায়হন্নবা, ভারত্তা লাকপা অনৌবা লল্লোন ইতীকশিংদা কোর্পোরেৎ তেক্স নেম্না পীবা, দিভিদেন্ত দিস্ত্রিব্যুসন তেক্স লৌথোকপা অমসুং সিঙ্গল ৱিন্দো অসিনচিংবশিং অসিনা ভারত্তা লল্লোইন ইতীক হেনগৎনবা অমসুং শেন্মিৎলোনগী থবক হেনগৎনবা মতাংদা ৱা ঙাংখি।
শ্রী গোয়ালনা আই.সি.এ.আই. অমসুং মালেমদা লৈরিবা মসিগী মেম্বরশিংগী থবক্কী মতাংদা পাউজেল মরি পীখিঃ
- মহাক্না মখোয়গী ইন্তর্নেসনেল ক্লাইন্তশিংদা ভারত্তা লৈরিবা ইনভেস্তমেন্তকী খুদোংচাবশিং ফংহন্নবা তকশিনখি।
- মহাক্না আই.সি.এ.আই.গী মেম্বরশিংদা ব্রান্দ ইন্দিয়াগী এম্বসেদর ওইবীনবা হায়খি অমসুং ভারতনা পীরিবা অৱাংবা থাক্কী পোত্থোকশিংবু কম্পিতিতিব ওইবা মমলদা পীরিবশিং অসিবু শন্দোক্নবা হায়খি। ভারতনা এক্সপোর্ত তৌবগী চাং ৱাংখৎলক্লি। ঐখোয়দা জিলা অমা পোত্থোক অমা (ও.দি.ও.পি.) থৌরাং অমসুং আত্মনির্ভরগী খোঙথাং লৈরি মসিনা ঐখোয়গী চাউখৎপগী মরুওইবা ৱাখল্লোন ওইরি হায়না মহাক্না হায়খি।
- মন্ত্রীনা মালেম পুম্বদা লৈরিবা আই.সি.এ.আই. মেম্বরশিংদা য়ারিবমখৈ মেদ ইন ইন্দিয়া পোত্থোকশিং শীজিন্ননবা হায়খি, মরুওইনা খুদোলপোৎশিংদা। মহাক্না সবকা প্রয়াসকী মোত্তো অসিবু মালেমদা লৈরিবা ভারত মচা খুদিংদা চেন্নবা হায়খি।
- শ্রী গোয়ালনা ভারত্তা লৈরিবা চারতর্দ একাউন্তেন্সী ফার্মশিংবু মালেমগী ওইবা মপাং অমা শেম্নবা অমসুং ইন্তর্নেসনেল ফার্মশিং ওইনবা হায়রি। চারতর্দ একাউন্তেন্তশিংবু মখোয়গী মমাংদা লৈরম্বশিংনা থম্লম্বা থাজবা, পুকচেল শেংবা অমসুং থাক ৱাংনা জস্তিস তৌনবা হায়না মহাক্না মখা তাখি।
***************
(Release ID: 1857083)
Visitor Counter : 145