ঙসি ওজাশিংগী নুমিৎকী থৌরমদা প্রধান মন্ত্রী, শ্রী নরেন্দ্র মোদীনা প্রধান মন্ত্রী স্কুল্স ফোর রাইজিং ইন্দিয়া (পি.এম.-শ্রী) য়োজনাগী মখাদা ভারত শিনবা থুংবদা লৈরিবা স্কুল ১৪,৫০০ চাউখৎহন্নবা অমসুং অপগ্রেদ তৌনবা লাউথোকখ্রে।

পি.এম.-শ্রী স্কুলশিংদা মহৈ-মশিং তাকপী-তম্বীনবা মোদর্ন, ত্রান্সফোর্মেস্নেল অমসুং হোলিস্তিক ওইবা পাম্বৈ শীজিন্নগনি। শ্রী মোদীনা পি.এম.-শ্রী স্কুলশিংনা এন.ই.পি.গী ৱাখল্লোন্দা ভারত শিনবা থুংবদা লৈরিবা মহৈরোয় লাখ কয়াদা কান্নবা পীরগনি হায়না থাজবা ফোঙদোকখি।

প্রধান মন্ত্রীনা ত্বিত তৌখি;

“ঙসি #TeachersDay অসিদা ঐহাক্না অনৌবা থৌশিল - প্রধান মন্ত্রী স্কুল্স ফোর রাইজিং ইন্দিয়া (পি.এম.-শ্রী) য়োজনাগী মখাদা ভারত শিনবা থুংবদা লৈরিবা স্কুল ১৪,৫০০ চাউখৎহন্নবা অমসুং অপগ্রেদ তৌনবা লাউথোকপদা নুংঙাইবা ফাওই। মখোয় অসিনা এন.ই.পি.গী মপুং ফাবা ৱাখল্লোন য়াওবা মোদেল স্কুলশিং ওইরগনি।”

“পি.এম.-শ্রী স্কুলশিংদা মহৈ-মশিং তাকপী-তম্বীনবা মোদর্ন, ত্রান্সফোর্মেস্নেল অমসুং হোলিস্তিক ওইবা পাম্বৈ শীজিন্নগনি। দিস্কবরী ওরিয়েন্তেদ ওইবা, লর্নিং সেন্ত্রিক ওইবা মওংদা তাকপী-তম্বীবদা মীৎয়েং চংগনি। খ্বাইদগী নৌবা তেক্নোলোজী, স্মার্ত ক্লাসরুমশিং, শান্ন-খোৎনবা অমসুং অহেনবা কয়া য়াওনা মোদর্ন ইনফ্রাদা মীৎয়েং থমগনি।”

“নেস্নেল এজুকেসন পোলিসীনা চহি খরা অসিদা এজুকেসন সেক্তরদা অওনবা পুরকখি। পি.এম.-শ্রী স্কুলশিংনা এন.ই.পি.গী ৱাখল্লোন্দা ভারত শিনবা থুংবদা লৈরিবা মহৈরোয় লাখ কয়াদা কান্নবা পীরগনি হায়না ঐহাক্না থাজৈ।”

Today, on #TeachersDay I am glad to announce a new initiative - the development and upgradation of 14,500 schools across India under the Pradhan Mantri Schools For Rising India (PM-SHRI) Yojana. These will become model schools which will encapsulate the full spirit of NEP.

— Narendra Modi (@narendramodi) September 5, 2022

*****