ইন্দিয়ন রেলৱেজ (আই.আর)না ওগস্ত’২২দা এম.তি. ১১৯.৩২গী থাগী ওইবা ফ্রেত লোদিং তৌদুনা ওগস্তনা খ্বাইদগী ৱাংবগী রেকোর্দ থম্বা ঙমখ্রে। ওগস্ত থাগী ইনক্রিমেন্তেল লোদিং অসি এম.তি. ৮.৬৯ ওইখি হায়বদি ২০২১গী ওগস্তকী হান্নগী খ্বাইদগী য়ামখিবা মশিংদগী ৭.৮৬%গী গ্রোথ লৈখি। মসিগা লোয়ননা ইন্দিয়ন রেলৱেজনা খ্বাইদগী ফজবা থাগী ওইবা ফ্রেত লোদিং  অসি থা ২৪ থংন-থংননা তৌবা ঙমখ্রে।

আই.আর.না কোলদা এম.তি. ৯.২গী ইনক্রিমেন্তেল লোদিং তৌবা ঙমখি, মতুংদা হরদা এম.তি. ০.৭১, বেলেন্স অদর গুদসতা এম.তি. ০.৬৮ অমসুং কন্তেনরশিংগী এম.তি. ০.৬২ ওইখি। ওতোমোবাইল লোদিংদা হেনগৎলকপা অসিনা এফ.ৱাই. ২০২২-২৩গী ফ্রেত বিজিনেসকী অতোপ্পা হাইলাইত অমা ওইখি অমসুং ওগস্ত ফাওবদা এফ.ৱাই. ২০২২-২৩দা রেক ২২০৬ লোদ তৌখি মসি মমাং চহিগী চপ মান্নবা মতমদা রেক ১৩১৪ ওইখিবা অদুগা চাংদম্বদা ৬৮%গী গ্রোথ লৈখি।

এপ্রিল ১, ২০২২দগী ওগস্ত ৩১, ২০২২ ফাওবদা তৌখিবা অপুনবা ফ্রেত লোদিং অসি ২০২১-২২দা ওইখিবা এম.তি. ৫৬২.৭৫গা য়েংনবদা এম.তি. ৬২০.৮৭ ওইখি হায়বদি এম.তি. ৫৮.১১গী ইনক্রিমেন্তেল লোদিং লৈখি, লোয়ননা মমাং চহিদগী ১০.৩২%গী গ্রোথ লৈখি।

ফ্রেত এন.তি.কে.এম.শিং (নেত তন কিলোমিতরগস) অসি ওগস্ত’২১দা বিলিয়ন ৬৩ ওইরম্বদগী ওগস্ত’২২দা বিলিয়ন ৭৩ ওইদুনা ১৬%গী গ্রোথ রেজিস্তর তৌখি। অহানবা থা মঙাগী অপুনবা এন.তি.কে.এম.শিং অসিদা ১৮.২৯% হেনগৎলকখি।

পাৱর অমসুং কোল মন্ত্রাকয়গা খুৎশম্নদুনা ইন্দিয়ন রেলৱেজনা পাৱর হাউসশিংদা কোলগী সপ্লাই হেনগৎহন্নবা লেপ্পা লৈতনা খোঙথাংশিং পাইখৎপা অসিনা ওগস্ত থাদা ফ্রেত পর্ফোরমেন্স ফজনবগী মরু ওইবা ফীচরশিংগী মনুংদা অমা ওইখি। পাৱর হাউসশিংদা কোল (দোমেস্তিক অমসুং ইম্পোর্ত তৌরকপা অনিমক্তা) লোদিং তৌবা অসি ‌ওগস্ততা এম.তি. ১০.৪৬ হেনগৎলকখি লোয়ননা মমাং চহি এম.তি. ৩৪.১৮ পাৱর হাউসশিংদা থাখিবা কোল অদুগা চাংদম্নবদা এম.তি. ৪৪.৪৬ ওইদুনা ৩১%গী গ্রোথ লৈখি। অপুনবা ওইনা, চহি অসিগী অহানবা থা মঙাদা আই.আর.না মমাং চহিগী চপ মান্নবা মতমগা চাংদম্নবদা পাৱর হাউসশিংদা অহেনবা কোল এম.তি. ৫৮.৪‌১ হেন্না লোদ তৌখি, লোয়ননা ৩২% হেনবগী গ্রোথ লৈখি।

পোৎলম-পোৎলমগী ওইবা গ্রোথকী মশিং অসিনা আই.আর.না মখাদা পীরিবা গ্রোথ রেতশিং অসিগা লোয়ননা পোৎলমগী সেগমেন্ত পুম্নমক্তা নীংথিনা গ্রোথ লৈবা ঙমখি হায়না উৎলি:

***