“ভারত ঙসিদি অখন্নবা মওংদা দিজিতেল পেমেন্তদা মালেমগী মাংজিল থারি অমদি নাগরিকশিংগী পুন্সী অমসুং শাসন হেন্না ফগৎহনবগীদমক তেক্নোলোজী শিজিন্নবদসু মরুওইবা লৈবাক ওইরক্লি – ইন্দিয়া স্তেক অমসুং অতোপ্পা তোঙান-তোঙানবা দিজিতেল গবর্নমেন্ত সোলুসনশিং ফংবগী অপাম্বা অদু হৌজিক মালেমগী লৈবাকশিংনা থম্লি – প্রধান মন্ত্রী শ্রী নরেন্দ্র মোদীগী মীৎয়েংবু থাগৎচরি মদুনা ভারত দিজিতেলদা মাংজিল থারি অমদি দিজিতেল ভারতপু মাংলোমদা পুখৎলি” ইলেক্ত্রোনিক্স এন্দ ইনফোর্মেসন তেক্নোলোজী অমসুং স্কিল দিবেলপমেন্ত এন্দ ওন্ত্রোপ্রিনরশিপকী কেন্দ্রগী রাজ্য মন্ত্রী শ্রী রজীব চন্দ্রসেখরনা দিজিতেল পেমেন্ত অমসুং দাইরেক্ত বেনেফিৎ ত্রান্সফর (দি.বি.তি.)গী মায়পাকপা মোদেলগী মতাংদা ফোংদোক্লদুনা হায়খি, মদুনা ভারতকী নাগরিক করোর কয়াবু কানবা ফংহল্লি।

২০১৩দগী হৌরগা দি.বি.তি.গী থোংদা লুপা লাখ করোর ২৪.৮দগী হেন্না ত্রান্সফর তৌখ্রে, শেনবা চহি ২০২১-২২ খক্তদা লুপা লাখ করোর ৬.৩; নুমিৎ খুদিংগী (শেনবা চহি ২০২১-২২দা) চাংচৎতা দি.বি.তি. পেমেন্ত লাখ ৯০ হেন্না প্রোসেস তৌরি। পি.এম. কিসান সম্মান নিধি য়োজনাগী ১১শুবা ইন্সতোলমেন্তকী মখাদা, বেনেফিসরী করোর ১০ হেনবগী বেঙ্ক একাউন্তশিংদা চাউরাক্না লুপা করোর ২০,০০০ দাইরেক্ত ওইনা ত্রান্সফর তৌখ্রে (নোংমা খক্তদা বত্তন অমা ক্লিক তৌবদা ত্রাঞ্জেক্সন করোর ১০ হেন্না)।

দিজিতেল পেমেন্তকা মরী লৈননা, ২০২১-২২দা দিজিতেল পেমেন্ত ত্রাঞ্জেক্সন করোর ৮,৮৪০ হেন্না পাংথোকখ্রে অমসুং শেনবা চহি ২০২২-২৩দা (২০২২গী জুলাই ২৪ ফাওবদা) করোর ৩,৩০০গী ময়া ওইবা পাংথোকখ্রে; নোংমদা দিজিতেল ত্রাঞ্জেক্সন চাংচৎতা করোর ২৮.৪ পাংথোক্লি।

দিজিতেল এসেতশিং (দি.বি.তি., জাম ত্রিনিতী, এন.পি.সি.আই. অসিনচিংবা) অসি শেমগৎপদা ভারতকী অসিগুম্লবা মায় পাকপগী ৱারী অসিনা চাউখৎলক্লিবা লৈবাকশিংদা খুদম ওইবা খক্তা নত্তনা চাউখৎলবা লৈবাকশিংদসু তমজনিঙাইনি।

*****