কেন্দ্রগী গ্রীহ অমসুং কোওপরেসন মন্ত্রীনা কেরলা মীয়ামদা লাক্কদৌরিবা ওনম কুমহৈগীদমক য়াইফ-পাউজেল পীখ্রে। কেরলা অসি মহৌশাগী ফজবগী তুংফম্নি। ওনম হায়বসি কেরলাগী মরুওইবা কুমহৈ অমা ওইবতা নত্তনা ভারতকী নাৎকীসু ওইরি।

হৌখিবা চহি নিপান অসিদা প্রধান মন্ত্রী নরেন্দ্র মোদীগী লুচিং মখাদা জোনেল কাউন্সিলশিংগী মতৌদা অহোংবা কয়া লৈরে অমসুং কাউন্সিলনা পাঙথোকপা মীফমগী মশীংসু অদুক্কী মতীক হেনগৎলে।

প্রধান মন্ত্রী শ্রী নরেন্দ্র মোদীনা হৌদোকখিবা 'হর ঘর তিরঙ্গা' কেম্পেনগী মনুংদা লৈবাক মীয়াম্না মখোয়গী রাজ্যগী ইথিল, জাৎ, ধর্মদগী হেন্দোক্তুনা অপুনবগী অমসুং লৈবাক নুংশিবগী ময়েক লারবা খুদম অমা মখোয় মখোয়গী য়ুমদগী মচু অহুমগী ফিরাল চিংখৎতুনা উৎখ্রে।

মীপুম খুদিংমক্না লৈবাক নুংশিবগী ইনোৎপু লাক্কদবা আজাদী কা অমৃত মহোৎসবকী থা তরামাথোই অসিদা লৈবাক অসিগী লংলবা তুংলমচৎ অমা শেম্নবগীদমক অপুনবা ওইনা হোৎনদুনা গ্রাউন্দ লেবেলদা পুরক্কদবনি।

খা থংবা জোনেল কাউন্সিলগী থিরুবনন্থপুরমদা ঙসি ফমখিবা ৩০শুবা মীফমদা, অপুনবা ওইনা ইস্যু ২৬ খন্নখি, ইস্যু ৯না ৱারোইশিন পুরকখি, ইস্যু ১৭না মখা তানা খন্ননবগীদমক রিজর্ব ওইনা থমখি, মসিগী মনুংদগী ৯না অন্ধ্র প্রদেশ নৌনা ওর্গানাইজ তৌবগা মরী লৈনখি।

কেন্দ্রগী গৃহ মন্ত্রীনা অন্ধ্র প্রদেশ অমসুং তেলঙ্গানা মীয়ামদা মখোয়গী লোইশিন্দনা লৈরিবা ইস্যুশিংবু মোৎ অমত্তা ওইনা লোইশিন্নবা তকশিনখি

প্রধান মন্ত্রীগী মফমদা খা থংবা ভারতকী অইবা তোপ-তোপ্পা মফম অমা লৈ, মরম অসিনা ২০১৪দা প্রধান মন্ত্রী ওইরবা মতুংদা, শ্রী নরেন্দ্র মোদীনা সাগর্মালা প্রোজেক্তকা লোইননা শমুদ্র খোঙবালদা লৈবা রাজ্যশিংগী চাউখৎ খোংথাংগী ওইবা মরুওইবা হিথাংফমশিং অপগ্রেদ তৌখি।

২০১৪গী মমাংদা, জোনেল কাউন্সিলশিংগী মীফম অসি চহি অমদা চাংচৎতা অনিমুক লৈরম্মি, হন্দক্কী লৈঙাক অসিনা মসিবু ২.৭দা হেনগৎলে, স্তেন্দিং কম্মিত্তীনা মীফম ১.৪ অমুক লৈরম্মি, মসিসু সরকার অসিনা শরুক অনি হেনগৎতুনা ২.৭৫ হেন্না তৌরে।

২০১৪গী মমাংদা, জোনেল কাউন্সিলগী মীফমদা ইস্যুশিংগী মতাংদা ৱারেপ লৌবগী চাং অসি চাদা ৪৩ ওইরম্মি, হৌজিক্তি চাদা ৬৪ ওইরে।

২০০৬ অমসুং ২০১৩গী মরক্তা পাঙথোকখিবা জোনেল কাউন্সিলগী মীফমদা ইস্যুউ ১০৪ নৈনখি, ২০১৪দগী ২০২২ ফাওবদনা ইস্যু ৫৫৫ নৈনখি অমসুং হায়রিবশিং অসিগী চাদা ৬৪না অমত্তা ওইনা ৱারেপ লৌখি।

লুপা করোর ৭৬,০০০গী ওইগদবা প্রোজেক্ত ১০৮ মপুং ফাখ্রে অমসুং লুপা করোর ১,৩২,০০০ ওইগদবা প্রোজেক্ত ৯৮না পায়খৎলি, অমসুং লুপা করোর লাখ ২গী ওইগদবা প্রোজেক্তশিংনা শমুদ্র খোংবাল ওইবা রাজ্যশিংগী 'সাগরমালা'গী মখাদা পায়খৎলি

শমুদ্র খোঙবাল ওইবা জিলাশিং, প্রধান মন্ত্রী মাতস্য সম্পদ য়োজনাগী মখাদা ব্লু রিভোলুসনগীদমক অপুনবা শেনফম লুপা করোর ৭,৭৩৭গী ওইগদবা প্রোজেক্ত ৬১ পায়খৎলি

২০১৫দগী হৌদুনা লুপা করোর ৪,২০৬ ফিসরিজ ইনফ্রাস্ত্রকচর দিবেলপমেন্ত ফন্দ স্কিমগীদমক অন্ধ্র প্রদেশ, কর্নাতাকা, কেরলা, পুদুচেরী, তমিল নাদু অমসুং তেলঙ্গানাগী খা থংবা রাজ্যশিংগীদমক কাইথখ্রে অমসুং লুপা করোর ২,৭১১না তমিল নাদু অমসুং অন্ধ্র প্রদেশতা হিথাংফম অমসুং ফিসরিজগী তঙাইফদবা ইনফ্রাস্ত্রকচর শেমগৎনবগী প্রোজেক্ত ৫৬কীদমক কাইথখ্রে

৭,৫০০ কিলোমিতর শাংবা শমুদ্র খোঙবাল অসিগী মনুংদগী চাউরাক্না কিলোমিতর ৪,৮০০ তি খা থংবা জোনেল কাউন্সিলগী মখাদা লৈবা রাজ্যশিংগী ওইরি, লৈবাক অসিগী মরুওইবা হিথাংফম ১২গী মনুংদগী ৭তি লমদম অসিদা লৈরি

ভারত্তা লৈরিবা ঙা ফাবা খুঙ্গং ৩,৪৬১গী মনুংদগী ১,৭৬৩দি খা থংবা জোনেল কাউন্সিলগী মনুং চল্লি অমসুং শমুদ্রগী পোত্থোকশিংগী লল্লোন ইতীক অমসুং এক্সপোর্তকী চাং হেনগৎপা য়াবগী চাং কা হেন্না ৱাংলি।

কেন্দ্রগী গৃহ মন্ত্রীনা খা থংবা জোনেল কাউন্সিলগী রাজ্যশিংদা ঈশিং লান্নবগী মতাংদা লৈরিবা ইস্যুশিং অপুনবা ওইনা লোইশিন্মিন্নবা য়াবা পাম্বৈ থিনবা আপিল তৌরি।

অপুনবা ইস্যু ৮৯না খা থংবা জোনেল কাউন্সিলগী স্তেন্দিং কম্মিত্তীগী ১২শুবা মীফমদা খন্নখি, মসিগী মনুংদগী ইস্যু ৬৩না মোৎ অমত্তা ওইনা য়ানবা পুরকখি, মসিমক য়াম্না চাউবা মায় পাকপা অমনি।

জোনেল কাউন্সিলগী মীফমশিংগী মরুওইবা পান্দমশিংদি – কেন্দ্র অমসুং রাজ্যশিংগী মরক্তা লৈবা চয়েৎনবশিং য়ান্নবা মওংদা লোইশিনবা অমসুং রাজ্যশিংগী মরক্তা লৈবা চয়েৎনবশিংবু মোৎ অমত্তা ওইনা য়াশিন্নবা, রাজ্যশিংগী মরক্তা অমগা অমগা মতেং পাংমিন্নবা, রাজ্য খুদিংমক্কী অইবা জাতিগী ওইবা মান্নবা ইস্যুশিং খন্নবা ফোরম অমা শেম্বা, অমসুং স্তেকহোল্দর খুদিংমক্কী মরক্তা মতেং পাংবা হেনগৎনবা কোলাবোরেতিব সিস্তেম অমা শেমগৎপা।

প্রধান মন্ত্রী নরেন্দ্র মোদীনা মপুং ওইবা চাউখৎপা অমা পুরক্নবগীদমক তীম ইন্দিয়াগী ৱাখল্লোন লৈবাক মীয়াম মাঙদা পুখৎখ্রে অমসুং রাজ্যশিং অসিনা পুনশিল্লগা তীম ইন্দিয়া শেম্মি।

গৃহ মন্ত্রালয় অসিনা চেকশিন্না য়েংশিনবগা লোইননা নার্কোতিক্সকী সমস্যাশিংবু লোইশিন্নবা হোৎনরি, রাজ্যশিংনসু 'নার্কো কোওর্দিনেসন সেন্তর (এনকোর্দ)কী মীফম চাং নাইনা পাঙথোক্কদবনি অমসুং মখোয়বু জিলাগী থাক্তা পুখৎকদবনি।

ক্যু.আর.-য়ারবা পি.ভি.সি. আধার কার্দসু ঙামী লাখ ১২ হেনবদা পীখ্রে, মসিনা শরুদ্র খোঙবাল ওইবা রাজ্যশিংদা ঙামীনি হায়বা খঙহনবদা নত্তনা লৈবাক অসিগী মেরিতাইম সেক্যুরিতীদসু মপাঙ্গল কনখৎহল্লগনি।

মোদী লৈঙাক অসিগী পন্থুংদি কিলোমিতর মঙা খুদিংগী বেঙ্ক ব্রাঞ্চ লৈহনবনি, মসিগীদমক জোনেল কাউন্সিলগী মেম্বর ওইরিবা রাজ্যশিংনা খুঙ্গং খুদিংদা কিলোমিতর মঙাগী মনুংদা মখোয় মখোয়গী মরী লৈনবা মফমশিংদা বেঙ্কিংগী খুদোংচাবা পীগদবনি অমসুং কোওপরেতিব বেঙ্কশিংদা মশা লোইশঙ হাংদোক্নবা তকশিনগদবনি।

কেন্দ্রগী গৃহ অমসুং কোওপরেসন মন্ত্রী শ্রী অমিৎ শাহনা থিরুবনন্থপুরমদা ঙসি পাঙথোকখিবা ৩০শুবা খা থংবা জোনেল কাউন্সিলগী মীফমদা ময়াই তাংবল লৌখ্রে। মীফম অদুদা কেরলা, কর্নাতাকা, তমিল নাদুগী মুখ্য মন্ত্রীশিংনা শরুক য়াখি, পুদুচেরী, অন্দমান অমসুং নিকোবার ইথৎকী লেফতনেন্ত গবর্নরশিং, খা থংবা জোনেল কাউন্সিলগী রাজ্যশিংগী চীফ সেক্রেতরীশিং, কেন্দ্রগী গৃহ মন্ত্রীগী সেক্রেতরীশিং, ইন্তর স্তেত কাউন্সিল সেক্রেতরিএৎকী সেক্রেতরীশিং, অমসুং রাজ্য অমসুং কেন্দ্রগী মন্ত্রালয়শিং অমসুং বিভাগশিংগী মকোক থোংবা ওফিসিএলশিংনা শরুক য়াখি।

কেন্দ্রগী গ্রীহ অমসুং কোওপরেসন মন্ত্রীনা কেরলা মীয়ামদা 'ওনম' কুমহৈগীদমক ফজবগী তুংনফম ওইরিবা কেরলাগী মীয়ামদা য়াইফ-পাউজেল মহাক্কী হৌদোকপগী ৱারোলদা পীখি। ওনম হায়বসি কেরলাগী মরুওইবা কুমহৈ অমা ওইবতা নত্তনা ভারতকী নাৎকীসু ওইরি হায়না মহাক্না ফোংদোকখি।

শ্রী অমিৎ শাহনা হায়খি মদুদি হন্দক্কী চহি অসি য়াজাদী কা অমৃত মহোৎসবকী চহি অমা ওইনা পাঙথোকপনা লৈবাক অসিগী পুৱারীদা য়াম্না মরুওইবা চহি অমা ওইরি। মহাক্না হায়খি মদুদি প্রধান মন্ত্রী শ্রী নরেন্দ্র মোদীনা হৌদোকখিবা 'হর ঘর তিরঙ্গা' কেম্পেনগী মনুংদা লৈবাক মীয়াম্না মখোয়গী রাজ্যগী ইথিল, জাৎ, ধর্মদগী হেন্দোক্তুনা অপুনবগী অমসুং লৈবাক নুংশিবগী ময়েক লারবা খুদম অমা মখোয় মখোয়গী য়ুমদগী মচু অহুমগী ফিরাল চিংখৎতুনা উৎখ্রে। শ্রী শাহনা রাজ্য খুদিংমকপু আজাদী কা অমৃত মহোৎসব পাঙথোকপগীদমক থাগৎপা ফোংদোকচখি। মহাক্না হায়খি মদুদি মীপুম খুদিংমক্না লৈবাক নুংশিবগী ইনোৎপু লাক্কদবা আজাদী কা অমৃত মহোৎসবকী থা তরামাথোই অসিদা লৈবাক অসিগী লংলবা তুংলমচৎ অমা শেম্নবগীদমক অপুনবা ওইনা হোৎনদুনা গ্রাউন্দ লেবেলদা হোৎনগদবনি।

 কেন্দ্রগী গৃহ মন্ত্রীনা হায়খি মদুদি প্রধান মন্ত্রী শ্রী নরেন্দ্র মোদীগী লুচিং মখাদা, হৌখিবা চহি নিপান অসিদা প্রধান মন্ত্রী নরেন্দ্র মোদীগী লুচিং মখাদা জোনেল কাউন্সিলশিংগী মতৌদা অহোংবা কয়া লৈরে অমসুং কাউন্সিলনা পাঙথোকপা মীফমগী মশীংসু অদুক্কী মতীক হেনগৎলে। ২০১৪গী মমাংদা, জোনেল কাউন্সিলশিংগী মীফম অসি চহি অমদা চাংচৎতা অনিমুক লৈরম্মি, হন্দক্কী লৈঙাক অসিনা মসিবু ২.৭দা হেনগৎলে, স্তেন্দিং কম্মিত্তীনা মীফম ১.৪ অমুক লৈরম্মি, মসিসু সরকার অসিনা শরুক অনি হেনগৎতুনা ২.৭৫ হেন্না তৌরে। ২০১৪গী মমাংদা, জোনেল কাউন্সিলগী মীফমদা ইস্যুশিংগী মতাংদা ৱারেপ লৌবগী চাং অসি চাদা ৪৩ ওইরম্মি, হৌজিক্তি চাদা ৬৪ ওইরে। ২০০৬ অমসুং ২০১৩গী মরক্তা পাঙথোকখিবা জোনেল কাউন্সিলগী মীফমদা ইস্যুউ ১০৪ নৈনখি, ২০১৪দগী ২০২২ ফাওবদনা ইস্যু ৫৫৫ নৈনখি অমসুং হায়রিবশিং অসিগী চাদা ৬৪না অমত্তা ওইনা ৱারেপ লৌখি। মহাক্না হায়খি মদুদি কোস্তেল স্তেত ৯গী মনুংদা, রাজ্য মরি অমসুং য়ুনিয়ন তেরিতোরী ৩গী মনুংদা ৪দি খা থংবা জোনেল কাউন্সিলগী মেম্বর ওইরি, মসিনা তাক্লিবসি ৭,৫০০ কিলোমিতর শাংবা শমুদ্র খোঙবাল অসিগী মনুংদগী চাউরাক্না কিলোমিতর ৪,৮০০ তি খা থংবা জোনেল কাউন্সিলগী মখাদা লৈবা রাজ্যশিংগী ওইরি। শ্রী শাহনা হায়খি মদুদি লৈবাক অসিগী মরুওইবা হিথাংফম ১২গী মনুংদগী ৭তি লমদম অসিদা লৈরি। মসিগা লোইননা ভারত্তা লৈরিবা ঙা ফাবা খুঙ্গং ৩,৪৬১গী মনুংদগী ১,৭৬৩দি খা থংবা জোনেল কাউন্সিলগী মনুং চল্লি অমসুং শমুদ্রগী পোত্থোকশিংগী লল্লোন ইতীক অমসুং এক্সপোর্তকী চাং হেনগৎপা য়াবগী চাং কা হেন্না ৱাংলি।

শ্রী অমিৎ শাহনা হায়খি মদুদি প্রধান মন্ত্রীগী মফমদা খা থংবা ভারতকী অইবা তোপ-তোপ্পা মফম অমা লৈ, মরম অসিনা ২০১৪দা প্রধান মন্ত্রী ওইরবা মতুংদা, শ্রী নরেন্দ্র মোদীনা সাগর্মালা প্রোজেক্তকা লোইননা শমুদ্র খোঙবালদা লৈবা রাজ্যশিংগী চাউখৎ খোংথাংগী ওইবা মরুওইবা হিথাংফমশিং অপগ্রেদ তৌখি। মসিগী মনুংদা লুপা করোর ৭৬,০০০গী ওইগদবা প্রোজেক্ত ১০৮ মপুং ফাখ্রে অমসুং লুপা করোর ১,৩২,০০০ ওইগদবা প্রোজেক্ত ৯৮না পায়খৎলি। অসুম্না অপুনবা ওইনা লুপা করোর ২,০০,০০০গী ওইগদবা প্রোজেক্তশিংনা শমুদ্র খোংবাল ওইবা রাজ্যশিংগী সাগরমাল'গী মখাদা পায়খৎলি। মহাক্না হায়খি মদুদি শমুদ্র খোঙবাল ওইবা জিলাশিং, প্রধান মন্ত্রী মাতস্য সম্পদ য়োজনাগী মখাদা ব্লু রিভোলুসনগীদমক অপুনবা শেনফম লুপা করোর ৭,৭৩৭গী ওইগদবা প্রোজেক্ত ৬১ পায়খৎলি। ২০১৫দগী হৌদুনা লুপা করোর ৪,২০৬ ফিসরিজ ইনফ্রাস্ত্রকচর দিবেলপমেন্ত ফন্দ স্কিমগীদমক অন্ধ্র প্রদেশ, কর্নাতাকা, কেরলা, পুদুচেরী, তমিল নাদু অমসুং তেলঙ্গানাগী খা থংবা রাজ্যশিংগীদমক কাইথখ্রে। লুপা করোর ২,৭১১না তমিল নাদু অমসুং অন্ধ্র প্রদেশতা হিথাংফম অমসুং ফিসরিজগী তঙাইফদবা ইনফ্রাস্ত্রকচর শেমগৎনবগী প্রোজেক্ত ৫৬কীদমক কাইথখ্রে।

কেন্দ্রগী গৃহ মন্ত্রী অসিনা হায়খি মদুদি খা থংবা জোনেল কাউন্সিলগী থিরুবনন্থপুরমদা ঙসি ফমখিবা ৩০শুবা মীফমদা, অপুনবা ওইনা ইস্যু ২৬ খন্নখি, ইস্যু ৯না ৱারোইশিন পুরকখি, ইস্যু ১৭না মখা তানা খন্ননবগীদমক রিজর্ব ওইনা থমখি, মসিগী মনুংদগী ৯না অন্ধ্র প্রদেশ নৌনা ওর্গানাইজ তৌবগা মরী লৈনখি। কেন্দ্রগী গৃহ মন্ত্রীনা খা থংবা জোনেল কাউন্সিলগী রাজ্যশিংদা ঈশিং লান্নবগী মতাংদা লৈরিবা ইস্যুশিং অপুনবা ওইনা লোইশিন্মিন্নবা য়াবা পাম্বৈ থিনবা আপিল তৌরি। শ্রী শাহনা হায়খি মদুদি অপুনবা ইস্যু ৮৯না খা থংবা জোনেল কাউন্সিলগী স্তেন্দিং কম্মিত্তীগী ১২শুবা মীফমদা খন্নখি, মসিগী মনুংদগী ইস্যু ৬৩না মোৎ অমত্তা ওইনা য়ানবা পুরকখি, মসিমক য়াম্না চাউবা মায় পাকপা অমনি।

কেন্দ্রগী গৃহ অমসুং কোওপরেসন মন্ত্রীনা হায়খি মদুদি জোনেল কাউন্সিলগী মীফমশিংগী মরুওইবা পান্দমশিংদি – কেন্দ্র অমসুং রাজ্যশিংগী মরক্তা লৈবা চয়েৎনবশিং য়ান্নবা মওংদা লোইশিনবা অমসুং রাজ্যশিংগী মরক্তা লৈবা চয়েৎনবশিংবু মোৎ অমত্তা ওইনা য়াশিন্নবা, রাজ্যশিংগী মরক্তা অমগা অমগা মতেং পাংমিন্নবা, রাজ্য খুদিংমক্কী অইবা জাতিগী ওইবা মান্নবা ইস্যুশিং খন্নবা ফোরম অমা শেম্বা, অমসুং স্তেকহোল্দর খুদিংমক্কী মরক্তা মতেং পাংবা হেনগৎনবা কোলাবোরেতিব সিস্তেম অমা শেমগৎপা। প্রধান মন্ত্রী নরেন্দ্র মোদীনা মপুং ওইবা চাউখৎপা অমা পুরক্নবগীদমক তীম ইন্দিয়াগী ৱাখল্লোন লৈবাক মীয়াম মাঙদা পুখৎখ্রে অমসুং রাজ্যশিং অসিনা পুনশিল্লগা তীম ইন্দিয়া শেম্মি।

শ্রী অমিৎ শাহনা হায়খি মদুদি গৃহ মন্ত্রালয় অসিনা চেকশিন্না য়েংশিনবগা লোইননা নার্কোতিক্সকী সমস্যাশিংবু লোইশিন্নবা হোৎনরি, রাজ্যশিংনসু 'নার্কো কোওর্দিনেসন সেন্তর (এনকোর্দ)কী মীফম চাং নাইনা পাঙথোক্কদবনি অমসুং মখোয়বু জিলাগী থাক্তা পুখৎকদবনি। ক্যু.আর.-য়ারবা পি.ভি.সি. আধার কার্দসু ঙামী লাখ ১২ হেনবদা পীখ্রে, মসিনা শরুদ্র খোঙবাল ওইবা রাজ্যশিংদা ঙামীনি হায়বা খঙহনবদা নত্তনা লৈবাক অসিগী মেরিতাইম সেক্যুরিতীদসু মপাঙ্গল কনখৎহল্লগনি। মোদী লৈঙাক অসিগী পন্থুংদি কিলোমিতর মঙা খুদিংগী বেঙ্ক ব্রাঞ্চ লৈহনবনি, মসিগীদমক জোনেল কাউন্সিলগী মেম্বর ওইরিবা রাজ্যশিংনা খুঙ্গং খুদিংদা কিলোমিতর মঙাগী মনুংদা মখোয় মখোয়গী মরী লৈনবা মফমশিংদা বেঙ্কিংগী খুদোংচাবা পীগদবনি অমসুং কোওপরেতিব বেঙ্কশিংদা মশা লোইশঙ হাংদোক্নবা তকশিনগদবনি। মসিনা লৈঙাক্কী স্কিমশিংগী খুদোংচাবশিং অসি কান্নবা ফংগদবশিংদা দি.বি.তি.গী খুত্থাংদা হকথেংননা ফংজবদা মতেং ওইরগনি।

***************