କେନ୍ଦ୍ର ବିଜ୍ଞାନ ଓ ପ୍ରଯୁକ୍ତି (ସ୍ୱାଧୀନ ଦାୟିତ୍ୱ) ଭୂ ବିଜ୍ଞାନ ରାଷ୍ଟ୍ରମନ୍ତ୍ରୀ ପିଏମ୍‌ଓ, ମାନବ ସମ୍ବଳ ଓ ସାଧାରଣ ଅଭିଯୋଗ, ପେନ୍‌ସନ, ଆଣବିକ ଶକ୍ତି ଓ ମହାକାଶ ବିଜ୍ଞାନ ମନ୍ତ୍ରୀ ଡକ୍ଟର ଜିତେନ୍ଦ୍ର ସିଂ ଗର୍ଭାଶୟ କର୍କଟ ନିରାକରଣ ପାଇଁ ଉଦ୍ଦିଷ୍ଟ ଭାରତର  ପ୍ରଥମ ଟିକା “ସର୍ବାଭାକ’ ପ୍ରସ୍ତୁତି ସମ୍ପର୍କରେ ଘୋଷଣା କରିଛନ୍ତି ।

କ୍ୱାଡ୍ରିଭାଲେଣ୍ଟ ହ୍ୟୁମାନ ପାପିଲୋମା(କ୍ୟୁଏଚପିଭି) ଟିକାର ବୈଜ୍ଞାନିକ ପରୀକ୍ଷା ସମ୍ପୂର୍ଣ୍ଣ ହୋଇଥିବା ବିଷୟ ଡକ୍ଟର ସିଂ ସିରମ୍ ଇନ୍‌ଷ୍ଟିଚ୍ୟୁଟ ପୁଣେର ସିଇଓ ଶ୍ରୀ ଅଦର ସି ପୁନେୱାଲ ଓ ଅନ୍ୟାନ୍ୟ ବିଶିଷ୍ଟ ବୈଜ୍ଞାନିକଙ୍କ ଗହଣରେ ଘୋଷଣା କରିଛନ୍ତି । ଘୋଷଣା କରି ଡକ୍ଟର ସିଂ କହିଛନ୍ତି ଯେ ଏହି କମ୍ ବ୍ୟୟ ସାପେକ୍ଷ ଓ ପ୍ରଭାବୀ ଟିକା ଡିଇଟି ଓ ବିଆଇଆରଏସି ନିମନ୍ତେ ଏକ ଗୁରୁତ୍ୱପୂର୍ଣ୍ଣ ଦିବସ ଓ ପ୍ରଧାନମନ୍ତ୍ରୀଙ୍କ ଦୂରଦୃଷ୍ଟି ସମ୍ପନ୍ନ ଆତ୍ମନିର୍ଭର ଭାରତ ପଥରେ ଆଉ ପାଦେ ଆଗେଇଛି ।

ଡକ୍ଟର ଜିତେନ୍ଦ୍ର ସିଂ କହିଛନ୍ତି ଯେ ଗର୍ଭାଶୟ କର୍କଟ ସର୍ବାଧିକ କର୍କଟ ରୋଗ ମଧ୍ୟରେ ଭାରତର ଦ୍ୱିତୀୟ ସ୍ଥାନରେ ଥିବାବେଳେ ଅନେକାଂଶରେ ନିରାକରଣ ସମ୍ଭବ, ଏହି ରୋଗ ଯୋଗୁଁ ବିଶ୍ୱର ଏକ ଚତୁର୍ଥାଂଶ କର୍କଟ ରୋଗୀ ପ୍ରାଣ ହରାଇଥାନ୍ତି । ସେ କହିଥିଲେ ଯେ, ବର୍ତ୍ତମାନର ଆକଳନ ଅନୁସାରେ ଭାରତରେ ୧.୨୫ ଲକ୍ଷ ମହିଳାଙ୍କଠାରେ ଗର୍ଭାଶୟ କର୍କଟ ରୋଗ ନିରୂପଣ ହୋଇଥିବାବେଳେ ୭୫ହଜାରରୁ ଊର୍ଦ୍ଧ୍ୱ ମୃତ୍ୟୁ ମୁଖରେ ପଡିଥାନ୍ତି । ଦ୍ରୁତଗତିରେ ମାଡିଯାଉଥିବା ଗର୍ଭାଶୟ କର୍କଟ ମଧ୍ୟରୁ ଶତକଡା ୮୩ଭାଗ ଭାରତରେ ଏଚପିଭି ୧୬ ବା ୧୮ ଯୋଗୁଁ ହେଉଥିବା ବେଳେ, ବିଶ୍ୱରେ ଏହା ଶତକଡା ୭୦ଭାଗ ଦେଖାଯାଇଥାଏ । ଗର୍ଭାଶୟ କର୍କଟ ନିରାକରଣ ନିମନ୍ତେ (ଏଚପିଭି) ବା ହ୍ୟୁମାନ ପାପିଲୋମାଭା ଭାଇରସ ପାଇଁ ଟିକାକରଣ  । ଏଚପିଭି ୧୬ ବା ୧୮ ପ୍ରଜାତି ଭୂତାଣୁ ମିଶି ବିଶ୍ୱର ଶତକଡା ୭୦ ଭାଗ ଦୃତ ପ୍ରସାରଗାମୀ ଗର୍ଭାଶୟ କର୍କଟ ମାମଲା ସୃଷ୍ଟି କରିଥାଏ ବୋଲି ସେ କହିଛନ୍ତି ।

ଡକ୍ଟର ଜିତେନ୍ଦ୍ର ସିଂହ କହିଥିଲେ ଯେ ନିରାକରଣ ସ୍ୱାସ୍ଥ୍ୟ ସମସ୍ୟା ନେଇ କୋଭିଡ ଆମକୁ ସଚେତନ କରିଛି । ବିଶେଷକରି ଭାରତ ଭଳି ଦେଶରେ ବିଭିନ୍ନ ସାମାଜିକ ଓ ଆର୍ଥିକ କାରଣ ଯୋଗୁଁ ନିରାକରଣ ଧର୍ମୀ ସ୍ୱାସ୍ଥ୍ୟ ଯତ୍ନ  କ୍ଷେତ୍ରରେ ସଚେତନତା କମ୍ ରହିଛି । ଆୟୁଷ୍ମାନ ଭଳି ଯୋଜନା ଯୋଗୁଁ ସମାଜର ଅବହେଳିତ ଓ ଦୁର୍ବଳ ଶ୍ରେଣୀର ବ୍ୟକ୍ତି ପାଂଚଲକ୍ଷ ଟଙ୍କା ପର୍ଯ୍ୟନ୍ତ ବୀମା ସୁବିଧା ପାଉଛନ୍ତି ବୋଲି ସେ କହିଥିଲେ  ।

ଅହମ୍ମଦାବାଦର ଜାଇଡସ୍ ବାୟୋଟେକ ପାର୍କ, ହାଇଦ୍ରାବାଦର ଭାରତ ବାୟୋଟେକ୍ ଓ ପୁଣେର ସିରମ୍ ଇନ୍‌ଷ୍ଟିଚ୍ୟୁଟକୁ ନଭେମ୍ବର ୨୦୨୦ ପ୍ରଧାନମନ୍ତ୍ରୀ ମୋଦୀ ଗସ୍ତ କରି ବ୍ୟକ୍ତିଗତ ଭାବେ ଟିକାର ବିକାଶ ଓ ନିର୍ମାଣ ପଦ୍ଧତି ନେଇ ସମୀକ୍ଷା କରିଥିଲେ । ମୋଦୀଙ୍କ ଏହି ପରିଦର୍ଶନର ଉଦାହରଣ ଦେଇ ଡକ୍ଟର ସିଂ କହିଥିଲେ “ସେତେବେଳେ ଶ୍ରୀ ମୋଦୀ କହିଥିଲେ ଯେ, ଭାରତ ଟିକାକୁ କେବଳ ଉତ୍ତମ ସ୍ୱାସ୍ଥ୍ୟ ଦୃଷ୍ଟିରୁ ବିଚାର କରେ ନାହିଁ ଓ ଏହା ବିଶ୍ୱର ହିତ ପାଇଁ ଉଦ୍ଦିଷ୍ଟ । ସେଥିପାଇଁ ଆମ ପଡୋଶୀ ଦେଶ ସହ ମିଶି ଭୂତାଣୁ ବିରୁଦ୍ଧରେ ସଂଗ୍ରାମ କରିବା ଭାରତର ଦାୟିତ୍ୱ ।”

ଡକ୍ଟର ସିଂ ଆହୁରି କହିଥିଲେ ଯେ ତ୍ୱରାନ୍ୱିତ ହେବାର ମାତ୍ର ବର୍ଷକ ମଧ୍ୟରେ କୋଭିଡ୍ ସୁରକ୍ଷା ଅଭିଯାନ ଅନେକ ସଫଳତା ହାସଲ କରିଥିଲା । ସେଥିମଧ୍ୟରେ (୧) ବିଶ୍ୱର ଡିଏନ୍‌ଏ ଟିକା (କୋଭିଡ-୧୯) ପାଇଁ । ଯାହା କାଡିଲା ହେଲଥ କେୟାର ଦ୍ୱାରା ପ୍ରସ୍ତୁତ ହୋଇ ୨୦ ଅଗଷ୍ଟ ୨୦୨୧ରେ ଜରୁରୀକାଳୀନ ବ୍ୟବହାର ନିମନ୍ତେ ସ୍ୱୀକୃତୀ ଲାଭ କଲା

(୨) ଦେଶର ପ୍ରଥମ ଏମଆରଏନଏ ଟିକା ଓ କୋଭିଡ-୧୯ ବିରୁଦ୍ଧରେ ଇଣ୍ଟର ନାଜାଲ ଟିକା । ସେ କହିଥିଲେଏ ଯେ “ସର୍ବାଭାକ୍‌” ଡିବିଟି ଓ ବିଆଇଆରଏସି ଏବଂ ବିଲ୍ ଆଣ୍ଡ ମିଲିଣ୍ଡା ଗେଟ୍ ଫାଉଣ୍ଡେସନର ମିଳିତ ସମନ୍ୱୟରେ ହୋଇଛି । ଭାରତରେ “ଗ୍ରାଣ୍ଡ ଚ୍ୟାଲେଞ୍ଜ ଇଣ୍ଡିଆ” କାର୍ଯ୍ୟକ୍ରମ ଭାଗିଦାରିତାରେ ସିରମ  ଇନ୍‌ଷ୍ଟିଚ୍ୟୁଟ ଅଫ ଇଣ୍ଡିଆ ଲିମିଟେଡ ଏହାକୁ ବିକଶିତ କରିଛି । କୌଣସି ବସ୍ତୁର ସଫଳତା ନିମନ୍ତେ ବୃଦ୍ଧିଜୀବୀ, ଶିଳ୍ପ ଓ ଗବେଷଣା ମିଳିତଭାବେ କାର୍ଯ୍ୟ କରିବା ଆବଶ୍ୟକ ବୋଲି ସେ କହିଥିଲେ ।

ମନ୍ତ୍ରୀ କହିଥିଲେ ଯେ ଜୈବପ୍ରଯୁକ୍ତି ବିଦ୍ୟା ବିଭାଗ (ଡିବିଟି ) ଭାରତୀୟ ଟିକା ଗବେଷଣା  ଓ ବିକାଶ ନିମନ୍ତେ ଗତ ତିନି ଦଶନ୍ଧି ଧରି ଜୋରଦାର ପ୍ରୟାସ ଜାରି ରଖିଛି । ବର୍ତ୍ତମାନ କେତେକ ଗୁରୁତ୍ୱପୂର୍ଣ୍ଣ ପଦକ୍ଷେପ ଟିକା ଗବେଷଣା କ୍ଷେତ୍ରରେ ନିଆଯାଉଛି । ସେଗୁଡିକ ମଧ୍ୟରେ (୧) ଭାରତ-ୟୁଏସ୍ ଟିକା ଆକ୍ସନ କାର୍ଯ୍ୟକ୍ରମ । ୨) ଜାତୀୟ ବାୟୋଫାର୍ମା ମିଶନ । ୩) ଆଇଏନଡିସିଇପିଆଇ ମିଶନ ଏବଂ ୪) ମିଶନ କୋଭିଡ ସୁରକ୍ଷା ଯାହା ଆତ୍ମନିର୍ଭର ଭାରତ ୩.୦ ଅଂଶ ବିଶେଷ ଭାବେ ଦେଶକୁ ଖୁବ୍ ଶୀଘ୍ର କମ୍ ବ୍ୟୟସାପେକ୍ଷ ଓ କାର୍ଯ୍ୟକ୍ଷକମ କୋଭିଡ-୧୯ ଟିକା ପାଇଁ ଉଦ୍ଦିଷ୍ଟ ଥିଲା ।

ଡିବିଟି ସଚିବ ଡକ୍ଟର ରାଜେଶ ଗୋଖାଲେ କହିଥିଲେ ଯେ ସମନ୍ୱିତ ଉଦ୍ୟମ ଯୋଗୁଁ ଏହା ସମ୍ଭବ ହୋଇଛି । ଗବେଷଣାଚଓ ପରିପାଟୀ ଗଠନ ନିମନ୍ତେ ସହଯୋଗ ସହ  ବିପୁଳ ପାଣ୍ଠିର ମଧ୍ୟ ଆବଶ୍ୟକତା ରହିଛି । ସମସ୍ତ ଘାତ ପ୍ରତିଘାତ ଦୂର କରି ଭାରତ ଟିକା ଓ ଔଷଧପତ୍ର ପ୍ରସ୍ତୁତ କ୍ଷେତ୍ରରେ ନେତୃତ୍ୱ ନେବ ବୋଲି ସେ କହିଥିଲେ ।

ସିଏସଆଇଆର ମହାନିର୍ଦ୍ଦେଶକ  ଡକ୍ଟର ଏନ୍‌.କଲାଇସେଲଭୀ କର୍କଟ ଟିକା ଭାରତୀୟ ଓ ସର୍ବୋପରି ବିଶ୍ୱ ବ୍ୟାପୀ ମହିଳାଙ୍କ ନିମନ୍ତେ ଖୁବ୍ ଉପଯୋଗୀ ହେବ । ଭବିଷ୍ୟତରେ “ସର୍ବାଭାକ୍‌”ର ପ୍ରଥମ ଦ୍ୱିତୀୟ ଓ ତୃତୀୟ ଟାଇପ  ମଧ୍ୟ ଆମେ ଦେଖିବା ଆତ୍ମନିର୍ଭର ଭାରତ ଏହା କରିପାରିବ ବୋଲି କହିଥିଲେ।

ସିରମ ଇନ୍‌ଷ୍ଟିଚ୍ୟୁଟ ଅଫ ଇଣ୍ଡିଆ, ପୁଣେର ସିଇଓ  ଶ୍ରୀ ଅଦର ସି  ପୁନେୱାଲା ତାଙ୍କର ସଂକ୍ଷିପ୍ତ ଅଭିଭାଷଣରେ କହିଥିଲେ ଯେ ମା’ ଓ ଶିଶୁର  ନିରାପତ୍ତାକୁ  ସିରମ ଇନ୍‌ଷ୍ଟିଚ୍ୟୁଟ ସଦାସର୍ବଦା ପ୍ରାଧାନ୍ୟ ଦେଇଥାଏ । ସେ ମଧ୍ୟ ଡିବିଟିର ସରକାରୀ ଓ ବେସରକାରୀ କ୍ଷେତ୍ର ମଧ୍ୟରେ ଭାରତରେ ଟିକା ଓ ଔଷଧପତ୍ର ବିକାଶ ସକାରାତ୍ମକ ମନୋଭାବର ସମର୍ଥନ କରିଥିଲେ ।

ଖ୍ୟାତନାମା ଚଳଚ୍ଚିତ୍ର ଅଭିନେତ୍ରୀ ମନୀଷା କୈରାଲା ଯେକି ସାହସର ସହ ଗର୍ଭାଶୟ କର୍କଟର ମୁକାବିଲା କରି ଏଥିରେ ସଫଳ ହୋଇଥିଲେ ସେ ଆଭାସୀ ମାଧ୍ୟମରେ ଯୋଗଦେଇ ବିଜ୍ଞାନ ଓ ପ୍ରଯୁକ୍ତି ମନ୍ତ୍ରଣାଳୟ ତଥା ବିଶେଷକରି ଜୈବ ପ୍ରଯୁକ୍ତି ବିଦ୍ୟା ବିଭାଗ (ଡିବିଟି)କୁ ଏହି ସଫଳତା ନିମନ୍ତେ ଧନ୍ୟବାଦ ଦେଇଥିଲେ । ସେ କହିଥିଲେ ଯେ ଆଜି ଭାରତ ଓ ସମଗ୍ର ବିଶ୍ୱରେ ମହିଳାମାନଙ୍କ ନିମନ୍ତେ ଏକ ବିରାଟ ଦିନ ଏଇଥି ପାଇଁ ଯେ କର୍କଟ ସତ୍ତ୍ୱେ ମଧ୍ୟ ଜୀଇଁବା ସମ୍ଭବ । କମ୍ ବ୍ୟୟ ସାପେକ୍ଷ ନିରାକରଣଜନିତ ଉପଚାର ଲକ୍ଷ ଲକ୍ଷ ରୋଗୀଙ୍କ ମନରେ ଆଶାର ସଂଚାର କରିବ ।

ଡିବିଟିର ବରିଷ୍ଠ ଉପଦେଷ୍ଟା ତଥା ବିଆଇଆରଏସିର ପରିଚାଳନା ନିର୍ଦ୍ଦେଶକ ଡକ୍ଟର ଅଳକା ଶର୍ମା ସ୍ୱାଗତ ଭାଷଣ ଦେଇଥିବାବେଳେ, ଅଭିଯାନ ନିର୍ଦ୍ଦେଶକ ଓ ମିଶନ କୋଭିଡ ସୁରକ୍ଷା ତତ୍ତ୍ଵାଧିକାରୀ ଡକ୍ଟର ଶୀର୍ଷେନ୍ଦୁ ମୁଖାର୍ଜୀ ଧନ୍ୟବାଦ ଅର୍ପଣ କରିଥିଲେ ।

ଏମ୍ସ ନୂଆଦିଲ୍ଳୀର ପ୍ରସୂତି ଓ ସ୍ତ୍ରୀରୋଗ ପ୍ରଫେସର ଡକ୍ଟର ନିରଜା ଭାଲ୍ଲା, ଆଇଏନସିଏଲଇଏନ୍ ଟ୍ରଷ୍ଟ  ନୂଆଦିଲ୍ଳୀର ଡକ୍ଟର ଆର.ଏନ.କେ ଆରୋରା, ସିରମ ଇନ୍‌ଷ୍ଟିଚ୍ୟୁଟ ଇଣ୍ଡିଆ ପୁଣେ କାର୍ଯ୍ୟନିର୍ବାହୀ ନିର୍ଦ୍ଦେଶକ ଡକ୍ଟର ଉମେଶ ଶାଲୀଗ୍ରାମ, ଫରିଦାବାଦ ଟିଏଚଏସଟିଆଇର ସହକାରୀ ପ୍ରଫେସର ଡକ୍ଟର ଗୁରୁପଦ ଆର ମେଡିଗେସୀ ଓ ଆରଜିସିବି ତିରୁଅନନ୍ତପୁରମ୍‌ର ବିଜ୍ଞାନୀ ଡକ୍ଟର ଦେବସେନା ଅନନ୍ତରମଣ ଏଥିରେ ଅଂଶଗ୍ରହଣ କରିଥିଲେ ।

*****

SM/SLP