সাইন্স অমসুং তেক্নোলোজিগী রাজ্য মন্ত্রী(মনিংতম্বা); আর্থ সাইন্সেসকী রাজ্য মন্ত্রী(মনিংতম্বা); পি.এম.ও, পর্সোনেল, পব্লিক গ্রিভান্সেস, পেন্সন্স, এতোমিক ইনর্জি অমসুং স্পেসকী রাজ্য মন্ত্রী দোক্তর জিতেন্দ্র সিংহনা সার্ভাইকাল কেন্সর ঙাকথোক্নবা ভারতনা অহানবা পুথোকপা তিকা “সের্ভাভেক” হৌদোকখ্রে।

সেরম ইন্সতিতুৎ ওফ ইন্দিয়াগী সি.ই.ও অদার সি.পুনাৱালা অমসুং অতোপ্পা শক্নাইরবা সাইন্তিস্তশিং অমসুং শক্নাইরবশিং শরুক য়াখিবা থৌরম অদুদা ক্বাদ্রিভেলেন্ত হুমেন পাপিলোমা ভাইরস(qHPV) তিকা পুথোকপা অসি লাউথোক্লদুনা দোক্তর জিতেন্দ্রনা হায়খি মমল হোঙবা অমসুং কান্নরবা তিকা অসি দি.বি.তি অমসুং বিরাককী মরুওইবা নুমিৎ অমনি অমসুং মসিনা প্রধান মন্ত্রী মোদীগী অত্মানির্ভার ভারতকী মঙলান অদু মঙফাওন্নবা ভারতনা খোঙথাং অমা খুমাঙচাউশিল্লে।

দোক্তর জিতেন্দ্রনা হায়খি ভারত্তা খ্বাইদগী নাগনবা কেন্সরশিংগী মনুংদা সার্ভাইকাল কেন্সরনা অনিশুবদা লৈরি অমসুং মাঙজৌন্না ঙাকথোকপা ঙম্লবসু মালেমগী ওইনা সার্ভাইকাল কেন্সরনা শিহনবা শরুক মরিগী মনুংদা শরুক অমা ভারতনা ওইরি। চহি খুদিংগী চাউরাক্না নুপী লাখ ১.২৫ রোম সার্ভাইকাল কেন্সর নারি অমসুং ভারত্তা মীওই লিশিং ৭৫ হেন্না লায়না অসিনা শিরি অমসুং ভারত্তা সার্ভাইকাল কেন্সরগী চাদা ৮৩দি ঐচ.পি.ভি ১৬ নত্ত্রগা ১৮না থোকহল্লি অমসুং মালেমগী ওইনা চাদা ৭০ ওইরি। সার্ভাইকাল কেন্সর ঙাকথোক্নবা খ্বাইদগী ফবদি হুমেন পাপিলোমাভাইরস(ঐচ পি ভি)দগী ঙাকথোক্নবা তিকা থাবনি। মালেমগী ওইনা চাউরাক্নবা সার্ভাইকাল কেন্সরগী চাদা ৭০ রোম ঐচ.পি.ভি তাইপ ১৬ অমসুং ১৮ না থোকহনবনি হায়না পানরি।

দোক্তর জিতেন্দ্রনা হায়খি লায়নাশিং মাঙজৌন্না ঙাকথোকপগী মতাংদা কোবিদনা মরম ওইদুনা ঐখোয় মিকপ থোকহল্লে। লুপা লাখ ৫ ফাওবগী হকশেলগী ইন্সুরেন্স ফংদুনা লায়রবশিং অমসুং খুন্নাইগী তোল্লবা কাংলুপশিং মাঙজৌন্না ঙাকথোকপা ঙম্বা লায়নাশিং ঙাকথোক্নবগী অফবা মখলগী খুদোংচাবশিং অয়ুস্মান ভারতকুম্বা স্কিমশিংনা ফংহল্লে।

কোবিদকী তিকা শুংবগী থবক হকথেংন্না য়েংশিন্নবা ২০২০গী নবেম্বরদা মোদীনা অহমেদবাদগী জাইদস বাইওতেক পার্ক, হায়দ্রবাদকী ভারত বাইওতেক অমসুং পুনেগী সেরম ইন্সতিতুৎ ওফ ইন্দিয়াদা চৎখিবা অদু নিংশিংলদুনা দোক্তর জিতেন্দ্রনা হায়খি তিকাশিং অসি হকচাং ফনা লৈনবা খক নত্তনা মালেমগী ওইনা অফবা অমা ওইনবা মতম অদুদা প্রধান মন্ত্রীনা ফোঙদোকখি অমসুং ভাইরস অসি অপুনবগী ওইনা থেংন্নবা ঐখোয়গা য়ুম্লোন্নরিবা লৈবাকশিং য়াওনা অতোপ্পা লৈবাকশিং মতেং পাংবা হায়বসি ভারতকী থৌদাংনি।

দোক্তর জিতেন্দ্রনা হায়খি থবক ওইনা চৎনবা হৌবা চহি অমগী মনুংদা মিসন কোবিদ সুরক্ষা অসি চাউনা মাইপাক্লে; মাইপাক্লবা থবকশিং অদুদি ওগস্ত ২০, ২০২১দা ইমর্জেন্সি য়ুজ ওথোরাইজেসন ফংদুনা কাদিলা হেল্থকিয়ারনা মালেমগী অহানবা কোবিদ-১৯গী দি.এন.এ তিকা পুথোক্লে, লৈবাক অসিগী অহানবা কোবিদ-১৯গী এম.আর.এন.এ তিকা অমসুং ইন্ত্রানেসেল ভেকসিন পুথোক্লে। বিল এন্দ মেলিন্দা গেতস ফাউন্দেসন অমসুং দি.বি.তি অমসুং বিরাকনা পুন্না থবক তৌমিন্নবগী মহৈ ওইনা ‘সের্ভাভেক’ পুথোক্লে। লৈবাক অসিনা মশাগী ওইবা ক্বাদ্রিভেলেন্ত তিকা পুথোক্নবা ‘গ্রান্ত চেলেঞ্জেস ইন্দিয়া’গী মখাদা সেরম ইন্সতিতুৎ ওফ ইন্দিয়া প্রাইভেৎ লিমিতেৎনা মতেং পাংখি। কান্নবা পোৎথোকশিং পুথোক্নবগীদমক অখঙ-অহৈশিং, উদোগশিং অমসুং রিছর্স পুন্না থবক তৌমিন্নগদবনি।

মিনিস্তরনা হায়খি হৌখিবা চহি ৩০ অসিদা ভারতনা তিকাগী লমদা থিজিনবগী থবক মপাঙ্গল কনখৎহন্নবা বাইওতেক্নোলোজি দিপার্তমেন্তনা অকনবা থবক কয়া পায়খৎতুনা লাক্লি। হৌজিক পায়খৎলিবা মরুওইবা থবকশিং মনুংদা ইন্দো-য়ু.এস ভেকসিন এক্সন প্রোগ্রাম, নেসনেল বাইওফার্মা মিসন, ইন্দ-সেপি মিসন অমসুং মিসন কোবিদ সুরক্ষা য়াওরি। লৈবাক মীওই খুদিংমক্তা অশোই-অঙাম থোক্তবা, মমল হোঙবা অমসুং কান্নবা লৈবাক অসিনা পুথোকচবা কোবিদ-১৯ তিকা ফংহন্নবা পান্দমদা অত্মানির্ভার ভারত ৩.০গী শরুক অমা ওইনা মিসন কোবিদ সুরক্ষা হৌদোক্লে।

দি.বি.তিগী সেক্রেতরি, দোক্তর রাজেস গোখালেনা হায়খি মসি মরী লৈনবা খুদিংমক্না অপুনবা ওইনা হোৎনবগী হরাওবা অমনি অমসুং অচৌবা ফন্দ দরকার ওইবা মরম্না রিছর্স অমসুং দিবলপমেন্তগী থবকশিংদা উদোগশিংগা পুন্না থবক তৌমিন্নবা য়াম্না মরুওই। মীওই খুন্নাইগী হেন্না য়াইফনবা অথিংবা খুদিংমক মায়োক্নদুনা তিকা অমসুং হিদাক-লাংথক পুথোকপদা ভারতনা মাঙজিল থাগনি।

সি.এস.আই.আরগী দি.জি দোক্তর এন. কালাইসেলভিনা হায়খি কেন্সর ভেকসিন্না ভারতকী নুপীশিং অমসুং মালেমগী নুপীশিং মতেং পাংলগনি অমসুং তেক্নোলোজিশিংগী মতম অসি য়াম্না তেনবা মরম্না অথুবা মতমদা “সের্ভাভেক”গী ভর্জন ১,২ অমসুং ৩ পুথোক্নবা ঐখোয়না থাজবা থম্লি। “ভারতনা থবক ওইনা পাংথোকপা ঙমগনি” অমসুং অত্মানির্ভারভারতকী অশেংনবা থৌনাগা লোয়ন্না ভারতকী অৱাবশিং ভারতকী থবকশিংনা কোকহনবা ঙমগনি।

সেরম ইন্সতিতুৎ ওফ ইন্দিয়া, পুনেগী সি.ই.ও অদার সি.পুনাৱালানা হায়খি মমা অমসুং অঙাং ঙাকথোকপা অমসুং হকচাং ফনা থম্বা হায়বসি সেরম ইন্সতিতুৎকী মরুওইবা ৱাঙুলোন্নি অমসুং মশা-মউ ফবা ভারত অমনা থবক তৌবা ঙম্বা ভারত অমা ওইহনগনি। ভারত্তা হিদাক-লাংথকশিং অমসুং তিকাশিং শুংনবগীদমক লনাই অমসুং সরকারগী সেক্তরশিংগী হেন্না পুন্না থবক তৌমিন্নবা দি.বি.তিগী পান্দম অদু মহাক্না শৌগৎখি।

মাইপাকপা অসিগীদমক সাইন্স অমসুং তেক্নোলোজি মিনিস্ত্রি অমসুং মরুওইনা দি.বি.তি থাগৎনবগীদমক থৌনা ফনা ওভেরিয়ান কেন্সরগী লানফমদা মাইপাক্লবী শক্নাইরবী ফিল্ম এক্ত্রেস মনিসা কোইরালা ভর্চুএল ওইনা শরুক য়াখি। মহাক্না হায়খি নুমিৎ অসি ভারতকী নুপীশিং অমসুং মালেমগী নুপীশিং নুংঙাইবা নুমিৎ অমনি অমসুং কেন্সরগী তুংদশু পুন্সি লৈরি। মাঙজৌন্না ঙাকথোক্নবা লায়য়েং অসিনা অনাবা মীওই কয়া “য়েস তু লাইফ” হায়নবা থৌনা পীরগনি।

দি.বি.তিগী সেনিয়র এদভাইজর অমসুং বিরাককী এম.দি দোক্তর অলকা শর্ম্মনা তরাম্না ওকপগী ৱারোল পীখি অমসুং গ্রান্ত চেলেঞ্জেস ইন্দিয়াগী মিসন দিরেক্তর অমসুং মিসন কোবিদ সুরক্ষা, বিরাককী ইন-চার্জ দোক্তর সিরসেন্দু মুখর্জিনা থাগৎ ৱাহৈশিং থমখি।

থৌরম অদুদা এ.আই.আই.এম.এস, নিউ দিল্লিগী গাইনোকোলোজি অমসুং ওবস্ত্রেতিক্সকী প্রোফেসার দোক্তর নিরজা ভাতলা, ইনক্লেন ত্রস্ত, নিউ দিল্লিগী দোক্তর এন.কে অরোরা, সেরম ইন্সতিতুৎ ওফ ইন্দিয়া, পুনেগী ইজিকিউতিপ দিরেক্তর দোক্তর উমেস সালিগ্রাম, থসতি, ফরিদবাদকী এসিস্তেন্ত প্রোফেসার দোক্তর গুরুপ্রসাদ আর.মেদিগেসি অমসুং আর.জি.সি.বি, থিরুভনন্থপুরমগী সাইন্তিস্ত দোক্তর দেবসেনা অনন্থরমন শরুক য়াখি।

*****