પ્રધાનમંત્રી શ્રી નરેન્દ્ર મોદીની અધ્યક્ષતામાં આર્થિક બાબતોની કેબિનેટ સમિતિએ પ્રાઈસ સપોર્ટ સ્કીમ (PSS) હેઠળ મેળવેલા કઠોળના સ્ટોકમાંથી વિવિધ કલ્યાણકારી યોજનાઓ માટે ઉપયોગમાં લેવાતા રાહત દરે ચણા (કઠોળ)ના નિકાલને મંજૂરી આપી છે.  અને પ્રાઇસ સ્ટેબિલાઇઝેશન ફંડ (PSF), અને PSS હેઠળ તુવેર, અડદ અને મસુરના સંદર્ભમાં હાલના 25% થી 40% સુધીની પ્રાપ્તિની મર્યાદામાં વધારો કર્યો છે.

આ માન્ય યોજના હેઠળ, રાજ્યો/કેન્દ્રશાસિત પ્રદેશોની સરકારને વહેલા તે પહેલા સેવાના ધોરણે સોર્સિંગ રાજ્યની ઇશ્યૂ કિંમત પર કિલો દીઠ 8રૂ.ના ડિસ્કાઉન્ટ પર 15 લાખ મેટ્રિક ટન ચણા ઉપાડવાની ઓફર કરવામાં આવી છે. રાજ્યો/કેન્દ્રશાસિત પ્રદેશો તેમના રાજ્યો/કેન્દ્રશાસિત પ્રદેશોમાં તેમની વિવિધ કલ્યાણ યોજનાઓ/કાર્યક્રમો જેમ કે મધ્યાહન ભોજન, જાહેર વિતરણ વ્યવસ્થા, સંકલિત બાળ વિકાસ કાર્યક્રમો (ICDP) વગેરેમાં આ કઠોળનો ઉપયોગ કરે છે. આ 12 મહિનાના સમયગાળા માટે અથવા ચણાના 15 લાખ મેટ્રિક ટન સ્ટોકના સંપૂર્ણ નિકાલ સુધી બેમાંથી જે વહેલું હોય ત્યાં સુધી એક વખતનું વિતરણ હશે. સરકાર આ યોજનાના અમલીકરણ માટે 1200 કરોડ રુપિયાનો ખર્ચ કરશે.

આ નિર્ણયો રાજ્યો/કેન્દ્રશાસિત પ્રદેશોને વિવિધ કલ્યાણકારી યોજનાઓ જેવી કે પીડીએસ, મધ્યાહન ભોજન યોજનાઓ વગેરેમાં ચણાનો ઉપયોગ કરવા સક્ષમ બનાવશે ઉપરાંત વેરહાઉસની જગ્યા ઉપલબ્ધ કરાવશે, જે ભાવ સહાય યોજના હેઠળ ખરીદવામાં આવેલા નવા સ્ટોકને સમાવવા માટે આગામી રવી સિઝનમાં જરૂરી હોઈ શકે છે. ખેડૂતોને કઠોળના લાભકારી ભાવ મેળવવામાં મદદ કરશે ઉપરાંત, વધુ ખેડૂતોને વધુ રોકાણ કરીને આવા કઠોળ ઉગાડવા માટે પ્રોત્સાહિત કરશે અને તેમની પેદાશના વળતરરૂપ ભાવ મેળવવામાં મદદ કરશે. વધુમાં, આ આપણા દેશમાં આવા કઠોળની આત્મનિર્ભરતા હાંસલ કરવામાં પણ મદદ કરશે.

તાજેતરના સમયમાં દેશમાં ખાસ કરીને છેલ્લા ત્રણ વર્ષમાં ચણા (કઠોળ)નું સર્વકાલીન ઉચ્ચ ઉત્પાદન જોવા મળ્યું છે. ભાવ આધાર યોજના હેઠળ ભારત સરકારે રવિ 2019-20, 2020-21 અને 2021-22 દરમિયાન ચણાની રેકોર્ડ ખરીદી કરી છે. આ કારણે આગામી રવી સિઝનમાં પણ પીએસએસ અને પીએસએફ હેઠળ સરકાર પાસે 30.55 લાખ મેટ્રિક ટન ચણા ઉપલબ્ધ છે, ચણાનું ઉત્પાદન સારું રહેવાની ધારણા છે. 22-23 દરમિયાન ચણાના લઘુત્તમ ટેકાના ભાવમાં વધારા સાથે આનાથી પ્રાઇસ સપોર્ટ સ્કીમ હેઠળ વધારાની ખરીદી કરવામાં આવશે.

SD/GP/NP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com