ভারত সরকারগী য়ুথ এফেয়ার্স অমসুং স্পোর্তস মিনিস্ত্রিনা স্পোর্তস এৱার্দস ২০২২গী এপ্লিকেসনশিং কৌরি। চহি ২০২২গী ওইনা হায়রিবা স্পোর্তস এৱার্দশিং অসিগী এপ্লিকেসন পীশিল্লক্নবা নোতিস ৱেবসাইত www.yas.nic.in দা থাগৎলে। ইন্দিয়ান ওলেম্পিক এসোসিএসন/স্পোর্তস ওথোরিতি ওফ ইন্দিয়া/শকখঙলবা নেসনেল স্পোর্তস ফেদেরেসনশিং/স্পোর্তস প্রোমোসন বোর্দশিং/রাজ্য অমসুং য়ু.তি সরকারশিংদশু খঙহনখ্রে।

মনা ফংলবা য়ারবা শান্নরোয়শিং/কোচশিং/শান্নবগী থবক তৌরিবা লুপশিং/য়ুনিভর্সিতিশিংদগী মনাগী এপ্লিকেসন পীশিল্লক্নবা খঙহল্লি। চৎলিবা চহি অসিগী হৌদুনা, অখন্নবা পোর্তেল অমদগী ওনলাইন্দা এপ্লিকেসনশিং কৌরে। মনা অসিগী চৎন-কাংলোনশিংগী মতুংইন্না মতিক চারবা মনা ফংবা য়ারবা মীওইশিংনা ওথোরিতিশিং/মীওইশিংগী রিকমেন্দেসন য়াওদনা ওনলাইন্দা পোর্তেল dbtyas-sports.gov.in মশা মরোমদোম এপ্লিকেসন পীশিনবা য়ারে।

করিগুম্বা ওনলাইন এপ্লিকেসন পীশিনবদা খুদোংচাদবা থেংনরবদি, এপ্লিকেসন পীশিল্লিবা মীওই অমনা স্পোর্তস দিপার্তমেন্তগী ই-মেল আই.দি section.sp4-moyas[at]gov[dot]in নত্ত্রগা তেলিফোন নম্বর ০১১-২৩৩৮৭৪৩২দা ওফিস মতমদা অয়ুক পুং ৯.০০দগী নুংথিলগী পুং ৫.৩০ ফাওবগী মনুংদা পাউ ফাউনবা য়াগনি। মনা ফংবা য়ারবা শান্নরোয়শিংগী এপ্লিকেসন অদু সেপ্তেম্বর ২০, ২০২২গী নুমিদাংগী পুং ১১.৫৯ ফাওবগী মনুংদা পোর্তেল dbtyas-sports.gov.in দা পীশিনগদবনি। হায়রিবা মতম অসিগী মতুংদা লাকপা এপ্লিকেসনশিং খন্নরোই।

শান্নবদা হৈথোই-শিংথোইবশিং ইকায়খুম্নবা উৎনবা অমসুং শেনগী মনা পীনবা চহি খুদিংগী স্পোর্তস এৱার্দশিং পীরি। চহি মরিগী মনুংদা শান্ন-খোৎনবগী লমদা শিংথানিংঙাই ওইবা অমসুং খ্বাইদগী মশক থোকপা উৎপা ঙম্বা শান্নরোয় অমদা মেজর ধ্যান চান্দ খেল রত্ন এৱার্দ পীরি; চহি মরিগী মনুংদা শিংথানিংঙাই ওইনা শান্নবা শান্নরোয়দা অর্জুন এৱার্দ পীরি; মমিং লৈরবা মালেম থাক্কী শান্নবগী থৌরমশিংদা মেদল লৌবা ঙম্বা শান্নরোয়শিং পুথোকপগীদমক কোচশিংদা দ্রোনাচার্য়া এৱার্দ পীরি অমসুং শান্ন-খোৎনবা চাউখৎনবগীদমক মতম শাংনা থবক তৌরকপা মীওইশিংদা ধ্যান চান্দ এৱার্দ পীরি। শান্ন-খোৎনবা চাউখৎনবা অমসুং য়োকখৎনবা থবক তৌবা কোর্পোরেত বোদিশিং অমসুং লনাই মীওইশিংদা রাস্ত্রিয়া খেল প্রোতসাহন পুরুস্কার পীরি। ইন্তর-য়ুনিভর্সিতি তুর্নামেন্তশিংদা মকোক থোঙবা য়ুনিভর্সিতিদা মৌলানা অব্দুল কলাম এজাদ(মাকা)ত্রোফি পীরি।

*****