ত্রাইবেল এফিয়র্স মন্ত্রালয়
আশ্বাসন কেম্পেনগী মখাদা খুঙ্গং ৬৮,০০০ হেনবদা ত্রাইবেল এফিয়র্স মন্ত্রালয় অমসুং হকশেল অমসুং য়াইফ-য়ুম্বাল মন্ত্রালয়না য়ুমথোং-য়ুমথোং চৎতুনা তি.বি.গী স্ক্রীনিং পাঙথোকখ্রে
থৌরাং অসিগী মখাদা মীওই করোর ১ হেন্না স্ক্রীনিং তৌখি
Posted On:
26 AUG 2022 12:51PM by PIB Imphal
ত্রাইবেল এফিয়র্স মন্ত্রালয় অমসুং হকশেল অমসুং য়াইফ-য়ুম্বাল মন্ত্রালয়গী তি.বি. দিবিজন্না ‘ত্রাইবেল তি.বি. ইনিসিএতিব’কী মখাদা চত্থখিবা নুমিৎ ১০০নিগী আশ্বাসন কেম্পেনদা ফংখিবা লৌশিং অদু পাকশন্না খঙহন্নবগীদমক নই দিল্লীগী নেস্নেল ত্রাইবেল রিসর্চ ইন্সতিত্যুত (এন.তি.আর.আই.)দা ওগস্ত ২৪দা নেস্নেল কনক্লেব অমা পাঙথোকখি।
ত্রাইবেল তি.বি. ইনিসিএতিব অসি য়ু.এস.এ.আই.দি.না তেক্নিকেল পার্তনর অমসুং পিরমাল স্বাস্থ্যনা ইমপ্লিমেন্ত পার্তনর ওইনা সপ্পোর্ত তৌখিবা ত্রাইবেল এফিয়র্স মন্ত্রালয় অমসুং হকশেল মন্ত্রালয়গী সেন্ত্রেল তি.বি. দিবিজনগী অপুনবা থৌরাং অমনি।
ত্রাইবেল তি.বি. ইনিসিএতিবকী লুচিং মখাদা ভারতকী ত্রাইবেল জিলা ১৭৪দা তি.বি.গী এক্তিব কেস খঙদোক্নবগীদমক চহি অসিগী জনুৱারী ৭তা হৌদোকখি। মসি মহারাস্ত্রগী ননদুরবর জিলাদগী লমথাখি। থৌরাং অসিগী মখাদা খুঙ্গং ৬৮,০১৯দা য়ুমথোং-য়ুমথোং চংদুনা তি.বি.গী স্ক্রীনিং তৌখি। মীওই ১,০৩,০৭,২০০গী ভর্বেল স্ক্রীনিংদা মীওই ৩,৮২,৮১১না প্রিজুম্পতিব তি.বি. নাই হায়বা খঙবা ঙমখি। মসিগী মনুংদা সেম্পল ২,৭৯,৩২৯ (৭৩%) তি.বি.গীদমক তেস্ত তৌখি অমদি মীওই ৯,৯৭১না তি.বি. পোজিতিব ওইখি অমসুং জি.ও.আই.গী প্রোতোকল মতুং ইন্না লায়েং চত্থখি।
থৌরম অদুদা ৱা ঙাংলদুনা এম.ও.তি.এ.গী জোইন্ত সেক্রেতরী দা. নবলজিৎ কাপুরনা হায়খি, “আশ্বাসন কেম্পন্না কেম্পেন অসিবু মাইপাকহনবা পাম্বা কম্ম্যুনিতী ইনফ্যুন্সর লাখ ২রোমনা থৱায় য়াওনা শরুক য়াখি। মসিদা ত্রাইবেলগী লুচিংবশিং, ত্রাইবেল হিলরশিং, পি.আর.আই. মেম্বরশিং, এস.ঐচ.জি.শিং অমসুং ত্রাইবেলগী মফমদা লৈরিবা নহারোলশিং য়াওখি মখোয়না স্ক্রীনিং প্রোসেস অমসুং কম্ম্যুনিতী এৱের্নেস চত্থবদা কেম্পন অসিদা শরুক য়াখি”। সেন্ত্রেল তি.বি. দিবিজন, স্তেৎ তি.বি. ওফিসরশিং অমসুং দিস্ত্রিক তি.বি. ওফিসরশিংগা লোয়ননা থবক তৌখিবা পিরামল ফাউন্দেসন অমসুং য়ু.এস.এ.আই.দি.না হোৎনখিবশিং অদুবু মহাক্না থাগৎপা ফোঙদোকখি। মহাক্না মখা তারদুনা হায়খি দেতা অদুনা ত্রাইবেল কাংলুপশিং অসি অতোপ্পা মীওই কাংলুপশিংগা য়েংনবদা রেস্পিরেতরী দিজিজ অমসুং তি.বি.না নাবা য়াবগী হেন্না খুদোংথিনীংঙাই ওই হায়না উৎখি। মহাক্না রাজ্যগী হকশেল বিভাগশিংনা ইনফ্রাস্ত্রকচরেল গেপ এনালাইসিস পাঙথোক্নবা অমসুং মরী লৈনবা রাজ্যগী ত্রাইবল ৱেল্ফিয়র বিভাগকী খুত্থাংদা এম.ও.ঐচ.ঐফ.দবল্যু অমসুং ত্রাইবেল এফিয়র্স মন্ত্রালয়দগী ফন্দশিং লৌনবা হায়খি।
সেন্ত্রেল তি.বি. দিবিজনগী দি.দি.জি. শ্রী বিবেকানন্দ গীরিনা সি.তি.দি.গী ত্রাইবেল তি.বি. ইনিসিএতিবকী মতাংদা প্রজেন্ত তৌখি। এ,দি.জি. দা, রঘুরাম রাওনা সেন্ত্রেল তি.বি. দিবিজন্না তি.বি.গী সমস্যা কোকহন্নবা ত্রাইবেল কাংলুপশিংগা লোয়ননা থবক তৌমিন্নবা পাম্মি হায়না ফোঙদোকখি। আশ্বাসন কেম্পেনগী খুত্থাংদা ফংখিবা দেতাগা লোয়ননা সি.তি.দি.না তি.বি. হোৎস্পোৎশিং মেপ তৌরগনি অমসুং মদুবু স্তার্তিং পোইন্ত ওইনা লৌরগনি।
থৌরম অদুদা ৱা ঙাংলদুনা য়ু.এস.এ.আই.দি. ইন্দিয়াগী দিরেক্তর-হেল্থ, সঙ্গিতা পতেলনা ত্রাইবেল কাংলুপশিংগী মরক্তা তি.বি কোকহন্নবা মখোয়না হোৎনখিবা অদুগীদমক ত্রাইবেল এফিয়র্স মন্ত্রালয় অমসুং হকশেল মন্ত্রালয়বু থাগৎপা ফোঙদোকখি। “কম্ম্যুনিতীগী থাক্তা মেম্বর ২২০০ হেনবনা থবক তৌবগা লোয়ননা মাইপাকখিবা অসিগী মরমদা খন্থরুবদা নুংঙাইবা ফাওই। মীওই মিলিয়ন ১০ য়ৌশিনবা ঙমখি, অমসুং মখোয়গী মরক্তগী তি.বি. নাবা মীওই ১০,০০০ মশক খঙদোকখিবা অসি য়াম্না নুংঙাই। তি.বি. ফ্রী ত্রাইবেল দিস্ত্রিক্ত ৭৫ শুহন্নবা হোৎনরিবা অসিদা ঐহাক্না অপেনবা পোকই অদুবু অতোপ্পা ত্রাইবেল দিস্ত্রিক্তশিংসু নাথৈদুনা থমলোইদবনি”।
ভারতকী নীংতম্বা ফংবগী চহি ৭৫ শুরকপা অসিদা মাংদা চংশিনবা ওইনা লাক্কদৌরিবা থাশিংদা অকনবা মীৎয়েং চংনবা হায় বর্দন ত্রাইবেল দিস্ত্রিক্ত ৭৫ খনগৎখি। মখাদা পীরিবা অসিদা মীৎয়েং চংগদবা জিলা ৭৫কী হীরম অহুম য়াওবা লালোং অমা পুথোকখি:
- কম্ম্যুনিতী মোবিলাইজেসন, তি.বি.গী এৱের্নেস হেনগৎহনবা, লাইওংশিং, শন্দোকপা অমসুং লায়েংবগী মওংশিং, অমসুং তি.বি.গা মরী লৈনবা অরানবা ৱাখল্লোন অমসুং অকিবা কোকহনবা হায়রিবা অসিগী থৌওং চত্থবদা মেপ তৌখিবা কম্ম্যুনিতী ইনফ্ল্যুন্সরশিংগা লোয়ননা লেপ্পা লৈতনা থবক তৌবগী খুত্থাংদা তি.বি. সর্ভিসেসকী দিমান্দ হেনগৎহনবা।
- তি.বি. তেস্তিং অমসুং দাইগনোসিস ইনফ্রাস্ত্রকচর হেনগৎহনবা, ইমপ্লিমেন্তেসন গেপশিং লৈহন্দনবা পি.আই.পি.শিং অমসুং অতোপ্পা ফন্দিংগী সোর্সশিং শীজিন্নবা অমসুং কস্তমাইজ সোল্যুসনিংগী প্রোবিজনশিং অসিগী খুত্থাংদা তি.বি. সর্ভিসেসকী দেলিবরী হেনগৎহনবা।
- এক্তিব কেস খঙদোকপগী কেম্পেনশিংগী খুত্থাংদা লাইনা শন্দোকপগী অকিবা হন্থহনবা অমসুং ইনফেক্সনগী পুল হন্থহনবা।
মাংদা লৈরিবা লম্বী অদুগী মতাংদা পুথোক্লদুনা ত্রাইবেল তি.বি. ইনিসিএতিব, পিরমাল স্বাস্থ্যগী চীফ ওফ পার্তী দা. সোভা এক্কানা হায়খি, “পিরমাল স্বাস্থ্যনা ভারত শিনবা থুংবদা লৈরিবা ত্রাইবেল মীওই করোর কয়াগী হকশেল অমসুং মশা-মউ ফনা থম্বা হায়বা অসিদা খোঙফম চেৎনা লেপ্পি; অমসুং তি.বি.-ফ্রী ত্রাইবেল কম্ম্যুনিতী হায়বা অসি তি.বি.-ফ্রী ইন্দিয়াগী খুদমনি”। থৌরম অদুদা বিনিতা শ্রীবাস্তবা (এদভাইজর ত্রাইবেল হেল্থ সেল, ত্রাইবেল এফিয়র্স মন্ত্রালয়) অমসুং দা. শাইলেন্দ্র হেগরে অমসুং অশ্বিন দেশমুখ সিনিয়র ভি.পি., পিরমাল স্বাস্থ্যনা শরুক য়াখি। থৌরম অদুদা স্তেৎ অমসুং দিস্ত্রিক্ত তি.বি. ওফিসরশিং, তেক্নিকেল এক্সপর্তশিং, কম্ম্যুনিতী ইনফ্ল্যুন্সরশিং অমসুং দিবেলপমেন্ত পার্তনরশিংনসু শরুক য়াখি।
******
(Release ID: 1854700)
Visitor Counter : 141