এজুকেসন অমসুং স্কিল দিবেলপমেন্ত এন্ত ওন্তপ্রিনোর্শিপকী কেন্দ্র মন্ত্রী শ্রী ধর্মেন্দ্র প্রধান্না ঙসি ৱেস্তর্ন সিদনী য়ুনিভর্সিতী (দবল্যু.এস.য়ু.)দা ওস্ত্রেলিয়াগী কাউন্তরপার্ত হিস এক্সিলেন্সী জেসন ক্লেয়রগা লোয়ননা বাইলেতরেলগী মীফম অমদা শরুক য়াখ্রে অমসুং ওস্ত্রেলিয়া ইন্দিয়া এজুকেসন কাউন্সিল (এ.আই.ই.সি.)গী ৬শুবা মীফমদা পুন্না ময়াই তাংবল লৌমিন্নখ্রে।

বাইলেতরেলগী মীফম মনুংদা মন্ত্রীশিংনা এজুকেসন, স্কিল দিবেলপমেন্ত, রিসর্চ, ইনোভেসন অমসুং ওন্তপ্রিনোর্শিপতা তেংবাং পীনরিবা অসি হেন্না মপাঙ্গল কনখৎহন্নবগী মতাংদা মাইপাক্না খন্ন-নৈনখি। শ্রী ধর্মেন্দ্র প্রধান্না ভারত্তা ওস্ত্রেলিয়াগী য়ুনিভর্সিতীশিং অমসুং স্কিলিং ইন্সতিত্যুসনশিংনা মখোয়গী কেম্পসশিং হাংদোক্নবা অমসুং ভারতকী ইন্সতিত্যুসনশিংগা লোয়ননা চংশিন্ননবা লমশিংদা খঙদোক্নবা হায়খি। মহাক্না ঐচ.ই. জেসন ক্লেয়রবু চহি অসি লোইরকপদা লাক্নবা বর্তন তৌখি। মন্ত্রীশিংনা ইন্দিয়া-ওস্ত্রেলিয়া কমপ্রিহেন্সিব স্ত্রেতেজিক পার্তনরশিপকী মখাদা এজুকেসনবু মরু ওইবা য়ুম্বী অমা ওইহন্নবগী ৱাখল্লোনগা লোয়ননা লর্নিং, স্কিং অমসুং রিসর্চতা তেংবাং পীনবা হেনগৎহন্নবসু য়ান্নখি।

ওস্ত্রেলিয়া-ইন্দিয়া এজুকেসন কাউন্সিলগী ৬শুবা মীফমদা শ্রী প্রধান্না হায়খি মদুদি এ.আই.সি.,ই. অসি এজুকেসন্দা মরীশিং হেন্না খুমাং চাউশিনহন্নবা অমসুং থবক-থৌরমশিং তৌমিন্নবদা শাহৌ পীনবা মথৌ নীংথিনা তৌরিবা ফোরম অমনি। মহক্না ওস্ত্রেলিয়াগী তীমবু মথংগী চহিদা ভারত্তা এ.আই.ই.সি.গী ৭শুবা মীফম পাঙথোক্নবা বর্তন তৌখি।

শ্রী প্রধান্না আয়ুর্বেদ, য়োগ, লৌউ-শিংউ অসিনচিংবা লমশিংদা লৈবাক অনিগী মরক্তা চুংশিন্নদুনা রিসর্চ তৌনবা হায়খি। মহাক্না স্কিল সর্তিফিকেসন অমসুং মাইনিং, লোজিস্তিক্স মেনেজমেন্ত অসিনচিংবা লমশিংদা চুংশিন্ননবা হায়খি। মহাক্না মখা তারদুনা হায়খি মদুদি ভারতনা দিজিতেল য়ুনিভর্সিতী অমসুং গতি শক্তি য়ুনিভর্সিতী হাংদোক্লে মসিদা লৈবাক অনিনা করিকুলম অমসুং অতোপ্পা হীরমশিং দিবেলপ তৌনবা পুন্না থবক তৌমিন্নবা য়াগনি।

শ্রী প্রধান্না ওস্ত্রেলিয়াদা চৎলিবা ভারতকী মহৈরোয়শিংগী পন্দুনা লৈরিবা বিজাগী সমস্যাসু পুখৎখি। ওস্ত্রেলিয়াগী মন্ত্রীনা পন্দুনা লৈরিবা বিজাগী ৱাফম অসি অথুবদা লোইশিন্নবা তেংবাং পীগনি হায়না থাজবা পীরকখি। মতুং তারকপদা মন্ত্রীশিংনা জোইন্ত প্রেস কনফরেন্স অমা পাঙথোকখি মসিদা মখোয়না লৈবাক অনিদা রিগ্যুলেতরী সেত্তিংশিংগী শিয়র অন্দরস্তেন্দিং অমা শেমগৎনবা অমসুং ইন্সতিত্যুসনশিংগী তু-ৱে মোবিলিতীগী খুদোংচাবশিং পীনবা ত্রান্সনেস্নেল এজুকেসন্দা ৱার্কিং গ্রুপ অমা শেম্লগনি লাউথোকখি। ভারতনা এজুকেসন, স্কিলিং অমসুং নাকল অসিগী চাউখৎনবা অমসুং য়াইফনবা রিসর্চতা ওস্ত্রেলিয়াগা লোয়ননা নোলেজ ব্রিজশিং শানবা অমসুং বাইলেতরেলগী থবক-থৌরমশিং হেনগৎহনবা হোৎনদুনা লাকখি হায়না শ্রী প্রধান্না নৌহৌনা ফোঙদোকখি।

ঐচ.ই. সারা মিৎসেল এম.এল.সি., এন.এস.দবল্যু. মিনিস্তর ফোর এজুকেসনগা লোয়ননা শ্রী প্রধান্না স্কুল অমদা চৎকনি। মহাক্না তি.এ.এফ.ই. এন.এস.এফ অমসুং সিদনীদা বেজ তৌবা য়ুনিভর্সিতী ওফ ন্যু সাউথ ৱেল্স (য়ু.এন.এস.দবল্যু.)দসু চৎকনি, মফম অসিদা মহাক্না ভাইস-চাঞ্চেলর অমসুং ওস্ত্রেলিয়া সরকারগী এজুকেসন দিপার্তমেন্তগী মকোক থোংবা মীহুৎশিংগা উন্নগনি।

******