প্রধান মন্ত্রী, শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলনা ফাইনান্সিএল ইন্সতিত্যুসন পুম্নমক্কীদমক শোর্ত তর্ম এগ্রিকলচর লোনশিংদা ১.৫%গী ইন্তরেস্ত সবভেন্সন পীবদা অয়াবা পীখ্রে। অসুম্না লৌমীশিংদা লুপা লাখ ৩ ফাওবগী শোর্ত-তর্ম এগ্রি-লোনশিং পীনবগীদমক শেনবা চহি ২০২২-২৩দগী ২০২৪-২৫গী ওইনা লেন্দিং ইন্সতিত্যুসন পুম্নমক্তা (কম্মর্সিএল বেঙ্কশিংগা লোয়ননা হকথেংননা সিদেদ তৌবা পব্লিক সেক্তর বেঙ্কশিং, প্রাইবেৎ সেক্তর বেঙ্কশিং, স্মোল ফাইনান্স বেঙ্কশিং, রিজনেল রুরেল বেঙ্কশিং, কোওপরেতিব বেঙ্কশিং অমসুং কম্প্যুতরাইজ পি.এ.সি.এস.) ১.৫%গী ইন্তরেস্ত সবভেন্সন পীরগনি।

ইন্তরেস্ত সবভেন্সন সপ্পোর্ত হেনগৎহনবদা স্কিম অসিগী মখাদা ২০২২-২৩দগী ২০২৪-২৫ ফাওবগী মতমগী ওইনা লুপা করোর ৩৪,৮৫৬কী অহেনবা বজেতরী প্রোবিজনশিং মথৌ তাই।

কান্নবশিং:

ইন্তরেস্ত সবভেন্সন্দা হেনগৎলকপনা লৌউ-শিংউগী সেক্তরদা ক্রেদিৎ ফ্লোগী সস্তেনেবিলিতী লৈহল্লগনি লোয়ননা মসিনা লেন্দিং ইন্সতিত্যুসনশিং মরু ওইনা রিজনেল রুরেল বেঙ্কশিং অমসুং কোওপরেতিব বেঙ্কশিংগী ফাইনান্সিএল হেল্থ অমসুং ভাইএবিলিতী লৈহন্দুনা রুরেল ইকনোমীদা এগ্রিকলচর ক্রেদিৎ মরাং কাইনা ফংহনবা ঙমহল্লি।

বেঙ্কশিংনা ফন্দশিংগী কোস্ততা হেনগৎলকপা অসি এবজোর্ব তৌবা ঙমহনগনি অমসুং শোর্ত তর্ম এগ্রিকলচরগী মথৌ তাবশিংগীদমক লৌমীশিংদা লোনশিং পীনবা পুক্নিং থৌগৎকনি অমসুং লৌমী কয়ানা এগ্রিকলচর ক্রেদিৎকী কান্নবা ফংবা ঙমহনগনি। শোর্ত তর্ম এগ্রি-লোনশিং অসি অনিমেল হসবেন্দরী, দাইরিয়িং, পোলত্রী, ফিশরিজ য়াওনা থবক-থৌরম পুম্নমক্কীদমক পীবনা মরম ওইরগা  থবক পীবসু ঙম্লগনি।

লৌমীশিংনা মতম চানা লোন শীংগৎহনবগা লোয়ননা চহিদা ৪%গী শেন্দোইগী চাংদা শোর্ত তর্ম এগ্রিকলচর ক্রেদিৎ মখা তানা ফংলগনি।

মসিগী মরমদা:

লৌমীশিংদা অহোংবা মমলদা অপনবা লৈতনা ক্রেদিৎ ফংহনবা হায়বা অসি ভারত সরকারগী মরু ওইবা পান্দমনি। মসিগী মতুং ইন্না কিসান ক্রেদিৎ কার্দ স্কিম অসি লৌমীশিংগীদমক মখোয়না লৌউ-শিংউগী প্রদক্ত অমসুং সর্ভিসশিং মতম অমা হেক্তদা ক্রেদিৎতা লৈবা য়ানবগীদমক মখোয়গী মপাঙ্গল হাপ্নবা হৌদোকখি। লৌমীশিংনা বেঙ্কশিংদা খ্বাইদগী তাবা শেন্দোইগী চাং পীনবগীদমক ভারত সরকারনা লৌমিশিংনা সবসিদাইজ ইন্তরেস্ত রেৎশিংদা শোর্ত তর্ম ক্রেদিৎ পীনবা ইন্তরেস্ত সবভেন্সন স্কিম (আই.এস.এস.) হৌদোকখি, হৌজিক্না মসিগী মমিং অসি মোদিফাইদ ইন্তরেস্ত সবভেন্সন স্কিম (এম.আই.এস.এস.) হায়না কৌরি।

স্কিম অসিগী মখাদা, চহিদা ৭%গী চাংদা এনিমেল হসবেন্দরী, দাইরিয়িং, পোলত্রী, ফিশরিজ অসিনচিংবা য়াওনা লৌউ-শিংউ অমসুং অতোপ্পা মরী লৈনবা থবক-থৌরমশিংদা থবক তৌরিবা লৌমীশিংদা লুপা লাখ ৩.০০ ফাওবগী শোর্ত তর্ম এগ্রিকলচর লোনশিং ফংহল্লি। লোনশিং থুনা অমদি মতম চানা শীংগৎপা ঙম্নবগীদমক লৌমীশিংদা অহেনবা ৩%গী সবভেন্সনসু (প্রোমপ্ত রিপেমেন্ত ইনসেন্তিব – পি.আর.আই.) পীখি। মরম অসিনা করিগুম্বা লৌমী অমনা মহাক্কী লোন অদু মতম চানা শীংদোকপা তারবদি মহাক্না চহিদা ৪%গী চাংদা ক্রেদিৎ ফংহল্লি। লৌমীশিংদা কান্নবা ফংহন্নবগীদমক ভারত সরকারনা স্কিম অসি ফংহল্লিবা ফাইনান্সিএল ইন্সতিত্যুসনশিংদা ইন্তরেস্ত সবভেন্সন (আই.এস.) পীরি। সপ্পোর্ত অসি কেন্দ্রনা ১০০% ফন্দিং তৌরি, মসি বজেৎ আউতলে অমসুং বেনিফিসরীশিংগী কবরেজতা য়েংবদা দি.এ. এন্দ এফ.দবল্যু.গী অনিশুবা খ্বাইদগী চাউবা স্কিম ওইরি।

হন্দক্তা, করোর ২.৫গী পান্দম থমখিবা আত্মনির্ভর ভারত কেম্পগী মখাদা লৌমী করোর ৩.১৩ হেনবদা অনৌবা কিসান ক্রেদিৎ কার্দ (কে.সি.সি.) পীখি। পি.এম.-কিসান স্কিমগী মখাদা এনরোল তৌখিবা লৌমিশিংগীদমক কে.সি.সি. সেচুরেসন দ্রাইব অসিগুম্বা অখন্নবা থৌশিলনা কে.সি.সি. সেঙ্কসন তৌনবগীদমক চংবা থৌওং অমদি চে-চাং অসিসু লাইথোকহনখি।

শেন্মীৎলোনগী হোংলক্লিবা ফীভম, মরু ওইনা কোওপরেতিব বেঙ্কশিং অমসুং রিজনেল রুরেল বেঙ্কশিংগুম্বা ফাইনান্সিএল ইন্সতিত্যুসনশিংগীদমক শেন্দোইগী চাং অমসুং লেন্দিং রেৎশিংদা হেনগৎলকপা অসি য়েংলগা সরকারনা ফাইনান্সিএল ইন্সতিত্যুসনশিংদা পীবা ইন্তরেস্ত সবভেন্সনগী রেৎ য়েংশিনখি। মসিনা লৌউ-শিংউগী সেক্তরদা লৌমীশিংদা ক্রেদিৎ ফ্লো মরাং কাইনা ফংহনবা ঙম্লগনি লোয়ননা লেন্দিং ইন্সতিত্যুসনশিংগী ফাইনান্সিএল হেল্থ ফগৎহল্লগনি পানরি।

শীংনবা অসি কোকহন্নবা ভারত সরকারনা ফাইনান্সিএল ইন্সতিত্যুসন পুম্নমক্কীদমক শোর্ত তর্ম এগ্রিকলচর লোনশিংদা ১.৫%গী ইন্তরেস্ত সবভেন্সন ফংহন্নবা প্রোএক্তিব ওইনা ৱারেপ লৌখি।

*****