কেন্দ্রগী লৌউশিংউ অমসুং লৌমীশিংগী য়াইফ-থৌরাং মন্ত্রালয়না মরুওইবা লৌউশিংউগী মহৈ-মরোংশিংগী ২০২১-২২গী ওইবা মরিশুবা এদভান্স এস্তিমেৎ ফোংখ্রে। হৱাই-চেঙৱাই পুথোকপগী চাং ২০২০-২১দা মিলিয়ন তন ৪.৯৮ ওইরম্বদগী লৈবাক অসিদা মিলিয়ন তন ৩১৫.৭২ ওইরগনি হায়না পারি। ২০২১-২২দা পুথোকপগী চাং অসিসু মমাং চহি মঙা (২০১৬-১৭ দগীনা ২০২০-২১) ফাওবদা পুথোকখিবা চাংদগী মিলিয়ন তন ২৫ হেল্লি। রেকোর্দ ওইনা পুথোকপগী চাং অসি চেঙ, চুজাক, গ্রাম, পলসেস, রেপ্সীদ অমসুং হংগাম, থাউ থোকপা মরু অমসুং চুদা পাবনি। লৌউশিংউ অমসুং লৌমীশিংগী য়াইফথৌরাং মন্ত্রী শ্রী নরেন্দ্র সিংহ তোমারনা হায়খি মদুদি হায়রিবা রেকোর্দ ওইনা মহৈ মরোং কয়া অমা পুথোক্কদৌরিবা অসি প্রধান মন্ত্রী মোদীগী শক্তি লৈরবা লুচিং মখাদা কেন্দ্র লৈঙাক অসিগী লৌমীশিংদা য়াইফগদবা থৌশিলশিং অমসুং লৌমীশিংগী চোকথবা নাইদ্রবা থৌনা অমসুং হোৎনবা লেপতবা সাইন্তিস্তশিংগী মহৈনি।

৪শুবা এদভান্স এস্তিমেৎকী মতুং ইন্না, ২০২১-২২দা ওইগদবা মরুওইবা মহৈ মরোং পুথোকপগী চাং অসিঃ হৱাই চেঙৱাইদা ৩১৫.৭২ মিলিয়ন তন, চেঙদা ১৩০.২৯ মিলিয়ন তন (রেকোর্দ), গেহু ১০৬.৮৪ মিলিয়ন তন, ন্যুত্রি/কোর্স সেরিএলস ৫০.৯০ মিলিয়ন তন, চুজাক ৩৩.৬২ মিলিয়ন তন (রেকোর্দ), পলসেস ২৭.৬৯ মিলিয়ন তন (রেকোর্দ), তুর ৪.৩৪ মিলিয়ন তন, গ্রাম ১৩.৭৫ মিলিয়ন তন (রেকোর্দ), থাউ থোকপা মরু ৩৭.৭০ মিলিয়ন তন (রেকোর্দ), গ্রাউন্দনৎ ১০.১১ মিলিয়ন তন, সোয়াবিন ১২.৯৯ মিলিয়ন তন, রেপসীদ অমসুং হঙ্গাম ১১.৭৫ মিলিয়ন তন (রেকোর্দ), চু ৪৩১.৮১ মিলিয়ন তন (রেকোর্দ), লশিং ৩১.২০ মিলিয়ন বেল (অমমমদা ১৭০ কে.জি.), জুৎ অমসুং মেস্তা ১০.৩২ মিলিয়ন বেল (অমমমদা কে.জি. ১৮০)।

২০২১-২২দা অপুনবা ওইনা পুথোকপা চেঙগী চাং অসি ১৩০.২৯ মিলিয়ন তন ওইগনি হায়না পারি। মসিসু মমাং চহি মঙাগী চাংচৎতা লৈখিবা ১১৬.৪৪ মিলিয়ন তনগী চাংদগী ১৩.৮৫ মিলিয়ন তন হেল্লি।

২০২১-২২দা গেহু পুথোকপগী চাং অসি ১০৬.৮৪ মিলিয়ন তন ওইগনি হায়না পারি। মসিসু মমাং চহি মঙাদা গেহু পুথোকখিবগী চাংচৎতা লৈখিবা ১০৩.৮৮ মিলিয়ন তনগী চাংদগী ২.৯৬ মিলিয়ন তন হেল্লি।

ন্যুত্রি/কোর্স সেরিএল পুথোকপগী চাং অসি ৫০.৯০ মিলিয়ন তন ওইগনি, মসিনা মমাং চহি মঙাগী চাংচৎতা লৈখিবা ৪৬.৫৭ মিলিয়ন তনগী চাংদগী ৪.৩২ মিলিয়ন তন হেল্লি।

২০২১-২২গী ওইনা অপুনবা ওইনা পুথোকখিবা পলসেসকী চাং অসি ২৭.৬৯ মিলিয়ন তননি মসিসু মমাং চহি মঙাগী চাংচৎতা লৈখিবা ২৩.৮২ মিলিয়ন তনগী চাংদগী ৩.৮৭ মিলিয়ন তন হেল্লি।

লৈবাক অসিনা অপুনবা থাউ থোকপা মরু ২০২১-২দা পুথোকখিবা চাং অসি ৩৭.৭০ মিলিয়ন তননি হায়না পারি, মসিনা ২০২০-২১দা মিলিয়ন তন ৩৫.৯৫ পুথোকখিবদগী ১.৭৫ মিলিয়ন তন হেল্লি। মখা তানা, ২০২১-২২দা পুথোকপা থাউ থোকপা মরুগী চাং অসি চাংচত্তা পুথোকপগী চাংদগী ৫.০১ মিলিয়ন তন হেল্লি।

২০২১-২২দা অপুনবা ওইনা চু পুথোকখিবা চাং অসি ৪৩১.৮১ মিলিয়ন তননি মসি চাংচৎতা ৩৭৩.৪৬ মিলিয়ন তনগী চাং পুথোকপদগী ৫৮.৩৫ মিলিয়ন তন হেল্লি।

লশিং অমসুং জুৎ অমসুং মেস্তা পুথোকপগী চাং অসি মথং শিৎনা ৩১.২০ মিলিয়ন বেলস (অমমমদা ১৭০ কে.জি.) অমসুং ১০.৩২ মিলিয়ন বেল (অমমমদা ১৮০ কে.জি.)নি।

তোঙান-তোঙানবা মহৈ মরোংশিং পুথোকপগী এসেসমেন্ত অসি রাজ্যশিংদগী অমসুং অতোপ্পা সোর্সশিংদগী ফংবা পাউশিং অচুম অরান য়েংলবা মতুংদা ফংবা দেতাদা য়ুম্ফম ওইবনি। ২০২১-২২গী ৪শুবা এদভান্স এস্তিমেৎকী মতুং ইন্না তোঙান-তোঙানবা মহৈ মরোং পুথোকপগী চাং অমসুং ২০০৭-২০০৮কা চাংদম্নবগী চাং এতেচ তৌরি।

মরুওইবা মহৈ মরোংশিংগী ২০২১-২২গী ওইবা মরিশুবা এদভান্স এস্তিমেৎশিংগী অকুপ্পা মরোলগীদমক মফম অসিদা নম্বীয়ু।

****