ইলেক্সন কম্মিসন ওব ইন্দিয়ানা নির্ভাচন সাদনদা ওগস্ত ১১, ২০২২দা "ঐখোয়গী ইলেক্সনবু ইনক্লুজিব, এক্সেসিবল অমসুং পার্তিসিপেতিব ওইহনবা" হায়বা মপুং ওইবা ৱারোল অসিদা 'এসিয়ন রিজনেল ফোরম' পাঙথোক্লগনি। রিজনেল ফোরম মীৎ অসি লাক্কদবা থা অসিদা নেসনেল ইলেক্তোরেল ইন্সতিত্যুৎ ওব মেক্সিকোনা য়ুম্বু ওইদুনা পাঙথোক্কদবা "গ্লোবেল সম্মিৎ ফোর দিমোক্রেসী"গী মাংওইননা পাঙথোকপা থৌরম অমনি। গ্লোবেল সম্মিৎ অমসুং রিজনেল ফোরম মীৎ অসিনা অন্তর্জাতিগী সংস্থানশিং, মালেমদা লৈরিবা ইলেক্তোরেল বোদীশিংগী ওইবা অপুনবা পাঙ্গল অমা শেম্নবা অমসুং মালেমগী ইলেক্তোরেল দিমোক্রেসী অসিবু মপাঙ্গল কলহন্নবা ইন্তিলেকচুএল অমসুং ইন্সতিত্যুসনেল মোবিলাইজেসন তৌবা হেনগৎহনবদা পান্দম থম্লি।

ভারতকী চীফ ইলেক্সন কম্মিসনর, শ্রী রজিব কুমার, অমসুং ইলেক্সন কম্মিসনর, শ্রী অনুপ চন্দ্র পান্দেনা এসিয়ন রিজনেল ফোরম মীৎ অসিগী ময়াই তাংবল লৌগনি। মীৎ অসিদা মেক্সিকো, মৌরিসিয়স, ফিলিপিন্স, নেপাল, উজবেকিস্তান, মালদিবসকী ইলেক্সন মেনেজমেন্ত বোদীশিং অমসুং ইন্তর্নেসনেল আইদিয়া, এসোসিএসন ওব ৱার্ল্দ ইলেক্সন বোদীজ (এ-ৱেব) অমসুং ইন্তর্নেসনেল ফাউন্দেসন ফোর ইলেক্তোরেল সিস্তেমস (আই.এফ.ই.এস.)কী মীহুৎশিংসু শরুক য়াগনি।

এসিয়ন রিজনেল ফোরম (এ.আর.এফ.) অসি তাংকক অনি থোক্না পাঙথোক্কনি। অহানবা তাংকক্না মৌরিসিয়স অমসুং নেপালগী চীফ ইলেক্সন কম্মিসনরগা লোইননা ময়াই তাংবল লৌগদৌরিবা 'ইনক্লুজিব ইলেক্সন্সঃ অথাপ্পা মফমশিংদা লৈরিবা নহা, জেন্দর অমসুং মীয়ামবু শরুক য়াবা হেনগৎহনবা' হায়বসিদনি। তাংকক অসিদা কোমেলেক ফিলিপিন্স অমসুং ইন্তর্নেসনেল আইদিয়া অমসুং এ-ৱেবতগী মীহুৎশিংনা শরুক য়াগনি।

অনিশুবা তাংকক অসিনা 'এক্সেসিবল ইলেক্সন্সঃ নাম্মা শোইরবা অমসুং অহল ওইরবা মীওইশিংনা শরুক য়াবা হেনগৎহনবা' হায়বসিদনি অমসুং মসিনা কম্মিসনর, কোমেলেক, ফিলিপিন্স অমসুং উজবেকিস্তানগী সি.ই.সি.না ময়াই তাংবল লৌগনি অমসুং নেপাল অমসুং মালদিবস অমসুং আই.এফ.ই.এস. (এসিয়া পেসিফিক)কী ইলেক্সন কম্মিসনদগী মীহুৎশিংনা শরুক য়াগনি।

'গ্লোবেল সম্মিৎ ফোর দিমোক্রেসী'গী শরুক অমা ওইনা, রিজনেল ফোরম মঙা, মমিং ওইনা পল্লবদা অফ্রিকা, অমেরিকা, এসিয়া, য়ুরোপ অমসুং অরাব স্তেৎশিংগী লৈবাকশিংনা শেমখ্রে। ভারতনা ই.এম.বি.শিংগী এসিয়ন রিজনেল ফোরম মীৎ অসি 'গ্লোবেল সম্মিৎ ফোর দিমোক্রেসী'গী মাংওইননা খন্ন-নৈনবগীদমক য়ুম্বু ওইবদা নত্তনা কোবিদ-১৯ লাইচৎনা পীরিবা খুদোংচাদবশিংদগী হোংলক্লিবা জিও-পোলিতিক্স, অনৌবা তেক্নোলোজীশিং অমসুং মখোয়বু ইলেক্সন্দা শীজিন্নবা হায়বসিদসু মীৎয়েং থম্লি। রিজনেল ফোরম মীৎ অসিদগী ফংলকপা ফলনা মালেম পম্বদা লৈরিবা গনতন্ত্রবু মপাঙ্গল কলহন্নবা থৌরাং অমসুং এজেন্দা য়াওরি, মরুওইনা মীখলগী থৌরাংশিং পাঙ্গল কলহনবনি। হৌজিক ফাওবদা, য়ুরোপ, অমেরিকা অমসুং অফ্রিকাগী রিজনেল ফোরম মীৎ অহুম ২০২২গী জুন অমসুং জুলাইদা পাঙথোকখ্রে।

*****