প্রধানমন্ত্রীগী লোইশঙ
প্রধান মন্ত্রীনা অগস্ত ৪দা শ্রীমদ রাজচন্দ্র মিসন, ধরমপুরগী তোঙান-তোঙানবা প্রোজেকশিং শঙ্গাগনি অমসুং উরেপ-উয়ুং তমগনি
প্রধান মন্ত্রীনা ভালসাদ জিলাগী ধরমপুরদা শ্রীমদ রাজচন্দ্র হোস্পিতাল শঙ্গাগনি
প্রধান মন্ত্রীনা শ্রীমদ রাজচন্দ্র সেন্তর ওফ এক্সলেন্স ফোর ৱুমেন অমসুং শ্র্রীমদ রাজচন্দ্র এনিমেল হোস্পিতাল উরেপ-উয়ুং তমগনি
Posted On:
03 AUG 2022 4:22PM by PIB Imphal
প্রধান মন্ত্রী শ্রী নরেন্দ্র মোদীনা ভিদিও কনফরেন্সকী খুৎথাংদা অগস্ত ৪গী নুংথিল পুং ৪:৩০ তাবদা গুজরাতকী ভালসাদ জিলাদা শ্রীমদ রাজচন্দ্র মিসন, ধরমপুরগী তোঙান-তোঙানবা প্রোজেকশিং শঙ্গাগনি অমসুং উরেপ-উয়ুং তমগনি।
প্রধান মন্ত্রীনা ভালসাদ জিলাগী ধরমপুরদা শ্রীমদ রাজচন্দ্র হোস্পিতাল শঙ্গাগনি। অপুনবা প্রোজেক অসিগী শেনফম চাউরাক্না লুপা কোতি ২০০ রোম্নি। অফবা মখলগী অনা-লায়য়েংগী মচাক-মথুমশিং লৈগদবা ফমুং ২৫০গী মল্তিস্পিসিএলিতি হোস্পিতাল অসিনা খা থংবা গুজরাত লমদমদা লৈরিবা মীয়ামদা মালেম থাক্কী অৱাংবা থাক্কী অনা-লায়য়েংগী খুদোংচাবশিং ফংহনগনি।
প্রধান মন্ত্রীনা শ্রীমদ রাজচন্দ্র এনিমেল হোস্পিতালগী উরেপ-উয়ুং তমগনি। ফমুং ১৫০গী হোস্পিতাল অসি চাউরাক্না লুপা কোতি ৭০ চংনা শাগদবনি। মসিদা অৱাংবা থাক্কী খুদোংচাবশিং অমসুং কৎথোক্লবা ভেতেরিনারি দোক্তরশিং অমসুং এন্সিলারি স্তাফ কাংবু অমা লৈগনি। হোস্পিতাল অসিদা শা-ষনশিং লায়য়েংনবা অমসুং মশা-মউ ফনা থম্নবা অফবা লায়য়েংগী খুদোংচাবা ফংগনি।
থৌরম অদুদা প্রধান মন্ত্রীনা শ্রীমদ রাজচন্দ্র সেন্তর ওফ এক্সলেন্স ফোর ৱুমেনশু উরেপ-উয়ুং তমগনি। সেন্তর অসি লুপা কোতি ৪০ চংনা শাগদবনি। সেন্তর অসিদা পোথাফম, মশা-মরোমদোম ফগৎনবা সেসনশিংগী ক্লাসরুমশিং অমসুং শান্নফমশিং লৈগনি। মসিনা ত্রাইবেল নুপী ৭০০ হেন্না থবক পীগনি অমসুং তুংদা মীওই লিশিং কয়া হিংনবা লম্বী পীগনি।
*****
(Release ID: 1847952)
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Malayalam