য়োর এক্সিলেন্সী, ঐহাক্কী মরুপ রাস্ত্রপতি সোলিহ,

দেলিগেসন অনিমক্কী মীহুৎশিং,

মীদিয়াগী ইচিল ইনাওশিং,

খুরমজরি!

অহানবমক্তদা, ঐহাক্না ঐহাক্কী মরুপ রাস্ত্রপতি সোলিহবু অমসুং মহাক্কী দেলিগেসননা ভারত্তা লেঙবীরকপগীদমক তরাম্না ওকচরি। হৌখিবা চহি খরসিদা ভারত অমসুং মালদিবস অনিগী মরক্তা লৈরিবা মরুপ মপাং ওইবগী মরী অসি হেন্না মপাঙ্গল কনখৎলকপগী মমি উজৈ, অমসুং ঐখোয়গী নক্নবগী চাং অসি হেনগৎলক্লি। লাইচৎ অসিনা পীরিবা অৱা-চৈথেং কয়া তুংওইনরম্লগা, ঐখোয়গী মতেং পাংনবগী মওং অসি হেন্না পাকথোক চাউথোক্না মপাং অমা ওইবগী মওংদা লাক্লি।

মরুপশিং,

ঙসিদি ঐহাক্না রাজস্ত্রপতি সোলিহগা লোইননা হীরম কয়াগী মতাংদা মমুৎ তানা খন্ন-নৈনখি। ঐখোয়না লৈবাক অনিগী মরক্তা লৈরিবা মতেং পাংনবগী মাইকৈ পুম্নমক হন্না য়েংশিনমিন্নখি, অমসুং লৈবাক্কী অমসুং মালেমগী ওইবা থৌদোক ৱাথোকশিংগী মতাংদা লৈবা মরুওইবা হীরমশিংগী মতাংদসু ইশা ইশাগী ওইবা মোৎশিং পীনখি।

মীকুপ খরগী মমাংদা, ঐখোয়না গ্রেতর মালে কন্নেক্তিবিতী প্রোজেক্ত হৌদোকপবু তরাম্না ওকমিন্নখি। মসিনা মালদিবসতা লৈবা খ্বাইদগী চাউবা ইনফ্রাস্ত্রকচর প্রোজেক্ত ওইরগনি।

ঐখোয়না ঙসি গ্রেতর মালেদা সোসিএল হাউজিং য়ুনিৎ ৪০০০ শানবগী প্রোজেক্তশিং য়েংশিনখি। মসিদা সোসিএল হাউজিং য়ুনিৎ ২০০০গী অহেনবা শেলগী তেংবাং পাংলগনি হায়না লাউথোকচবদা হরাওবা পোকচৈ।

প্রোজেক্ত পুম্নমক অকক্নবা মতমগী মনুংদা লোইশিনবা য়ানবগীদমক ঐখোয়না অহেনবা $১০০ মিলিয়ন লাইন ওব ক্রেদিৎ পীনবা ৱারেপসু লৌরে।

মরুপশিং,

ইন্দিয়ন ওসিনদা লৈরিবা ত্রান্স-নেসনেল ক্রাইম, তেরোরিওম অমসুং দ্রগ ত্রাফিক্কিংগী অকিবসি য়াম্না শাথিরে। অমসুং মসিনা মরম ওইদুনা, ভারত অমসুং মালদিবসনা ঙাকশেল অমসুং সেক্যুরিতীগী হীরমদা হেন্না নক্ননা চৎমিন্নবা অমসুং মতেং পাংনবগী থবক অসি শান্তি রক্সা অমসুং লমদম অপুনবগী ওইনা তংদু লৈতানা লৈনবগী য়াম্না মরুওইবা হীরম অমা ওইরক্লে। হায়রিবা মান্নবা খুদোংচাদবা হীরমশিং অসিদা মতেং পাংনবগী থবকশিং হেনগৎলে। মসিদা মালদিবিয়ন সেক্যুরিতী ওফিসিএলশিংগী কেপাসিতী বিল্দিং অমসুং ত্রেনিং সপ্পোর্ত পীবা য়াওরি। ভারতনা মালদিবস সেক্যুরিতী ফোর্সশিংগীদমক গারী ২৪ অমসুং নেভেল বোত অমা পীরগনি হায়না লাউথোকচবদা হরাওবা ফাওজৈ। মালদিবসকী ইথৎ ৬১দা পুলিস ফেসিলিতী শাগৎপদসু মতেং পাংনগনি।

মরুপশিং,

মালদিবসকী লৈঙাকনা ২০৩০ ফাওবগী মনুংদা কার্বন থাদোকপগী চাং জিরোদা লৈহনগনি হায়বগী পান্দমসু থম্লি। ঐহাক্না রাস্ত্রপতি সোলিহবু অচেৎপা ফিরেপ অসিগীদমক থাগৎপা ফোংদোকচরি অমসুং পান্দম অসি ফংনবগীদমক ভারতনা মালদিবসতা অঙম্বা থাক্তা মতেং পাংগনি হায়না থাজবা পীজরি। মালেম অমা, নুমিৎ অমা, গ্রিদ অমা হায়বা খোঙথাং অমা অন্তর্জাতিগী থাক্তা লৌখৎলি অমসুং মসিগী মখাদা ঐখোয়না মালদিবসকা লোইননা কান্নবা ফংগদবা খোঙথাং কয়া লৌখৎপা য়াগনি।

মরুপশিং,

ঙসিদি, ভারত মালদিবসকী মপাং অসি লৈবাক অনিগী ইরৈচাশিংগী ৱাখল্লোন খক্তদা থবক তৌবা নৎত্রে, মসি শান্তি, তংদু লৈতাবা অমসুং চাউখৎপগীসু হৌরকফম অমা ওইরক্লি।

মালদিবসতা করিগুম্বা লাংফম অমহেক থেংনবদা ভারতনা ইহান হানবা খুৎ লান্থোকপা লৈবাক অমা ওইরক্লি অমসুং মতুংদসু ওইখিগনি।

ঐহাক্না রাস্ত্রপতি সোলিহ অমসুং মহাক্কী দেলিগেসন্না ভারত্তা লেঙবীরকপদা য়াম্না নুংঙাইবা মীকুপ কয়া লোইনবা ওইরসনু হায়না নিজরি।

অদুক্কী মতীক থাগৎচরি।

খঙজঞ্জবা – মসি প্রধান মন্ত্রীনা ফোংদোকখিবা ৱাফমদগী হন্দোকচবনি। অশেংবা ৱারোলদি হিন্দিদা পীখি।

*****