ঙসিদগী শ্রী সাতয়েন্দ্র প্রকাসনা প্রেস ইনফোর্মেসন বিউরো (পি আই বি)গী প্রিন্সিপাল দিরেক্তর জেনেরেলগী ফম পায়রে। শ্রী প্রকাস ইং ১৯৮৮ বেতচগী ইন্দিয়ান ইনফোর্মেসন সর্বিসকী ওফিসার অমনি। মসিগী মমাঙদা মহাক্না সেন্ত্রেল বিউরো ওফ কম্মুনিকেসনগী প্রিন্সিপাল দি.জিগী ফম পায়রম্মী।

শ্রী সাতয়েন্দ্র প্রকাস পব্লিক কম্মুনিকেসন, মেদিয়া মেনেজমেন্ত, এদমিনিস্ত্রেসন, থৌশিল শেম্বা অমসুং থবক ওইনা পাংথোকপগী মতাংদা কেন্দ্র সরকারদা থবক তৌরকপগী হৈথোই-শিংথোইবা লৈরবা ওফিসার অমনি। মহাক্না লৈবাক অসিগী অমসুং মালেম থাক্কী তোঙান-তোঙানবা লুপশিং হায়বদি য়ুনেস্কো, য়ুনিসেফ অমসুং য়ু.এন.দি.পি অসিনচিংবদা ভারত সরকারগী মহুৎশীন্দুনা থবক তৌরকখ্রে। সরকারগী এদভরতাইজিং, ইন্তরনেৎ অমসুং দিজিতেল মেদিয়া পোলিসি, এফ.এম রেদিও পোলিসি, দিজিতেল সেনিমা পোলিসিগী মতাংদা সেন্ত্রেল বিউরো ওফ কম্মুনিকেসনগীদমক কন্তেন্ত রিগুলেসনগী মতাংদা চৎন-কাংলোনশিং শেম্বদা মহাক্না মরুওইবা থৌদাং লৌখি। ভোকেল ফোর লোকেল হায়বা থিম অসিদা ২০২১গী রিপব্লিক দে থৌরমদা ইনফোর্মেসন অমসুং ব্রোদকাস্তিং মিনিস্ত্রিগী অহানবা তেব্লো পুথোকপদা মহাক্না লৌখিবা থৌদাং অদুগীদমক মহাক শিংথানখি।  

ভারত সরকারগী তোঙান-তোঙানবা মরুওইবা কেম্পেনশিং দিজাইন তৌবা অমসুং পাংথোকপদা মহাক শরুক য়াখি। মরুওইবা আই.ই.সি কেম্পেনশিংগী অনৌবা ৱাখল্লোনশিং পুথোকপদা মহাক শরুক য়াখি। মহাক হন্দক ইলেক্সন কম্মিসন ওফ ইন্দিয়ানা ইকায়খুম্নবা উৎখি অমসুং ইং ২০২১-২২দা ভোত্তর এৱারনেস অমসুং ইজুকেসনগী খুৎথাংদা মীখলদা মীয়াম শরুক য়াবা হেনগৎহনবগীদমক নেসনেল এৱার্দ পীখি।

মহাক্না ফম অসি পায়রকপদা পি.আই.বিগী সেনিয়র ওফিসিএলশিংনা শ্রী সাতয়েন্দ্র প্রকাস তরাম্না ওকখি।

*****