নহারোল অমসুং শান্ন-খোৎনবগী মন্ত্রালয়
azadi ka amrit mahotsav

কম্মনৱেল্থ গেমস ২০২২দা ৱেতলিফতিংগী ওইনা অচিন্তা শেউলীনা ভারতকী অহুমশুবা গোল্দ মেদল লৌরকখ্রে

Posted On: 01 AUG 2022 11:51AM by PIB Imphal

মরু ওইবা হাইলাইৎশিং:

  • রাস্ত্রপতি, শ্রীমতি দ্রৌপদী মুর্মু অমসুং প্রধান মন্ত্রী শ্রী নরেন্দ্র মোদীনা অচিন্তা শেউলীগী থোইদোক-হেন্দোক্না ফজরবা পর্ফোরমেন্সকীদমক থাগৎপা ফোঙদোকখ্রে
  • ভারতকী মীংচৎ পুরকপা অমসুং মেদল লৌরকপগা লোয়ননা গেমস রেকোর্দ অমা থম্বা ঙমখিবগীদমক থাগৎপা ফোঙদোকচরি: শ্রী অনুরাগ সিংহ থাকুর

নোংমাইজিং নুমিৎকী নুমিদাংদা হৌজিক চত্থরিবা কম্মনৱেল্থ গেমস ২০২২দা নুপাগী কে.জি. ৭৩দা ৱেতলিফতর অচিন্তা শেউলীনা গোল্দ মেদল লৌরকপা ঙমখ্রে। গেমস অসিদা অচিন্তানা পুন্না কে.জি. ৩১৩ (স্নেৎচ কে.জি. ১৪৩ + ক্লীন এন্দ জর্ক কে.জি. ১৭০) থাংগৎপা ঙমখি। মসি কম্পিতিসন অসিদা ভারতনা ফংলকপা তরুকশুবা মেদলনি অমসুং অহুমশুবা গোল্দ ওইরি। রাস্ত্রপতি শ্রীমতি দ্রৌপদী মুর্মু, প্রধান মন্ত্রী শ্রী নরেন্দ্র মোদী, কেন্দ্রগী স্পোর্তস মন্ত্রী শ্রী অনুরাগ থাকুর অমসুং লৈবাক অসিগী কাচিন কোয়াদা লৈরিবা ভারত মচাশিংনা মাইপাকপা অসিগীদমক অচিন্তাবু থাগৎপা ফোঙদোক্নরক্লি।

রাস্ত্রপতি শ্রীমতি দ্রৌপদী মুর্মুনা অচিন্তা শেউলীবু গোল্দ মেদল লৌরকপগীদমক থাগৎপা ফোঙদোকখি, রাস্ত্রপতিনা ত্বিত তৌখি, “অচিন্তা শেউলীনা গোল্দ লৌরক্তুনা ভারতপু চাউথোকচবা পোকহনখি অমসুং কম্মনৱেল্থ গেমসতা মচু অহুমগী ফিরাল ৱাংনা পাইহনখি। অদোম্না এতেম্প অমদা মাইথীখিবা অদু খুদক্তা হাইগৎলক্তুনা লাইনঅপতা মকোক্তা লৈবা ঙমখি। অদোম পুৱারী শেমখিবা চেম্পিয়ননি। অদোমবু থমোয় শেংনা থাগৎপা ফোঙদোকচরি!”

প্রধান মন্ত্রী শ্রী নরেন্দ্র মোদীনা অচিন্তা শেউলীনা গোল্দ মেদল লৌরকপদা থাগৎপা ফোঙদোকখ্রে। প্রধান মন্ত্রীনা ত্বিত তৌখি, “তেলেন্ত অচিন্তা শেউলীনা কম্মনৱেল্থ গেমসতা গোল্দ মেদল লৌরকপদা নুংঙাইবা ফাওই। মহাক অসি মহাক্কী ইংতপ্পা অমসুং অখাং কনবগীদমক খঙনৈ। মহাক্না অখন্নবা মাইপাকপা অসি ফংনবগীদমক য়াম্না কন্না হোৎনখি। মহাক্কী তুংগী পুন্সিদা অফবা ওইনবগীদমক ঐহাক্না মঙোন্দা য়াইফ-মঙ্গোল পীজরি।

পি.এন,না ভিদিও ক্লিপ অমসু শিয়র তৌখি। পি.এম.না ত্বিত তৌখি, “ঐখোয়গী কন্তিঞ্জেন্তনা কম্মনৱেল্থ গেমসকীদমক চৎত্রিঙৈ মমাংদা ঐহাক্না অচিন্তা শেউলীগা ৱারী শাখি। মহাক্কী মমা অমসুং ময়াম্বনা মহাকপু শৌগৎপীখিবগী মতাংদা ঐখোয়না খন্নখি। মহাক্না মেদল লৌরবনিনা হৌজিক্তি ফিল্ম য়েংনবগী মতম মহাক্না শোইদনা ফংলগনি হায়নসু ঐহাক্না থাজৈ।”

স্পোর্তস মন্ত্রী শ্রী অনুরাগ সিংহ থাকুরনা অচিন্তা শেউলীনা গোল্দ মেদল লৌরকোদা থাগৎপা ফোঙদোকখি। শ্রী থাকুরনা ত্বিত তৌখি, “মহাক্কী ত্রেনিং বেস এন.এস.এন.আই.এস. পতিয়ালাদা মিস্তর কাম হায়না খঙনবা অচিন্তা শেউলীনা সি.দবল্যু.ই. ২০২২দা ভারতকী ৩শুবা গোল্দ লৌরকপা ঙমখ্রে। ভারতকী মীংচৎ পুরকপা অমসুং মেদল লৌরকপগা লোয়ননা গেমস রেকোর্দ অমা থম্বা ঙমখিবগীদমক থাগৎপা ফোঙদোকচরি। পুন্না কে.জি. ৩১৩ থাংগৎখিবা হায়বা অসি শীংথানীংঙাই ওই!! #Cheer4India.”

অচিন্তা শিউলীগী মাইপাকখিবশিংগী মতাংদা মসিদা নম্বীয়ু

*******



(Release ID: 1847025) Visitor Counter : 45