প্রধান মন্ত্রী, শ্রী নরেন্দ্র মোদীনা অহানবা ওল ইন্দিয়া দিস্ত্রিক্ত লিগেল সর্ভিস ওথোরিতিজ মীত হৌদোকপগী সেসন্দা ঙসি ৱা ঙাঙখ্রে। ভারতকী চীফ জস্তিস, জস্তিস এন.ভি. রামানা, সুপ্রীম কোর্তকী জজশিং, জস্তিস য়ু.ইয়ু. ললিত, জস্তিস দি. ৱাই. চন্দ্রচুর; কেন্দ্রগী মন্ত্রী, শ্রী কিরেন রিজিজু, শ্রী এস.পি. সিংহ বাঘেল, সুপ্রীম কোর্তকী অতোপ্পা জজ, হাই কোর্তকী চীফ জস্তিস, স্তেত লিগেল সর্ভিসেস ওথোরিতী (এস.এল.এস.এ.)গী একজেক্যুতিব চেয়রপর্সন অমসুং দিস্ত্রিক্ত লিগেল সর্ভিসেস ওথোরিতী (দি.এল.এস.এ.)গী চেয়রপর্সন্না থৌরম অসিদা শরুক য়াখি। ‘রাইত তু ফ্রী লিগেল এদ’কী নীংশিংনীংঙাই ওইবা স্তাম্প অমসু প্রধান মন্ত্রীনা ফোঙখি।

প্রধান মন্ত্রীনা তিল্লিবা মীয়ামদা ৱা ঙাঙবদা হৌজিক অসি নীংতম্বগী অমৃত কালগী মতম্নি হায়খ্রে। হৌজিক্কী মতমসিদা ভারতপু মথংগী চহি ২৫দা অনৌবা অৱাংবা থাক্তা পুখৎকদবা ৱারেপ লৌবগী মতম্নি। কারবার তৌবা লাইহনবা অমসুং পুন্সি মহিং নুংঙাইহনবগুম্বা, অচুম্বা ৱায়েল ফংবদা লাইহনবা হায়বসিসু লৈবাক্কী অমৃত য়াত্রা অসিদা মান্ননা মরু ওই হায়না মহাক্না হায়খি।

দাইরেক্তিব প্রিন্সিপল ওফ দি স্তেত পোলিসীদা লিগেল এদনা লৈরিবা মফমদা প্রধান মন্ত্রীনা মীয়ামগী পুক্নিং চিংশিনখি। মসিগী মরু ওইবগী মতৌ অসি মীয়াম্না লৈবাক্কী জুদিসিএরীদা থাজরিবা অসিদা উবা ফংই। মহাক্না “খুন্নাই অমতগী জুদিসিএল সীস্তেমগী খুদোংচাবা ফংবগা মান্ননা মরু ওইরিবা অসিদি জস্তিস দেলিভরীনি। মসিদা জুদিসিএল ইনফ্রাস্ত্রকচরগী অচৌবা থৌদাং য়াওরি। মমাংগী চহি ৮দা, লৈবাক্কী জুদিসিএল ইনফ্রাস্ত্রকচর মপাঙ্গল হেনগৎহন্নবা থবক কয়া পাংথোকখ্রে” হায়খি।

ভারতনা ইনফোর্মেসন তেক্নোলোজী অমসুং ফিন্তেক্তা মকোক থোংলিববু পল্লদুনা, প্রধান মন্ত্রীনা জুদিসিএলগী থবকশিংদা তেক্নোলোজীগী অহেনবা মতিক য়াওহনবগী হৌজিক্কী মতমদগী হেন্না ফবা মতম অমত্তা লৈত্রে হায়খি। মহাক্না “ই-কোর্ত মিসনগী মখাদা, লৈবাক অসিদা ভর্চুএল কোর্তকী চৎনবী হৌদোকখ্রে। ত্রাফিক্কী কাঙলোন থুগাইবগুম্বগী ক্রাইমগীদমক্তা পুং ২৪ চলায়বা কোর্তনা মথৌ পাংথোকপা হৌনখ্রে। মীয়ামগী হেন্না খুদোংচানবগীদমক্তা কোরতশিংদা ভিদিও কনফরেন্সিংগী ইনফ্রাস্ত্রকচরশিংসু লৈহনখ্রে” হায়খি। লৈবাক অসিদা কেস করোর অমা হেন্না ভিদিও কনফরেন্সিংগী খুত্থাংদা হিয়ারিং তৌখ্রে হায়না প্রধান মন্ত্রীনা হায়খি। মসিনা “ ঐখোয়গী জুদিসিএল সীস্তেম্না ভারতকী অরিবা মতমগী অচুম্বা ৱায়েলগী ভেল্যুদা খোঙফম চেৎলি অমসুং ২১শুবা চহি-চাগী তসেংবা ফিভমশিংগা চুনহন্নবা শেম-শাবসু লোইরে” হায়বগী খুদম্নি। “মীচম অমনা সংবিধানগী মতুং ইনবা মশাগী হক অমসুং মথৌগী মতাংদা নীংথিনা খঙফম থোকই। মখোয়না মখোয়গী সংবিধান, সংবিধানগী মওং-মতৌ, কাঙলোন অমসুং পাম্বৈ কয়া খঙগদবনি। মসিদা তেক্নোলোজীনা অচৌবা থৌদাং য়াবসু য়াই”, হায়না মহাক্না মখা তাখি।

অমৃত কাল অসিদি ইশাগী থৌদাং পাংথোকপগী মতম্নি হায়না নৌহৌননা পল্লদুনা, প্রধান মন্ত্রীনা হৌজিক ফাওবদা লাইথোক্তুনা লাক্লিবা হীরমশিংদা ঐখোয়না হৌজিক থবক তৌবা তারে হায়খি। শ্রী মোদীনা অন্দর্ত্রাইএল ফাদোকশিংগী অপাম্বা খঙবীবগী হীরম পুথোকখি। মসিগুম্বা ফাদোকশিংদা লিগেল এদ পীবগী থৌদাংদি দিস্ত্রিক্ত লিগেল সর্ভিস ওথোরিতীনা পায়খৎপা য়াই হায়খি। অন্দর্ত্রাইএল রিভিয়ু কম্মিতীগী চেয়রপর্সন ওইনা, মখোয়বু থাদোকপগী থৌওং পাংথোকসি হায়না মহাক্না দিস্ত্রিক্ত জজতা হায়খি। প্রধান মন্ত্রীনা এন.এ.এল.এস.এ.বু হীরম অসিগা মরী লৈননা কেম্পেন পায়খৎপগী থাগৎখি। মহাক্না বার কাউন্সিলদা কেম্পেন অসিদা উকিল মশিং হেন্না য়াওহন্নবা পুক্নিং থৌগৎনবা হায়খি।

দিস্ত্রিক্ত লিগেল সর্ভিসেস ওথোরিতী (দি.এল.এস.এ.)গী খ্বাইদগী অহানবা নেস্নেল মীত অসি জুলাই ৩০-৩১দা নেন্সেল লিগেল সর্ভিস ওথোরিতী (এন.এ.এল.এস.এ.)না বিগ্যান ভবন্দা শীন-লাঙলি। দি.এল.এস.এ. শিনবা থুংবদা হোমোজেনিতী অমসুং সিঙ্ক্রোনাইজেসন পুরক্নবগীদমক্তা অপুনবা থৌওং অমা শেম্বগী মতাংদা মীফম অসিদা খন্ন-নৈনগনি।

লৈবাক অসিদা হৌজিক দিস্ত্রিক্ত লিগেল সর্ভিস ওথোরিতী (দি.এল.এস.এ.) পুন্না ৬৭৬ লৈ। মখোয়বু ওথোরিতী অসিগী চেয়রমেন ওইনা থৌপুবা দিস্ত্রিক্ত জজ অমনা লুচিংই। দি.এল.এস.এ. অমসুং এস.এল.এস.এ.গী খুত্থাংদা এন.এ.এল.এস.এ.না তোঙান-তোঙানবা লিগেল এদ অমসুং এৱিয়র্নেস প্রোগ্রাম কয়া পাংথোক্লি। দি.এল.এস.এ.না এন.এ.এল.এস.এ. পাংথোকপা লোক অদালতশিংবু রেগ্যুলেত তৌদুনা কোর্তকী পোৎলুম হন্থহনবদা তেংবাংবা য়াগনি।

Addressing the inaugural session of First All India District Legal Services Authorities Meet. https://t.co/tdCOn6R9o1

— Narendra Modi (@narendramodi) July 30, 2022

ये समय हमारी आजादी के अमृतकाल का समय है।

ये समय उन संकल्पों का समय है जो अगले 25 वर्षों में देश को नई ऊंचाई पर ले जाएंगे।

देश की इस अमृतयात्रा में Ease of Doing Business और Ease of Living की तरह ही Ease of Justice भी उतना ही जरूरी है: PM @narendramodi

— PMO India (@PMOIndia) July 30, 2022

किसी भी समाज के लिए Judicial system तक access जितना जरूरी है, उतना ही जरूरी justice delivery भी है।

इसमें एक अहम योगदान judicial infrastructure का भी होता है।

पिछले आठ वर्षों में देश के judicial infrastructure को मजबूत करने के लिए तेज गति से काम हुआ है: PM @narendramodi

— PMO India (@PMOIndia) July 30, 2022

e-Courts Mission के तहत देश में virtual courts शुरू की जा रही हैं।

Traffic violation जैसे अपराधों के लिए 24 घंटे चलने वाली courts ने काम करना शुरू कर दिया है।

लोगों की सुविधा के लिए courts में वीडियो कॉन्फ्रेंसिंग इनफ्रास्ट्रक्चर का विस्तार भी किया जा रहा है: PM @narendramodi

— PMO India (@PMOIndia) July 30, 2022

एक आम नागरिक संविधान में अपने अधिकारों से परिचित हो, अपने कर्तव्यों से परिचित हो,

उसे अपने संविधान, और संवैधानिक संरचनाओं की जानकारी हो, rules और remedies की जानकारी हो,

इसमें भी टेक्नोलॉजी एक बड़ी भूमिका निभा सकती है: PM @narendramodi

— PMO India (@PMOIndia) July 30, 2022

***