ইঙ্কিম তেক্স নুমিৎকী ১৬৩শুবা পালন নুমিৎ সেন্ত্রেল বোর্দ ওব দাইরেক্ত তেক্স (সি.বি.দি.তি.) অমসুং মসিগী ভারত পুম্বদা লৈরিবা ফীল্দ ওফিসশিংদা ঙসি পাঙথোকখ্রে। থৌরম অদুগী শরুক অমা ঐনা, ফীল্দ ফোর্মেসনশিং অসিনা থৌরম অমসুং থবক কয়া অমা পাঙথোকখি। ফীল্দ ফোর্মেসনশিং অসিনা পাঙথোকখিবা থৌরমশিংগী মনুংদা তেক্সপেয়রশিংবু মখোয়না লৈবাক অসিগীদমক পীরিবা মতেং অসিবু শকখঙনবগীদমক আউৎরিচ প্রোগ্রামশিং, সরকারগী হাইয়র সেকেন্দরী স্কুলশিংগী কম্প্যুতরগুম্বা রিসোর্সশিং অপগ্রেদ তৌবীবা, দিপার্তমেন্তেল ইমপ্লোইয়ীগী খাইগৎনবদগী ওর্ফানেজ/ওল্দ এজ হোমশিংদা ভোলুন্তরী তোকন দোনেসন তৌবা, ঈ দান তৌবগী কেম্প পাঙথোকপা, মেদিকেল একজামিনেসন পাঙথোকপা অমসুং কোবিদ তিকা কাপথোকপগী কেম্প পাঙথোকপা, উ থাবা অমসুং লু নানবগী দ্রাইব চৎথবসু য়াওরি। মসিগী মথক্তা, হাল্ফ মরাথোন, সাইক্লোথোন, অঙাংশিং অমসুং নহাশিংদা তেক্সকী মতাংদা ভাপ তাহন্নবা বোর্দ গেমস য়েন্থোকপা, নাৎকী ওইবা থৌরমশিং, কেরিকেচর উৎপা অমসুং অসিগুম্বা থৌরমশিংসু পাঙথোকখি। কেন্দ্রগী শেলথুম অমসুং কোর্পোরেৎ এফিয়র্স মন্ত্রী শ্রীমতি নির্মলা সিথারমন্না ইঙ্কম তেক্স দিপার্তমেন্ততা পীবা মহাক্কী ৱারোলদা লৈঙাক অসিনা হৌখিবা চহি খরা অসিদা পুরকখিবা রিফোর্মশিং অসি থাজবদা য়ুম্ফম ওইবা তেক্স সিস্তেম অমখক্নি হায়না থমখি। শেলথুম মন্ত্রী অসিনা তেক্স খোমগৎপগী চাং হেন্না ফগৎলকপগা লোইননা ইঙ্কম তেক্স রিফন্দগী মশীং হেনগৎলিবা অসিনা তাক্লিবসি তেক্সপেয়রশিংনা থাজবদা য়ুম্ফম ওইবা খোঙথাং অসি পাম্নৈ হায়বনি। শ্রীমতি সিথারমন্না পোলিসী রিফোর্মশিং অসিবু নীংথিনা চলাইবীবগী অমসুং বিভাগ অসিনা মতীক চাবা তেক্সপেয়রশিংগীদমক খনবীবা ওর্গানাইজেসন অমা ওইনা মথৌ তৌবগীদমক ইঙ্কম তেক্স দিপার্ৎমেন্তবু শিংথাখি। শেল থুম মন্ত্রী অসিনা বিভাগ অসিবু হৌখিবা শেনবা চহিদা খ্বাইদগী ৱাংবা রেভিন্যু খোমগৎপা ওইনা লুপা করোর লাখ ১৪ খোমগৎখিবগীদমক থাগৎখি অমসুং বিভাগ অসিনা চৎলিবা খোঙজেল অসিবু চৎলিবা শেনবা চহি অসিদসু অহোংবা লৈহল্লোই হায়বগী থাজবা ফোংদোখি।

কেন্দ্রগী শেলথুমগী রাজ্যগী মন্ত্রী শ্রী পঙ্কজ চৌধরীনা মহাক্কী ৱারোলদা তেক্স পেয়রশিংগী বিভাগ অসিগী থৌদাং অসি মতীক চাবা অমসুং কান্নবা ফংলবা তেক্স এদমিনিস্ত্রেসন অমখক ওইবতা নত্তনা পুকচেল শেংবা তেক্সপেয়রশিংবু ইকাইখুম্নবগা লোইননা অফবা তেক্সপেয়র ফেসিলিতেসন পীবসু য়াওরি। মহাক্না বিভাগ অসিবু হৌজিক্কান মতম অসিদা মীয়ামগী ইহুল খঙনা থবক তৌবগীদমক অমসুং মনুং মপান ফাওনা উবা, অরোনবা লৈতবা অমসুং তেক্সপেয়রদা নুংঙাইবা থবক থৌরমগীদমক শিংথাখি। কেন্দ্রগী কেন্দ্রগী শেলথুমগী রাজ্যগী মন্ত্রী দা. ভগৱত সিশানরাও করদনা মহাক্কী ৱারোলদা ইঙ্কম তেক্স বিভাগ অসিনা লৈবাক অসিগী চাউখৎলোন্দা য়াম্না মরুওইবা থৌদাং অমা লৌরি হায়না থমখি। বিভাগ অসিনা তেক্সপেয়র অমসুং অতোপ্পা স্তেক হোল্দরশিংগা লোইনবগী মওং মতৌদা হেন্না ময়েক শেংহন্দুনা মীপুম তিংনা কান্নবা পীবা রিফোর্ম কয়া অমা লৌখৎখিবগীদমক থাগৎখি।

রেভিন্যু সেক্রেতরী শ্রী তরুন বজাজনা মহাক্কী ৱারোলদা বিভাগ অসিবু অফবা অহোংবা কয়া অমা পুরকপগীদমক অমসুং তেক্সপেয়রশিংদা মতম চানা থবক পীদুনা মতীক চাবা ওর্গানাইজেসন অমা ওইরে হায়বা উৎপীবগীদমক শিংথাখি। বিভাগ অসিনা খ্বাইদগী নৌবা অহোংবশিং অমসুং আর্তিফিসিএল ইন্তেলিজেন্স অমসুং দেতা এনালাইজিং তুলশিং মনুং মপান ফাওনা উনবগীদমক খ্বাইদগী নৌবা তেক্নোলোজীশিং পুরকপগীদমক মহাক্না বিভাগ অসিবু থাগৎখি। তোঙান-তোঙানবা তেক্সপেয়র আউৎরিচ প্রোগ্রাম কয়া অমা বিভাগ অসিনা শীনলিবা অসি তেক্সপেয়র অমসুং দিপার্তমেন্তকী মরক্তা থাজবা অমসুং ইকাইখুম্নবা হেনগৎহল্লগনি হায়না মহাক্না ফোংদোকখি।

চিয়র্মেন, সি.বি.দি.তি. শ্রী নিতিন গুপ্তনা মহাক্কী ৱারোলদা দিপার্তমেন্ত অসিবু শেনবা চহি ২০২১-২২দা লুপা করোর লাখ ১৪,০৯ অপুনবা ওইনা খোমগৎখিবগীদমক থাগৎখি অমসুং বিভাগ অসিগী পার্সনেলশিংনা মিংচৎ অসিগীদমক চাউথোকপা লৈতনা, হনবা লৈতনা হোৎননবগীদমক ফোংদোকখি। তেক্সপেয়রশিংগী চার্তরগী ৱাখল্লোন্দা তেক্সপেয়রশিংগী ৱাকৎ তাবনা খ্বাইদগী ৱাংবা তৌফম থোকপনি হায়না লৌগদবনি হায়না ফোংদোকখি হায়না থমখি। বিভাগ অসিনা হৌজিক চৎথরিবা মমাংদা তৌখিবগুম  সর্ভিসতা য়ুম্ফম ওইবা খোঙথাং, অচুম্বা ভেল্যু অমসুং ইথিক্সতা য়ুম্ফম ওইদুনা হোৎনখিগনি হায়বগী থাজবা লৈ হায়না মহাক্না ফোংদোকখি। সি.বি.দি.তি.গী চিয়রমেন অসিনা তেক্সপেয়র অমসুং স্তেকহোল্দরশিংবু বিভাগ অসিগী য়ুত্যুব চেন্নেলদা থারিবা 'সম্ভাদ'কী থোঙদা তেক্সপেয়রশিংদা ৱারোল থমখি।

ইঙ্কম তেক্স নুমিৎ পাঙথোকপা অসিনা বিভাগ অসিগী পার্সন্নেলশিংনা লৈবাক্কীদমক পায়খৎলকখিবা থবকশিংবু হন্দুনা য়েংনবা অমসুং নৌনা মশা মশামক্না লৈবাক্কীদমক কৎথোক্তুনা লৈবাক অসিগী চাউখৎনবগীদমক হোৎননবগী থৌরম অমা ওইখি।

***************