ভারতকী হিস্তোরিকেল রেঞ্জতা কবোকৈ লৈহন্নবগীদমক ঙসি ভারত সরকার অমসুং রিপব্লিক ওফ নামীবিয়াগী সরকারনা লমলক্কী শা-উচেক ঙাকশেন্নবা অমসুং সস্তেনেবল বাইওদাইভর্সিতী য়ুতিলাইজেসনগী মতাংদা মেমোরন্দম ওফ অন্দরস্তেন্দিং (এম.ও.য়ু.) অমা খুৎয়েক পীনখ্রে।

নামীবিয়াগী উপ রাস্ত্রপতি, কুমারি নংগোলো মবুম্বা অমসুং এনভাইর্নমেন্ত, ফোরেস্ত এন্দ ক্লাইমেৎ চেঞ্জকী কেন্দ্র মন্ত্রী, শ্রী ভুপেন্দ্র য়াদবনা এম.ও.য়ু. খুৎয়েক পীনবা

এম.ও.য়ু.না মপুং ওইনা মীৎয়েং চংগদবা লমশিং অদুদি:

• কবোকৈনা মুৎখ্রিবা মখোয়গী হান্না চাক্তরম্বা মফমশিং অদুদা মখোয়বু ঙাকশেন্নবা অমসুং অমুক হন্না চাক্তাহন্নবা অখন্নবা মীৎয়েংগা লোয়ননা বাইওদাইভর্সিতী কঞ্জর্বেসন তৌবা,
• লৈবাক অনিদা কবোকৈ ঙাকশেনবদা থৌগৎনবা পান্দম থম্মিবা খঙ-হৈবা অমসুং তৌবা ঙম্বশিং শিয়র অমসুং একচেঞ্জ তৌবা,
• অফবা প্রেক্তিসশিং শিবর তৌদুনা লমলক্কী শা-উচেক ঙাকশেনবা অমসুং সস্তেনেবল বাইওদাইভর্সিতী য়ুতিলাইজেসন তৌবা,
• লমলক্কী শা উচেক্কী চাক্তফমশিংদা লৈরিবা লমদম অদুগী মীয়ামশিংগী হিংনবগী লম্বী পীনবা তেক্নোলোজিকেল এপ্লিকেসনশিং, মেকানিজমশিং অমসুং বাইওদাইভর্সিতীগী সস্তেনেবল মেনেজমেন্ত।
• ক্লাইমেৎ চেঞ্জ, এনভাইর্নমেন্তেল গভর্নসন্স, এনভাইর্নমেন্তগী শাফু এসেসমেন্তশিং তৌবা, পোলুসন অমসুং ৱেস্ত মেনেজমেন্ত অমসুং নাকল অনিমক্না পাম্বা অতোপ্পা লমশিং অসিদা চুংশিন্নবা।
• তেক্নিকেলগী খঙ-হৈবা, মরী লৈনবা খুদিংমক য়াওনা ৱাইল্দলাইফ মেনেজমেন্তদা ত্রেনিং অমসুং এজুকেসনগীদমক পর্সনেল একচেঞ্জ তৌবা।

নেস্নেল কঞ্জর্বেসন কাংলোন অমসুং থাজবা অসিগীদমক কবোকৈ অসি য়াম্না অখন্ননা মরু ওই। ভারত্তা কবোকৈ অমুক হন্না পুরকপা ঙম্বা অসি কঞ্জর্বেসন পাকথোক-চাউথোকপদা য়াম্না মরু ওই। কবোকৈ অমুক হন্না লৈহনবা হায়বা অসি কবোকৈগী অশেংবা চাক্তাফমশিং অমসুং মখোয়গী বাইওদাইভর্সিতী অমুক হন্না লৈহনবা, বাইওদাইভর্সি মাংথরক্লিবা অসি কনবদা মতেং ওইনবগী প্রোতোতাইপকী শরুক অমা ওইগনি।

মীওইবনা হিংবদা অকাইবা পীরিবা অচৌবা শাহিং চাবা কাংলুপশিংগী মরক্তা কবোকৈশিংনদি অকাইবা পীবা য়াম্না হন্থৈ, মরমদি মখোয় অসি মীওইবদা খুদোংথিনীংঙাই ওইদে অমসুং মখোয়না অচৌবা শা-শনদা শরাক তমদে। মরু ওইবা প্রিদেতর অমা অমুক হন্না লৈহনবা অসিনা হিস্তোরিক ইভোল্যুস্নরী বেলেন্স রিস্তোর তৌদুনা ইকোসিস্তেমগী তোঙান-তোঙানবা থাকশিংদা কান্নবা পীরি, মসিনা লমলক্কী শা-উচেক্কী চাক্তাফম (গ্রাসলেন্দ, স্ক্রবলেন্দ অমসুং ওপন ফোরেস্ত ইকোসিস্তেমশিং) নীংথিনা মেনেজমেন্ত অমসুং রেস্তোরেসন তৌবা ঙমহল্লি, কবোকৈনা চাবা জিবা অমসুং সিম্পাত্রিক এনদেঞ্জর্দ স্পেসিস ঙাকশেনবা অমসুং অচৌবা প্রিদেতরগী তোপ-দাউন ইফেক্ত ঙাকশেন্দুনা ইকোসিস্তেমশিংগী লোৱর ত্রোপিক লেবেলশিংদা দাইভর্সিতী হেনগৎহনবা অমসুং লেংদনা থম্বা ঙমহল্লি।

ভারত্তা পাইখৎপা চীতা ইন্ত্রদক্সন প্রোজেক্ত অসিগী মপুং ওইবা পান্দমদি কবোকৈবু তোপ প্রিদেতর ওইবগী মরু ওইবা থৌদাং পাঙথোকপা ঙমহন্নবা অমসুং মাগী গ্লোবেল কঞ্জর্বেসনগী খোঙথাংশিং অসিদা শরুক তমদুনা মাগী হিস্তোরিকেল রেঞ্জ মনুংদা কবোকৈ মশিং হেনগৎহন্নবগীদমক ভাইএবল চীতা মেতাপোপুলেসন লৈহন্নবনি।

ইং কুমজা ২০১০ অমসুং ২০১২ ফাওবগী মনুংদা সাইৎ ১০গী সর্ভে পাঙথোকখি। দেমোগ্রাফী, জেনেতিক্স অমসুং পামদবা অমসুং হিংনবগী লম্বীগী সমাজিক-শেন্মীৎলোনগী ফীভম মতুং ইন্না লৈরিবা স্পেসিস ভাইএবিলিতী অসি ঙাক্লিবা রিইন্ত্রদক্সনশিংগী আই.য়ু.সি.এন. গাইদলাইনশিংদা য়ুম্ফম ওইবা ভারতকী কবোকৈগী পোপুলেসন এস্তাব্লিশ তৌনবগী ফিসিবিলিতীগীদমক ইভাল্যুএৎ তৌখিবা পোতেন্সিএল সাইৎশিংদগী মধ্য প্রদেশকী রাজ্যদা লৈবা কুনো নেস্নেল পার্ক অসি কবোকৈ থম্নবা শেম-শারে হায়না লৌখি মরমদি এসিএতিক লায়নগী রিইন্ত্রদক্সন তৌনবগীদমক প্রোতেক্তেদ এরিয়া অসিদা ইনভেস্তমেন্ত কয়া তৌখিবনা মেনেজমেন্ত ইন্তর্ভেন্সন য়াম্না চংখিদে।

মেক্সিমম এন্ত্রোফী মোদেলশিং শীজিন্নদুনা মরী লৈনবা ইকো-ক্লাইমেতিক কোভেরিএৎশিংদগী মোদেল ইক্বিভেলেন্ত নিচ স্পেসকা লোয়ননা সাউদর্ন এফ্রিকাদা (সাউন অফ্রিকং, নামীবিয়া, বোৎস্বানা অমসুং জিম্বাবৱে) লৈবা কবোকৈ শীজিন্নখি। কুনো নেস্নেল পার্ক অসি কবোকৈগী চাক্তাফমগী স্যুতেবিলিতীদা ৱাংনা প্রোবেবিলিতী লৈবগা লোয়ননা সাউদর্ন এফ্রিকাগী কবোকৈগী ক্লাইমেৎ নিচ অসি ভারত্তা লৈ হায়না এনালাইসিসনা উৎলি।

আই.য়ু.এন.সি. গাইদলাইনশিং ঙাক্না অমসুং সাইৎ এসেসমেন্ত অমসুং প্রে দেন্সিতী, কুনো নেস্নেল পার্ক্কী কবোকৈ থম্বগী হৌজিক লৈরিবা কেপাসিতী, অতোপ্পা ক্রাইতেরিয়া কয়াগী মতুং ইন্না কুনো নেস্নেল পার্কদা কবোকৈগী ত্রান্সলোকেসনশিংগী এক্সন প্লান অসি শেমখি।

কুনো নেস্নেল পার্ক্কী হৌজিক লৈরিবা থম্বা য়াবগী কেপাসিতী অসি য়াম্লবদা কবোকৈ ২১নি, রেস্তোর তৌখ্রবদি অচৌবা লেন্দস্কেপ অসিদা কবোকৈ ৩৬ ফাওবা থম্বা য়াগনি। থম্বা য়াবগী কেপাসিতী অসি প্রে রেস্তোরেসন তৌবগী খুত্থাংদা কুনো ৱাইল্দলাইফ দিবিজন (স্ক্যের কিমি ১,২৮০)গী লেমহৌরিবা শরুক অসিদা হেনগৎহনবা য়াগনি।

ভারতকী চীতা ইন্ত্রদক্সন প্রোগ্রামগী ফাইনান্সিএল অমসুং এদমিনিস্ত্রেতিব সপ্পোর্ত অসি এন.তি.সি.এ.গী খুত্থাংদা এম.ও.ই.এফ. এন্দ সি.সি.না পীগনি। কোর্পোরেৎ সোসিএল রেস্পোন্সিবিলিতী (সি.এস.আর.)গী খুত্থাংদা সরকার অমসুং কোর্পোরেৎ এজেন্সীশিংনা শরুক য়াবা অসিনা রাজ্য অমসুং কেন্দ্রগী থাক্তা অহেনবা ফন্দিং তৌবদা পুক্নিং থৌগৎলগনি। ৱাইল্দলাইফ ইন্সতিত্যুত ওফ ইন্দিয়া (দবল্যু.আই.আই.), নেস্নেল অমসুং ইন্তর্নেস্নেল কার্নিভোর/চীতা এক্সপর্তশিং/এজেন্সীশিংনা প্রোপ্রাম অসিদা তেক্নিকেল অমসুং নোলেদজ সপ্পোর্ত পীগনি।

এম.ও.ই.এফ. এন্দ সি.সি., এন.তি.সি.এ., দবল্যু.আই.আই., স্তেৎ ফোরেস্ত দিপার্তমেন্তশিংগী ওফিসিএলশিংনা অফ্রিকাগী চীতা কঞ্জর্বেসন রিজর্বশিংগী কেপাসিতী বিল্দিং প্রোগ্রামগী খুত্থাংদা ভারত্তা চীতা ইন্ত্রদক্সন মাইপাক্না তৌনবা সেন্সিতাইজ তৌগনি। মসিগী মথক্তা, অফ্রিকাদগী চীতা মেনেজরশিং অমসুং বাইওলোজিস্তশিংনা ভারতকী কাউন্তরপার্তশিংদা ত্রেনিং পীনবা কৌগনি।

প্রোতেক্সন অমসুং মেনেজমেন্তগী তঙাই ফদবা ওইরিবা মোনিতরিং তৌবগী থৌদাং অসি কুনো নেস্নেল পার্ক মেনেজমেন্তনা তৌগনি অমরোমদা চীতা রিসর্চ তীমনা রিসর্চ মোনিতর তৌগনি। মফম অদুগী খুঞ্জাশিংনা শরুক য়াবদা পুক্নিং থৌগৎনবা তোঙান-তোঙানবা আউতরীচ অমসুং এৱের্নেস প্রোগ্রামশিং পাঙথোক্কনি। কঞ্জর্বেসন অসিদা সর্পঞ্চশিং (খুলাকপা), মফম অদুগী লুচিংবশিং, ওজাশিং, সোসিএল ৱার্করশিং, লাইনীং-লাইশোনগী ওইনা মশক নাইবা মীওইশিং অমসুং এন.জি.ও.শিংদা অচৌবা স্তেক পীগনি। ফোরেস্ত বিভাগকা লোয়ননা কঞ্জর্বেসন অমসুং লৈরিবা তোঙান-তোঙানবা স্কিমশিংগী মতাংদা মীয়ামবু সেন্সিতাইজ তৌনবা স্কুলশিং, কোলেজশিং অমসুং খুঙ্গংশিংদা এৱের্নেস প্রোগ্রামশিং পাঙথোক্নবসু শেম-শারি। “চিন্তু চীতা” কৌবা লোকেল মাস্কোৎ অমগা লোয়ননা মফম অদুগী মীয়ামগীদমক পব্লিক এৱের্নেস কেম্পনশিং চত্থরি। মধ্য প্রদেশকী মুখ্য মন্ত্রীনা রাজ্যগী ওফিসিএলশিং অমসুং কুনো নেস্নেল পার্ক্কী অকোইবদা লৈরিবা কেন্দ্রশিংদগী কারকপা রাজ্যগী বিধান সভাগী মীহুৎশিংদা চীতা-হ্যুমেন ইন্তর্ফেসকী মতাংদা ই-পাউ খঙহন্নবা পাউতাক পীখি।

ইং কুমজা ২০২০গী ভারতকী সুপ্রিম কোর্তী পাউতাক মতুং ইন্না ভারত্তা চীতা ইন্ত্রদক্সন তৌগদৌরিবা অসি ভারতকী সুপ্রিম কোর্তনা খনখিবা এক্সপর্ত কম্মিতিগী লমজিং অমসুং পাউতাক মখাদা এনভাইর্নমেন্ত, ফোরেস্ত এন্দ ক্লাইমেৎ চেঞ্জ মন্ত্রালয় (এম.ও.ই.এফ. এন্দ সি.সি.)গী নেস্নেল তাইগর কঞ্জর্বেসন ওথোরিতী (এন.তি.সি.এ.)না য়েংশিনগনি।

ব্রোচরগীদমক লিঙ্ক অসিদা নম্বীয়ু  "এক্সন প্লান ফোর ইন্ত্রদক্সন ওফ চীতা"

*****