নুপী অমসুং অঙাংশিংগী চাউখৎ থৌরাং মন্ত্রালয়

ৱুমেন অমসুং চাইল্দ দিবলপমেন্ত মিনিস্ত্রিনা মিসন বাৎসল্য স্কিমগী চৎন-কাংলোনশিং ফোঙলে

Posted On: 07 JUL 2022 2:23PM by PIB Imphal

অঙাংশিং য়াইফনবা অমসুং খুন্দা লৈতানবগীদমক মতম অমদা চাইল্দ প্রোতেক্সন সর্বিসেস(সি পি  এস) হায়না খঙনরম্বা স্কিম অসি “মিসন বাৎসল্য” স্কিম হায়না কৌদুনা ২০০৯-১০দগী ৱুমেন অমসুং চাইল্দ দিবলপমেন্ত মিনিস্ত্রিনা কেন্দ্রনা শেন্থং পুথোকপা স্কিম অসি পায়খৎতুনা লাক্লি। স্কিম অসিগী পান্দমদি ভারত্তা লৈরিবা অঙাং খুদিংমক মশা-মউ ফবা অমসুং হরাও-তয়াম্বা অঙাংগী পুন্সি অমা ফংহনবনি। জুবেনাইল জজতিস এক্ত ২০১৫গী কান্নবা ফংনবা অমসুং এস.দি.জিগী পান্দমশিং ফংনবা রাজ্যশিং অমসুং য়ু.তিশিং মতেং পাংবা, হিরম খুদিংমক্তা মখোয় চাউখৎনবা অমসুং মখোয়গী থৌনা ফুদোকপা ঙম্নবা অঙাংশিংগী য়াইফনবা চাউখৎ-থৌরাংগী থবকশিং পায়খৎপা অসি স্কিম অসিগী পান্দম্নি। মিসন বাৎসল্যগী পান্দমদি অরোইবা পাম্বৈ অমা ওইনা অঙাংশিং মহৈলোয়শঙ অমদা শেন্নরিবা অদুগী ফিদমশিং অদুদা য়ুম্ফম ওইরগা খুদোংথিবা তারবা ফিবমশিংদা ইমুং-মনুংদা অঙাংশিং শেন্নবগী থবকশিং পাংথোকহনবনি।

মিসন বাৎসল্যগী মখাদা পাংথোক্কদবা থবকশিংগী মনুংদা- স্তেতুতোরি বোদিশিংগী থবক তৌবা ফগৎহনবা; থবক পাংথোকপগী মওং মপাঙ্গল কনখৎহনবা; ইন্সতিতুৎশিংগী থবকশিং ফগৎহনবা; ইন্সতিতুৎ নত্তবা মীয়াম্না পায়খৎপা থবকশিং পুক্নিং থৌগৎপা; অথু-অকায় লাকপা মতমদা মতেং পাংবা, ত্রেনিং অমসুং কেপাসিতি বিল্দিং য়াওরি।

স্কিম অসি থবক ওইনা পাংথোক্নবা মিনিস্ত্রিগা লোয়ন্না রাজ্যশিং অমসুং য়ু.তি খুদিংমক মেমোরেন্দম ওফ অন্দরতেকিং(এম ও য়ু) খুৎয়েক পীনখ্রে। অচংবা শেনফম কেন্দ্র অমসুং রাজ্যশিং/য়ু.তিশিংগী মরক্তা পুথোক্নদুনা মিসন বাৎসল্য অসি কেন্দ্রনা শেন পুথোকপা স্কিম অমা ওইনা পায়খৎকনি।

মিসন বাৎসল্য স্কিমগী অকুপ্পা চৎন-কাংলোনশিং মিনিস্ত্রিনা ফোঙলে অমসুং চৎন-কাংলোনশিংগী শেন-থুমগী নিয়মশিংগী মতুংইন্না মিসন বাৎসল্য স্কিমগী মখাদা ২০২২-২৩গী ওইনা মখোয়গী শেন-থুমগী দরকার ওইবশিং অমসুং থবক থৌরমশিংগী থৌরাং তৌনবা রাজ্যশিং/য়ু.তিশিংদা খঙহনখ্রে। মিসন বাৎসল্য স্কিমগী নিয়মশিং এপ্রিল ০১, ২০২২দগী চৎনবা হৌগনি।

মিসন বাৎসল্য স্কিমগী অকুপ্পা চৎন-কাংলোনশিং মখাগী অসিদগী ফংগনি:

https://wcd.nic.in/acts/guidelines-mission-vatsalya

*****



(Release ID: 1839898) Visitor Counter : 163