প্রধানমন্ত্রীগী লোইশঙ
পি.এম.না অগ্রদুত গ্রুপ ওফ ন্যুজপেপর্সকী গোল্দন জুবিলীগী পালন থৌরম হৌদোকখ্রে
“লৌশিং লৈবা, হেন্না খঙবা খুন্নাই ওইহনবা হায়বা অসি ঐখোয় পুম্নমক্কী পান্দম ওইগদবনি, ঐখোয় পুম্নমক্না মসিগীদমক পুন্না হোৎনরি”
“অগ্রদুতনা মতম চুপ্পদা জাতিগী খনবা হায়বা অসি মরু ওইনা লৌখি”
“ইচাও মনুংদা কেন্দ্র অমসুং রাজ্য সরকারশিংনা অসামগী মীয়ামগী খুদোংথিবশিং হন্থহন্নবা পুন্না হোৎনরি”
“ভারতকী লেংগ্বেজ জর্নেলিজমনা ভারতকী চৎনবী, নাৎ, নীংতম ইহৌ অমসুং চাউখৎ-থৌরাংগী খোঙচৎতা মরু ওইবা থৌদাং অমা লৌখি”
“মীয়ামগী ইহৌশিংনা কলচরেল হেরিতেজ অমসুং অসামিজকী মীংচৎ ঙাকশেনখি, হৌজিক অসামনা সবকা প্রয়াসকী মতেংগা লোয়ননা অনৌবা চাউখৎ-থৌরাংগী অনৌবা ৱারী অমা ইরি”
“অকক্নবা লোল অমা খঙবা মীওই খরগী মরক্তা ইন্তেলেকচুএল স্পেস অসি করম্না ফাজিন্দুনা থম্লিবনো”
Posted On:
06 JUL 2022 5:50PM by PIB Imphal
প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা অগ্রদুত গ্রুপ ওফ ন্যুজপেপর্সকী গোল্দন জুবিলীগী পালন থৌরম হৌদোকখ্রে। অগ্রদুতকী গোল্দন জুবিলী সেলেব্রেসন কম্মিতীগী চীফ পেত্রোন ওইরিবা অসামগী মুখ্য মন্ত্রী দা হিমন্তা বিশ্ব শর্মাসু থৌরম অসিদা শরুক য়াগনি।
মীতিন অদুদা ৱা ঙাংলদুনা প্রধান মন্ত্রীনা ‘অসামিজ লোলদা অৱাং নোংপোক্কী মপাঙ্গল কনবা খোলাও’ ওইরিবা দাইনিক অগ্রদুতপু থৌরম অসিদা থাগৎপা ফোঙদোকখি অমসুং মখোয়না জর্নেলিজমগী পাম্বৈগী খুত্থাংদা অপুনবগী শক্তম অমসুং চান্না চিন্ননা লৈবগী ভেল্যুশিং ঙাক্তুনা থম্বগীদমক থাগৎখি।
প্রধান মন্ত্রীনা হায়খি মদুদি কনক সেন দেকাগী লমজিং মখাদা অগ্রদুতনা মতম চুপ্পদা জাতিগী হায়বা ৱাখল্লোন অসি মরু ওইনা লৌখি। ইমর্জেন্সীগী মনুংদা দেমোক্রেসীদা খ্বাইদগী চাউনা শীংনরকপা মতমদা অগ্রদুত দেলী অমসুং দেকাজীনা জর্নেলিস্তিক ভেল্যুশিংগী মগুন মাংহনবা তৌখিদে। মহাক্না হায়, মহাক্না ভেল্যু-বেজ জর্নেলিজমগী অনৌবা মীরোল অমা শেমখি।
প্রধান মন্ত্রীনা নুংঙাইতবা পোক্লদুনা হায়খি মদুদি হৌখিবা নুমিৎ খরা অসিদা অসামনা ইচাওগী শক্লোন্দা অচৌবা শীংনবা অমসুং খুদোংথিবশিং মায়োক্নরি। অসামগী অয়াম্বা জিলাদা মহৌশাগী পুন্সিদা চাউনা অকাইবা থোকহনখি। মহাক্না হায়, মুখ্য মন্ত্রী অমসুং মহাক্কী তীম্না তেংবাং অমসুং মী কনবগী থবক অয়ুক নুমিদাং খাইদনা কন্না হোৎনরি। প্রধান মন্ত্রীনা অসামগী মীয়ামদা, অগ্রদুত পারিবশিংদা কেন্দ্র অমসুং রাজ্য সরকারশিংনা মখোয়গী খুদোংথিবশিং হন্থহন্নবা পুন্না হোৎনরি হায়না থাজবা পীখি।
প্রধান মন্ত্রীনা হায়খি, ভারতকী লেংগ্বেজ জর্নেলিজমনা ভারতকী চৎনবী, নাৎ, নীংতম ইহৌ অমসুং চাউখৎ-থৌরাংগী খোঙচৎতা চাউনা শরুক তম্লি। অসামনা ভারত্তা লেংগ্বেজ জর্নেলিজম চাউখৎহনবদা মরু ওইবা থৌদাং অমা লৌখি মরমদি রাজ্য অসি জর্নেলিজমগী মীৎয়েংদগী য়েংলকপদা য়াম্না মরু ওইবা মফম অমা ওইখি। জর্নেলিজম অসি অসামিজ লোলদা চহি ১৫০গী মমাংদগী হৌরকখি অমসুং মতমগা ইরোইননা মপাঙ্গল কনখৎলকখি, হায়না মহাক্না মখা তাখি।
প্রধান মন্ত্রীনা দাইনিক অগ্রকরগী হৌখিবা চহি ৫০গী খোঙচৎ অসিনা অসামদা অহোংবা পুরকখিবগী ৱারী লিরি হায়না নীংশিংখি। অহোংবা অসি পুরকপদা মীয়ামগী ইহৌশিংনা মরু ওইবা থৌদাং অমা লৌখি। মীয়ামগী ইহৌশিংনা অসামগী কলচরেল হেরিতেজ অমসুং অসামিজকী মীংচৎ ঙাকশেনখি। অমসুং হৌজিক অসামনা সবকা প্রয়াসকী মতেংগা লোয়ননা অনৌবা চাউখৎ-থৌরাংগী অনৌবা ৱারী অমা ইরি।
প্রধান মন্ত্রীনা হায়খি দাইলোগ লৈরবদি, সোল্যুসনসু লৈগনি। দাইলোগকী খুত্থাংদা মসিগী ওইথোকপা য়াবশিং অসি পাকথোক-চাউথোরকই। মরম অসিনা ভারতকী দেমোক্রেসীগী লৈরিবা লৌশিংগা লোয়ননা ই-পাউগী ইচেল অসি লেপ্পা লৈতনা চেন্থরক্লি। মহাক্না হায়, অগ্রদুত অসি চৎনবী অসিগী শরুক অমনি।
নীংতম্বগী চহি ৭৫শুরকপা অসিদা প্রধান মন্ত্রীনা অকক্নবা লোল অমা খঙবা মীওই খরগী মরক্তা খক্তা ইন্তেলেকচুএল স্পেস ফংজিন্দুনা থম্লিবা অসিদা ৱাহং হংখি। মহাক্না মখা তারদুনা হায় ৱাহং অসি পুক্নিংগী ইহুল ওইবা খক্তা নত্তনা সাইন্তিফিক লোজিক অমসু ওইরি। মসি অহুমশুবা ইন্দস্ত্রিএল রিভোল্যুসনশিংগী রিসর্চতা তুংদা লৈহৌনবগী মরম অমা ওইনা উবসু য়াই। প্রধান মন্ত্রীনা হায়খি ভারতকী লোলশিং শন্দোকহনবা অসি মীনাই-নাইথাংগী শাংলবা মতমগী মনুংদা অথিংবা থমখি, অমসুং মোদর্ন ইপিস্তেমোলোজীদা রিসর্চ অসি লোল খরা খক্তদা তৌখি। ভারতকী য়াম্লবা শরুক অমনা লোলশিং অসি শীজিন্নবা ফংখিদে, লৌশিং অসি খঙখিদে। মহাক্না মখা তারদুনা হায় ইন্তেলেক্কী এক্সপর্তিজকী লম অসি পীকশিল্লক্লি। মসিনা মরম ওইদুনা ইনভেন্সন অমসুং ইনোভেসনগী পুল অসি চাউথোকপা ঙমহনদে। ৪শুবা ইন্দস্ত্রিএল রিভোল্যুসন্দা মালেমবু লমজিংনবা ভারত্তা অচৌবা খুদোংচাবা অমা লৈ। খুদোংচাবা অসি ঐখোয়গী দেতা পাৱর অমসুং দিজিতেল ইনক্লুজন অসিনা মরম ওইরগা ফংবা ঙম্মি। প্রধান মন্ত্রীনা হায়খি মদুদি “শুপ্নগী লোলনা মরম ওইরগা ভারত মচা অমত্তদা খ্বাইদগী চুম্বা ই-পাউ, খ্বাইদগী ফবা লৌশিং, খ্বাইদগী ফবা স্কিল অমসুং খ্বাইদগী ফবা খুদোংচাবা ফংহনবা তৌরোইদবনি, মসি ঐখোয়গী খোঙথাংনি। মরম অসিনা ঐখোয়না নেস্নেল পোলিসী ওন এজুকেসন্দা ভারতকী লোলশিং তম্নবা পুক্নিং থৌগৎখি”। প্রধান মন্ত্রীনা ইমা লোলদা য়াওরিবা লৌশিং হায়বা থিম অসিদা মখা তারদুনা হায়খি, “ভারতকী লোলশিংদা মালেমগী খ্বাইদগী ফবা কনতেন্ত শেম্বা হায়বা অসি হৌজিক ঐখোয়গী পান্দম ওইরি। মসিগীদমক ঐখোয়না নেস্নেল লেংগ্বেজ ত্রান্সলেসন মিসন শেমগৎলি। খোঙথাং অসিদা লৌশিং অমসুং ই-পাউগী খ্বাইদগী চাউবা পুকৈ ওইরিবা ইন্তর্নেৎ অসি মহাক মশাগী লোলদা ভারতমচা খুদিংমক্না শীজিন্নবা য়াহন্নবা হোৎনরি”। মহাক্না নৌনা লোঞ্চ তৌখিবা য়ুনিফাইদ লেংগ্বেজ ইন্তর্ফেস, ভাশিনী প্লেৎফোর্মগী মতাংদসু পনখি। মহাক্না মখা তারদুনা হায়, “ভারতমচা করোর কয়াদা মখোয় মশাগী লোলদা ইন্তর্নেৎ ফংহনবা হায়বা অসি সোসিএল অমসুং ইকনোমিক, হীরম খুদিংমক্তা মরু ওই”।
অসাম অমসুং অৱাং নোংপোক্কী বাইওদাইভর্সিতী অমসুং কলচরেলগী ফজবা অসিগী মতাংদা পল্লদুনা প্রধান মন্ত্রীনা হায়খি অসামদা ঈশৈ-নোংমাইগী মমল য়াম্লবা লেগেসী লৈজে অমসুং মসি মালেম শিনবা থুংনা য়ৌহনবা মথৌ তাই। মহাক্না হায় হৌখিবা চহি ৮ অসিদা লমদম অসিগী ফিজিকেল অমসুং দিজিতেল কন্নেক্তিবিতীগা মরী লৈননা পাইখৎখিবা খোঙথাংশিংনা অসামগী ত্রাইবেল ত্রেদিসিন, তুরিজম অমসুং নাৎতা চাউনা কান্নবা পীরগনি।
প্রধান মন্ত্রীনা হায়খি স্বচ্ছ ভারত মিসনগুম্বা কেম্পেনশিংদা ঐখোয়গী মীদিয়ানা লৌখিবা অফবা থৌদাং অসি ঙসি লৈবাক শিনবা থুংবদা অমসুং মালেমদা ফাওবা থাগৎনরি। প্রধান মন্ত্রীনা হায়, “মসিগা মান্ননা অদোম্না অমৃত মহোৎসবতা লৈবাক্কী ফিরেপশিং লৌবদদা শরুক য়াবীয়ু”।
“লৌশিং লৈবা, হেন্না খঙবা খুন্নাই ওইহনবা হায়বা অসি ঐখোয় পুম্নমক্কী পান্দম ওইগদবনি, ঐখোয় পুম্নমক্না মসিগীদমক পুন্না হোৎনরি”, হায়না ফোঙদোক্লদুনা প্রধান মন্ত্রীনা ৱারোল পীবা লোইশিনখি।
*****
(Release ID: 1839675)
Visitor Counter : 119
Read this release in:
Bengali
,
English
,
Urdu
,
Marathi
,
Hindi
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam