নই দিল্লীগী বিজ্ঞান ভবন্দা জুলাই ৪দা ভারত সরকারগী কোওপরেসন মন্ত্রালয় অমসুং নেস্নেল কোওপরেতিব য়ুনিয়ন ওফ ইন্দিয়া (এন.সি.য়ু.আই.)না পুন্না শিন্নদুনা পাঙথোক্কদবা ১০০শুবা মালেমগী কোওপরেতিবশিংগী নুমিৎ অসিদা গৃহ অমসুং কোওপরেসনগী কেন্দ্রগী মন্ত্রী, শ্রী অমিত শাহনা অথোইবা মীথুংলেন ওইনা সরুক য়াগনি। এন.সি.য়ু.আই. অসি কোওপরেতিব এজুকেসন অমসুং ত্রেনিংদা মীৎয়েং থম্লিবা ভারতকী কোওপরেতিব মুফমেন্তগী এপেক্স ওর্গনাইজেসন অমনি।

১০০শুবা মালেমগী কোওপরেতিব নুমিৎকী থিম অসি “কোওপরেতিবস বিল্দিং আত্মানির্ভর ভারত এন্দ এ বেত্তর ৱর্ল্দ”না ওইরি। হেন্না ফবা মালেম অমা শেমগৎপদা আত্মনির্ভর ভারত অসি য়াম্না মরু ওইনা লৌরদুনা কোওপরেসন মন্ত্রালয় অমসুং এন,সি.য়ু.আই.না “কোওপরেতিবস বিল্দিং আত্মানির্ভর ভারত এন্দ এ বেত্তর ৱর্ল্দ” হায়বা থিমগা লোয়ননা থৌরম অসি শিল্লি। আত্মনির্ভর ভারতকী মপুং ওইবা ৱাখল্লোন অমসুং মীৎয়েং অসি ভারতকী শেন্মীৎলোনবু মশাগী ওইবা সস্তেনেবল গ্রোথ লৈহনবা হায়বা অসিদা য়ুম্ফম ওই; ভারতকী কোওপরেতিব মোদেল অসি ভারত সরকারনা আত্মনির্ভর ভারত অমা শেমগৎনবা মীৎয়েং চংলিবা অসিগা মান্নরি।

ভারতকী কোওপরেতিব মুফমেন্ত অসি মালেমগী ওইনা খ্বাইদগী চাউই। হৌজিক্কী ওইনা, খুঙ্গংশিংনা চাদা ৯০ কোল্লিবা লাখ ৮.৫ হেনবগী নেৎৱার্ক অমগা লোয়ননা ভারতকী কোওপরেতিবশিংনা খুঙ্গং অমসুং সহরগী মফম অনিমক্তা ইনক্লুসিব গ্রোথকীদমক সোসিও-ইকনোমিক দিবেলপমেন্ত পুরক্নবা মরু ওইবা লোইশঙশিং ওইরি। এ.এম.য়ু.এল., আই.এফ.এফ.সি.ও., কে.আর.আই.বি.ঐচ.সি.ও., এন.এ.এফ.ই.দি. অসিনচিংবা অসি ভারতকী কোওপরেতিব মুফমেন্তগী মীয়াম্না খঙনরবা মাইপাকপগী ৱারী খরনি।

প্রধান মন্ত্রী শ্রী নরেন্দ্র মোদীগী লুচিং মখাদা কোওপরেতিব সেক্তরদা নীংথিনা শাহৌ পীনবগীদমক কেন্দ্র সকরারনা জুলাই ২০২১দা কোওপরেসন মন্ত্রালয় শেমখি। কেন্দ্রগী গৃহ মন্ত্রী, শ্রী অমিত শাহদা নৌনা শেম্বা কোওপরেসন মন্ত্রালয়গী থৌদাং শিন্নখি। মসি শেম্লবা মতুংদা মন্ত্রালয় অসিনা অনৌবা কোওপরেতিব পোলিসী অমসুং স্কিমশিং দ্রাফ তৌনবা থবক তৌরি অমসুং শ্রী অমিত শাহগী লমজিং মখাদা লেপ্পা লৈতনা খুমাং চাউশিল্লি।

কোওপরেতিব সেক্তরদা লৈবাক অসিগী লৌমীশিং, লৌউ-শিংউ অমসুং খুঙ্গংগী মফমশিংগী চাউখৎ-থৌরাং অমসুং মপাঙ্গল হাপ্নবা মতিক-ময়াই চাউনা লৈ। মরম অসিনা প্রধান মন্ত্রী, শ্রী নরেন্দ্র মোদীগী লুচিং মখাদা কেন্দ্র সরকারনা ‘সহকার সে সমৃদ্ধি’ হায়বা মন্ত্রগা লোয়ননা কোওপরেতিব সেক্তর অসিবু শক্তি পীরি।

পি.এ.সি.এস.কী মথৌ তৌবা হেনগৎহন্নবা, মখোয়গী ওপরেসনশিংদা ত্রান্সপরেন্সী অমসুং একাউন্তেবিলিতী লৈহন্নবা; পি.এ.সি.এস.না মখোয়গী বিজিনেস পাকথোক-চাউথোকহন্নবা অঞসুং থবক-থৌরম/সর্ভিস কয়ামরুম পাইখৎপা য়াহন্নবা পান্দমগা লোয়ননা হন্দক্তা কেন্দ্রগী মন্ত্রী-মন্দলনা প্রাইমারী এগ্রিকলচরেল ক্রেদিৎ সোদাইতীজ (পি.এ.সি.এস.) কম্প্যুতরাইজেসন তৌবদা অয়াবা পীদুনা কোওপরেতিব সেক্তর মখা তানা মপাঙ্গল কনখৎহন্নবা মরু ওইবা ৱারেপ অমা লৌখি। প্রোজেক্ত অসিনা অপুনবা বজেৎ আউতলে লুপা করোর ২,৫১৬কা লোয়ননা চহি ৫গী মতমগী মনুংদা মথৌ তৌরিবা পি.এ.সি.এস. ৬৩,০০০ রোম কম্প্যুতেরাইজেসন তৌনবা প্রপোজ তৌখি।

কোওপরেতিবশিংনা ১০০শুবা মালেমগী কোওপরেতিবশিংগী নুমিৎ মালেম শিনবা থুংবদা জুলাই ২দা পালন তৌই। মসিনা য়ুনাইতেদ নেসন্স ইন্তর্নেস্নেল ইয়র ওফ কোওপরেতিবস ২০১২না কোওপরেতিন প্রিন্সিপল অমসুং ভেল্যুশিংনা ইথিল পীদুনা হ্যুমেন-সেন্তর বিজিনেস মোদেল অমা ঙাক্না চৎতুনা মালেমগী কোওপরেতিবশিংনা অখন্ননা শরুক তম্লিবা অদু উৎলকপা চহি ১০ মপুং ফাবা ওইরগনি। কোওপরেতিবশিংগী মালেমগী নুমিৎকী পান্দম অসি কোওপরেতিবশিংগী এৱের্নেস হেনগৎহনবা অমসুং ইন্তর্নেস্নেল সোলিদরিতীগী ৱাখল্লোন চেনবা মুফমেন্ত অসি চাউখৎহনবা, ইকনোমিক ইফিসিএন্সী, ইক্বেলিতী অমসুং মালেমদা শান্তি লৈহনবনি। কোওপরেতিবশিংনা থবক তৌবা মীশিংগী চাদা ১০দা থবকশিং পীরি অমসুং অচৌবা কোওপরেতিব নত্ত্রগা ম্যুচুএল ৩০০না তর্নওভর য়ু.এস. দোলর বিলিয়ন ২,৪১৬ লাকহল্লি।

থৌরম অসিদা শরুক য়াগদবশিংগী মরক্তা দাইরী এন্দ ফিসরীজকী কেন্দ্র মন্ত্রী, শ্রী পর্শোত্তম রুপালা, কোওপরেসনগী রাজ্য মন্ত্রী শ্রী বি.এল. ভর্মা অমসুং আই.সি.এ.-এ.পি.গী প্রসিদেন্ত দা. চন্দ্র পাল সিংহসু য়াওরি। মীফম অসিদা এন.সি.য়ু.আই.গী প্রসিদেন্ত, দিলীপ সংঘানিনা ময়াই তাংবল লৌগনি।

**********