২০২২গী জুন থাদা খোমগৎখিবা গ্রোস জি.এস.তি. রিভেন্যু অসি লুপা করোর ১,৪৪,৬১৬ ওইখি, মসিগী মনুংদা সি.জি.এস.তি.না লুপা করোর ২৫,৩০৬, এস.জি.এস.তি.না লুপা করোর ৩২,৪০৬, আই.জি.এস.তি.না লুপা করোর ৭৫,৮৮৭ (মপালদগী পুশিল্লকপা পোৎলমশিংদগী খোমগৎখিবা লুপা করোর ৪০১০২ য়াওরগা) অমসুং সেস অসি লুপা করোর ১১,০১৮ (মপালদগী পুশিল্লকপা পোৎলমশিংদগী খোমগৎখিবা লুপা করোর ১১৯৭ য়াওরগা) ওইখি। জুন ২০২২গী গ্রোস জি.এস.তি. কল্লেক্সন অসি এপ্রিল ২০২২গী লুপা করোর ১,৬৭,৫৪০গী কল্লেক্সনগী মথংদা অনিশুবা খ্বাইদগী ৱাংবা কল্লেক্সন ওইখি।

সরকারনা আই.জি.এস.তি.দগী সি.জি.এস.তি.দা লুপা করোর ২৯,৫৮৮ অমসুং এস.জি.এস.তি.দা লুপা করোর ২৪,২৩৫ সেত্তল তৌখি। মসিগী মথক্তা থা অসিদা কেন্দ্র অমসুং রাজ্য/য়ু,তি.শিংগী মরক্তা ৫০:৫০গী রেসিওদা এদ-হোক বেসিসকী আই.জি.এস.তি.গী লুপা করোর ২৭,০০০ কেন্দ্রনা সেত্তল তৌখি। রিগুলর সেত্তলমেন্ত  অমসুং এদহোক সেত্তলমেন্ত তৌরবা মতুংদা ২০২২গী জুন থাগী কেন্দ্র অমসুং রাজ্যশিং/য়ু.তি.শিংগী অপুনবা রিভেন্যু অসি সি.জি.এস.তি.গী লুপা করোর ৬৮,৩৯৪ অমসুং এস.জি.এস.তি.গী ওইনা লুপা করোর ৭০,১৪১নি।

জুন ২০২২গী থা অসিগী রিভেন্যুশিং অসি হৌখিবা চহিগী চপ মান্নবা থাগী লুপা করোর ৯২,৮০০দগী জি.এস.তি. রিভেন্যুশিংদগী ৫৬% হেনখি। থা অসিগী মনুংদা মপালদগী পোৎলমশিং পুশিল্লকপদগী লাকপা রিভেন্যুশিং অসিনা ৫৫% অমসুং দোমেস্তিক ত্রাঞ্জেক্সনদগী (সর্ভিসেসকী ইম্পোর্তশিং য়াওরগা) লাকপা রিভেন্যু অসিনা ৫৬% ওইদুনা হৌখিবা চহিগী চপ মান্নবা থাগী মনুংদা সোর্সশিং অসিদগী লাকপা রিভেন্যুশিংদগী ৱাংবা হেনখি।

মসি জি.এস.তি. হৌদোকখিবদগী হৌনা মঙারক শুবা ওইনা থাগী ওইনা খোমগৎপা জি.এস.তি.দা লুপা করোর লাখ ১.৪০ হেনখিবা ওইরি অমসুং মার্চ ২০২২দগী থংন-থংননা মরিশুবা থা ওইরি। জুন ২০২২গী কল্লেক্সন অসি খ্বাইদগী ৱাংবদা অনিশুবা ওইবা খক্তা নত্তনা মমাংদা উবা ফংখিবা কল্লেক্সন তানা থা ওইবগী ত্রেন্দ অদু থুগাইখি। মে ২০২২দা জেনরেৎ তৌখিবা ই-ৱে বিলশিংগী অপুনবা মশিং অসি করোর ৭.৩ ওইখি মসি ২০২২গী এপ্রিল থাদা জেনরেৎ তৌখিবা ই-ৱে বিল করোর ৭.৪দগী ২% হন্থখি।

মমাংগী শেনবা চহিগী অহানবা ক্বাতরদা ওইখিবা থাগী গ্রোস জি.এস.তি. কল্লেক্সনগী চাংচৎ লুপা করোর ১.১০গা য়েংনবদা শেনবা চহি ২০২২-২৩গী অহানবা ক্বাতরগী থাগী গ্রোস জি.এস.তি. কল্লেক্সনগী চাংচৎ অসি লুপা করোর লাখ ১.৫১ ওইদুনা ৩৭% হেনগৎলকখি। ইকনোমিক রিকবরী, এন্তি-ইবেসন এক্তিবিতীশিং, মরু ওইনা ফেক বিল্লরগী মায়োক্তা এক্সন লৌখৎখিবা অসিনা জি.এস.তি. হেনগৎহনবদা মতেং পাংখি। থা অসিগী গ্রোস সেস কল্লেক্সব অসিনা জি.এস.তি. হৌদোকখিবদগী খ্বাইদগী ৱাংবা ওইখি।

মখাদা পীরিবা চার্ত অসিনা ২০১৭-১৮দগী হৌনা গ্রোস জি.এস.তি. রিভেন্যুশিংগী লৈরিবা ত্রেন্দশিং অদু উৎলি। মখাদা পীরিবা তেবল অসিনা জুন ২০২১গা চাংদম্নবা মতমদা জুন ২০২২দা রাজ্য অমমমদা খোমগৎখিবা রাজ্য অমমমগী জি.এস.তি.গী মশিং অদু উৎলি।

জুন ২০২২^[১]গী মনুংদা লৈখিবা রাজ্য-রাজ্যগী জি.এস.তি. রিভেন্যুশিংগী গ্রোথ

****