হকশেল অমসুং য়াইফ-য়ুম্বাল মন্ত্রালয়
কেন্দ্রগী হকশেল মন্ত্রালয়না অমরনাথ য়াত্রা চাউনা মাইপাকহন্নবা খোঙথাং কয়ামরুম লৌখৎখ্রে
কেন্দ্র সরকার অমসুং রাজ্য সরকার অনিমক্না ভক্তাশিংদা তেংবাং পীনবা মেদিকেল প্রোফেস্নেলশিং দিপ্লোই তৌখ্রে
দি.আর.দি.ও.গী মতেংগা লোয়ননা বালতাল অমসুং চন্দনৱারীদা ইনদোর ফেসিলিতী ওইনা ফমুং ৫০ থাবা হোস্পিতাল অনি শেমগৎকনি
Posted On:
30 JUN 2022 4:29PM by PIB Imphal
হকশেল অমসুং য়াইফ-য়ুম্বাল অমসুং কেমিকেলস এন্দ ফর্তিলাইজর্সকী কেন্দ্র মন্ত্রী দা. মনসুখ মন্দাবিয়াগী পাউতাক মখাদা অমসুং ইকাই খুম্নরবা সুপ্রিম কোর্তকী য়াথংগী মতুং ইন্না ভক্তাশিংগীদমক অমরনাথ য়াত্রা স্ত্রীমলাইন তৌনবগী থৌরাং কয়ামরুম পাইখৎখি। শ্রী অমরনাথজী য়াত্রা জুন ৩০, ২০২২দগী হৌদুনা ওগস্ত ১১, ২০২২ ফাওবা চত্থগনি।
জম্মু অমসুং কাশ্মির মরু ওইনা ত্রীর্থয়াত্রা চৎপা মীওইশিং মশিং য়াম্না লাক্লিবা রাজ্য সরকারশিংদা মতেং পীনবা স্পেসিএলিস্ত দোক্তরশিং লোয়ননা জেনরেল দ্যুতী মেদিকেল ওফিসরশিং (জি.দি.এম.ও.শিং)গী সর্ভিসশিং য়াওনা মেদিকেল প্রিপরেসনগা লোয়ননা তঙাই ফদবশিংগী শিল-লাংনবা রাজ্য সরকারশিংদা খঙহনখি।
মখাদা পীরিবা থৌরাংশিং অসি লৌখৎখি:
- মেদিকেল ইমর্জেন্সীশিং লাকপদা য়েংশিন্নবা দোক্তর অমদি পেরামেদিক্স য়াওনা হেল্থ প্রফেস্নেলশিং বেৎ নাইনা দিপ্লোই তৌগনি। অহানবা বেচ জুন ২৫, ২০২২ – জুলাই ১৩, ২০২২দগী হৌখি। অনিশুবা অমসুং অহুমশুবা বেচ জুলাই ১১, ২০২২ –জুলাই ২৮, ২০২২ অমসুং জুলাই ২৬, ২০২২ – ওগস্ত ১১, ২০২২দগী হৌগনি।
- কেন্দ্র সরকারগী হোস্পিতালশিং অমসুং সি.জি.ঐচ.এস.তগী মেদিকেল প্রোফেস্নেলশিং দিপ্লোই তৌরি।
- দিরেক্তর হেল্থ সর্ভিসেস (দি.ঐচ.এস. কাশ্মির)গী খুত্থাংদা জম্মু অমসুং কাশ্মির সরকারনা কেন্দ্র সরকারগী হোস্পিতালশিং অমসুং সি.জি.ঐচ.এস.তগী মেদিকেল পর্সনেল ১৫৫ ( দোক্তর ৮৭, পেরামেদিক্স ৬৮) পীরক্নবা হায়জখ্রে।
- অপুনবা ওইনা, কেন্দ্র সরকারগী হোস্পিতালশিং অমসুং সি.জি.ঐচ.এস.তগী নোমিনেসন ১৭৬ (দোক্তর ১১৫ অমসুং পেরামেদিক্স ৬১) লাকখি। মখা তানা দিপ্লোই তৌনবগীদমক দি.ঐচ.এস. কাশ্মিরদা মপুং ফাবা লিস্ত পীখ্রে।
- রাজ্য অমসুং য়ু.ই. ১১দগী মেদিকেল প্রোফেস্নেলশিং (দোক্তর অমদি পেরামেদিক্স) দিপ্লোই তৌরি।
- দিরেক্তর হেল্থ সর্ভিসেস (দি.ঐচ.এস. কাশ্মির)গী খুত্থাংদা জম্মু অমসুং কাশ্মির সরকারনা রাজ্য অমসুং য়ু.তি. ১১দগী (দিল্লী, হরিয়ানা, রাজস্থান, পঞ্জাব, উত্তর প্রদেশ, আন্ধ্র প্রদেশ, মধ্য প্রদেশ, বিহার, গুজরাত, ৱেস্ত বেঙ্গল, মহারাস্ত্র) মেদিকেল পর্সনেল ৪৩৭ ( দোক্তর ১৫৪, পেরামেদিক্স ২৮৩) পীরক্নবা হায়জখ্রে।
- অপুনবা ওইনা, রাজ্য ৯দগী নোমিনেসন ৪৩৩ (দোক্তর ১১৫ অমসুং পেরামেদিক্স ৬১) লাকখি। দি.ঐচ.এস. কাশ্মিরনা বেচ অহুমমক্কী মেদিকেল পর্সনেল ৪২৮ ( দোক্তর ২১১, পেরামেদিক্স ২১৭) হান্ননা দিপ্লোই তৌখ্রে।
- ফমুং ৫০ থাবা হোস্পিতাল অনি
- বালতাল অমসুং চন্দনৱারীদা ইনদোর ফেসিলিতী থম্নবা এম.ও.ঐচ.এফ.দবল্যু.না মসি দি.আর.দি.ও.গী খুত্থাংদা মতেং পাংলি।
- এম.ও.ঐচ.এফ.দবল্যু.না পীবা ফন্দশিংগী খুত্থাংদা দি.আর.দি.ও.না বালতাল অমসুং চন্দনৱারীদা ফমুং ৫০ থাবা হোস্পিতাল শেমগৎখি।
- মথক্তা পনখ্রিবা ফমুং ৫০ থাবা হোস্পিতালশিং অসিগীদমক দি.ঐচ.এস. (কাশ্মির)দগী অহেনবা স্তাফ (য়ু.তি. ওফ জম্মু এন্দ কাশ্মিরদগী অমসুং এম.ও.ঐচ.এফ.দবল্যু.দগী ১২৯-১২৯) য়ুমথৌ তাবা অদু পীবিনবা হায়জখ্রে। এম.ও.ঐচ.এফ.দবল্যু.দা লৈরিবা সর্প্লস বফর মেনপাৱর অদু [কেন্দ্র সরকারগী হোস্পিতালশিং অমসুং সি.জি.ঐচ.এস.কী খুত্থাংদা অমসুং রাজ্যশিংনা নোমিনেৎ তৌখিবশিং] মখা তানা দিপ্লোই তৌনবগীদমক দি.ঐচ.এস., কাশ্মিরদা পীখ্রে।
হোস্পিতাল অসিগী ফোতো খরা মখাদা পীরি:
- হায় অলতিত্যুদ ইলনেসকী মেদিকেল কিয়রগী কম্প্রিহেন্সিব নোৎ শেমগৎপা
- অমরনাথজী য়াত্রা ২০২২গীদমক কম্প্রিহেন্সিব ইনফোর্মেসন, এজুকেসন এন্দ কম্ম্যুনিকেসন (আই.ই.সি.) মেতরিএল শেম-শাখ্রে অমসুং মথৌ তাবা থবক পাইখৎনবা স্তেকহোল্দরশিংদা শিয়র তৌখ্রে।
- আই.ই.সি. মেতরিএল শেম্বা: ত্রীর্থয়াত্রা চৎলিবা মীওইশিংগী তৌগদবা অমসুং তৌরোইদবশিং
- মথৌ তাবা থবক পাইখৎনবা স্তেকহোল্দরশিংগা লোয়ননা ত্রীর্থয়াত্রা চৎলিবা মীওইশিংগীদমক শম্লপ্পা তৌগদবা অমসুং তৌরোইদবশিং (ইংলিশ অমসুং হিন্দী) শেমখ্রে।
- ত্রেনরশিংগী ত্রেনিং তৌদুনা মাইপাক্না কেপাসিতী বিল্দিং তৌখি
- মে ৪-৬, ২০২২ ফাওবা কাশ্মিরগী ধোবিয়াৱন্দা হায় অলতিত্যুত ইমর্জেন্সীজকী তি.ও.তি. (ত্রেনিং ওফ ত্রেনর্স) প্রোগ্রাম পাঙথোকখি।
হকশেল অমসুং য়াইফ-য়ুম্বাল মন্ত্রালয়না ভক্তাশিংগী দর্শনদা অপনবা লৈতনা অমসুং য়াত্রা অসি চাউনা মাইপাকপা ওইহন্নবা অতোপ্পা মন্ত্রালয়শিংগসু থবক তৌরি।
*****
(Release ID: 1838364)
Visitor Counter : 100